Connect with us

تازه خبرونه

د تایوان شاوخوا ته مو پوځي روزنې روانې دي – چین 

Published

 on

(Last Updated On: زمری ۱۳, ۱۴۰۱)

د رویترز د چین د څرګندونو له مخې په ډاګه کړې؛ دغه هېواد د تايوان شاوخوا ته په شپږ زونونو کې د د سمندري، هوايي او نورو څانګو پوځي ځواکونو روزنه پیل کړې ده.

چین دغه پوځي هڅې نن پنجشنبه د زمري دیارلسمه تایوان تاپو ته د امریکا د مشرانو جرګې د مشرې نانسي پلوسي له  سفر یوه ورځ وروسته پیل کړې؛ ځکه، چې دغه هېواد تایوان خپله خاوره ګڼي او له همدې کبله یې د تایوان په شاوخوا بې ساري پوځي روزنې پیل کړې دي.

رویترز د چین د دولتي تلویزیون (CCTV) د څرګندونو له مخې  په ډاګه کړې، چې پوځي روزنې پیل شوي او د یکشنبې تر ورځې پورې به روانې وي او د تایوان شاوخوا په اوبو او هوایي حریم کې مستقیمې ډزې یې د روزنې یوه برخه ده.

د تایوان چارواکو ویلي، چې دغه پوځي روزنه د ملګرو ملتونو له قوانینو ښکاره سرغړونه ده او د تایوان پر ځمکني بشپړتیا هوایي آزادۍ او سمندري ترانسپورت ښکره برید دی.

د رویترز د څرګندونو له مخې، د تایوان چارواکو دا روزنه ناقانونه او غیر مسوولانه نوملې ده.

په بیجینګ کې د پنجشنبې پر ورځ د امریکا د سفارت په شاوخوا سیمو کې امنیتي تدابیر د پخوا پر پرتله دېر ټینګ ول؛ خو هیچا پر امریکایي محصولاتو د بندیز غږ پورته نکړ او د لاریونونو نښې نښانې هم نه وې.

په تایوان کې پلوسي د دې هېواد له چارواکو سره د امریکا د پیوستون ژمنه وکړه او ویې ویل، چې د چین غصه نشي کولی دې هېواد ته د نړۍ د مشرانو د سفر مخه ونیسي.

د چین دفاع وزارت له دې مخکې اعلان کړی و، چې بیجینګ به تایوان ته د پلوسي د سفر په ځواب کې یو لړ هدفي پوځي روزنې پیل کړي.

تازه خبرونه

د یوناما دفتر مشر په کابل کې د تخنیکي او مسلکي زده‌کړو له رییس سره وکتل

Published

on

(Last Updated On: سلواغه ۱۸, ۱۴۰۱)

په افغانستان کې د ملګرو ملتونو د دفتر (یوناما) مشرې د تخنیکي او مسلکي زدهکړو له رییس غلام حیدر شهامت سره په کتنه کې د ښځو او نجونو پر حرفوي زدهکړو ټینګار څرګند کړ.

په افغانستان کې د ملګرو ملتونو د مرستندویه دفتر یا یوناما مشرې روزا اتونبایوا د اسلامي امارت له مسوولینو سره له لیدنو وروسته دا ځل د تخنیکي او مسلکي زده‌کړو د څانګې له مشر سره وکتل.

روزا اتونبایوا ويلي، حرفوي زده‌کړې د افغانستان د اقتصادي ودې لپاره اړینې دي او باید ښځې او نجونې له اړوند روزنې برخمنې شي.

دغه راز د تخنيکي او مسلکي زده‌کړو رييس ويلي، چې تخنيکي او مسلکي زده‌کړې د بېوزلۍ د له منځه وړلو او د هېواد د اقتصاد د ودې لپاره اغېزمنې دي.

هغه وایي: د تخنيکي او مسلکي زده‌کړو رياست په ټول افغانستان کې ٣٨٣ انستيتيوتونه او عالي لیسې لري، چې په ٢٥٠ ولسواليو کې فعاليت کوي او ٦٨٥٠ کسان لري.

