Connect with us

تازه خبرونه

د ترکیې سره میاشت بې ځایه شویو افغانانو ته خوراکي توکې رالیږي

Published

 on

(Last Updated On: تله ۱۱, ۱۴۰۰)

د ترکیې د سرې میاشتې ټولنې مشر پرون جمعه د تلې ۹ ویلي؛ دوی به په افغانستان کې له بې ځایه شویو کورنیو سره د خوراکي توکو په ګډون یو لړ بشري مرستې وکړي.

له دې مخکې د ملګرو ملتونو د کډوالو عالي کمیشنرۍ (یو ان  اچ سي آر)  مشر فلیپو ګرانډي ویلي وه، چې په افغانستان کې تېره میاشت له نښتو څخه شاوخوا نیم میلیون افغانان بې ځایه شوي دي.

د ترکیې د سرې میاشتې مشر کریم کینیک ويلي، چې د پاکستان له لارې افغانستان ته د خوراکي توکو یوه ټولګه لیږل کیږي، چې پر ۱۶۰۰۰ افغانانو به ووېشل شي.

هغه وایي: اوس د خواړو سخت بحران راغلی دی.

نوموړي زیاته کړې، چې دا مرستې د وچکالۍ، د نړیوالې سوداګرۍ د درېدوه او د بهرنیو مرستو د بندېدو له کبله ترسره کیږي.

د ترکیې د سرې میاشتې مشر څرګنده کړې، چې له افغانستان څخه د بهرنیو ځواکونو له وتلو مخکې یې هم د اسلامي امارت تر کنټرول لاندې سیمو ته له خلکو سره مرسته کړې او اوس هم مرستې روانې ساتي.

هغه زیاته کړې؛ طالبانو( اسلامي امارت) د افغانستان سرې میاشتې ټولنې ته یو چارواکی ټاکلی، چې د مرستې دا بهیر به ترسره کړي.

دا په داسې حال کې ده، چې د ترکیې سرې میاشتې ټولنې له ۲۰۱۸ زېږدیز کال را پدیخوا د افغانستان له خلکو سره د کوچنیو سوداګریزو کارونو د تر سره کولو لپاره د ۲۵۰ زره امریکایي ډالرو مرسته کړې ده.

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

تازه خبرونه

حکومتي چارواکو له شیعه عالمانو سره د خواخوږۍ لیدنه وکړه

Published

on

(Last Updated On: زمری ۱۷, ۱۴۰۱)

د افغانستان اسلامي امارت د رییس الوزرا سیاسي مرستیال مولوي عبدالکبیر د یکشنبې پر ورځ (د زمري ۱۶) د شیعه عالمانو له استازیو سره وکتل او په محرم کې یې د وروستیو چاودنو له کبله ورته خپله خواخوږي وړاندې کړه.

د ارګ په خبرپاڼه کې څرګنده شوې، چې په دې لیدنه کې مولوي کبیر د قربانیانو له کورنیو سره خپله خواخوږي ښکاره کړه.

په دې غونډه کې د شيعه عالمانو د سراسري شورا مرستيال جواد صالح او شیعه مشر استاد اکبري هم شتون درلود او د عاشورا د ورځو د امنيت په ټينګښت کې يې د امنيتي ځواکونو له هڅو او هلوځلو درناوې وکړ.

دا لیدنه له هغو چاودنو وروسته لومړۍ لیدنه ده، چې یو شمېر هزاره وګړي په کې ځاني زیانمن شوي دي.

په افغانستان کې د ملګرو ملتونو د مرستندویه دفتر (یوناما) د څرګندونو له مخې، په دغو چاودنو کې لږ تر لږه ۱۲۰ کسانو ته مرګ و ژوبله اوښتې ده.

د دغو چاودنو مسوولیت داعش پر غاړه اخیستی دی.

د یکشنبې پر ورځ د زمري ۱۶ په کابل ښار کې له یوې چاودنې خبر ورکړ شو، چې وروسته د پولیسو له خوا رد او څرګنده شوه، چې دا غږ په یوه ښوونیز مرکز کې د پوځي روزنې و.

Continue Reading

Trending

Copyright © 2022 Ariana News. All rights reserved!