په همدې حال کې یو شمېر کارپوهانو هم ويلي، چې افغانستان د ټولو په ځانګړي توګه ښځو او نجونو ته د کار زمینه برابرولو او پراختیا ته اړتیا لري او ټول نړیوال بنسټونه د افغانستان د پرمختګ لپاره رغنده رول لوبوي.

په دې کتنه کې د ملګرو ملتونو د فرهنګي او علمي سازمان (يونسکو) مشر هم حضور درلود او د هوکړه ليک پر لاسليکولو او د دواړو بنسټونو ترمنځ د ګډې کاري ډلې پر رامنځته کولو يې ټينګار څرګند کړ.

Continue Reading

تازه خبرونه

روسیه په افغانستان کې د خپل سفارت د تړلو کوم پلان نلري – کابلوف

Published

on

(Last Updated On: سلواغه ۱۸, ۱۴۰۱)

د افغانستان لپاره د روسیې استازي د دوشنبې پر ورځ ( د سلواغې ۱۷ ) تاس نیوز ته په ډاګه کړې، چې روسیه په کابل کې د خپل دیپلوماتیک ماموریت د تړلو کوم پلان نلري.

ضمیر کابلوف، چې د ولسمشر پوتین ځانګړی استازی او د روسیې د بهرنیو چارو وزارت د آسیا د دوه‌یمې څانګې مشر دی؛ د یادې سرچینې د دې پوښتنې په ځواب کې، چې آیا روسیه داسې پلانونه لري که نه، ویلي: داسې فکر هم ندی شوی.

له دې مخکې العربیه تلویزیون راپور ورکړی و، چې د یو شمېر عربي او غربي هېوادونو چارواکو پرېکړه کړې، چې د امنیتي دلایلو له مخې په کابل کې خپل سفارتونه وتړي.

Continue Reading

تازه خبرونه

د قطر سفیر په کابل کې د اسلامي امارت له چارواکو سره وکتل

Published

on

(Last Updated On: سلواغه ۱۷, ۱۴۰۱)

د یکشنبې پر ورځ د اسلامي امارت یو شمېر استازیو په کابل کې د قطر د بهرنیو چارو د وزیر له ځانګړي استازي مطلق بن ماجد القحطاني او مل پلاوي سره وکتل.

د قطر استازي د اسلامي امارت د بهرنیو چارو له وزیر امیر خان متقي، کورنیو چارو وزیر سراج الدین حقاني؛ د پوهنې وزیر حبیب الله اغا او د استخباراتو عمومي رییس عبدالحق وثیق سره د افغانستان په اړه خبرې وکړې.

د اسلامي امارت د چارواکو د څرګندونو له مخې؛ دواړو لوریو د قطر خيريه بنسټ پر هڅو، سياسي همکاريو، د اړيکو پر پياوړتياوو او بشري مرستو هر اړخیزې خبرې کړې دي.

د قطر د بهرنیو چارو وزارت لخوا په خپره شوې خبرپاڼه کې راغلي؛ القحطاني د افغانستان پر مهمو پرمختګونو په ځانګړي توګه د سیاست، اقتصاد، پراختیا او پوهنې په برخو کې خبرې وکړې.

نوموړي د قطر پر دریځ ټینګار څرګند کړ او د افغانانو له ټولو حقونو په ځانګړي توګه د زده‌کړو او د نجونو د حقونو د ترلاسه کولو او د ښځو د کار کولو له حق او درناوي خپل ملاتړ بیا وړاندې کړ.

په خبرپاڼه کې راغلي، چې هغه په افغانستان کې د امنیت او ثبات د ټینګښت پر هراړخیزې ملاتړ او د سیاسي اجماع د رامنځته کولو لپاره د اسانتیاوو پر رامنځته کولو هم ټینګار څرګند کړ.

Continue Reading

Trending

Copyright © 2022 Ariana News. All rights reserved!