Connect with us

سیمه ییز خبرونه

د غربي تبلیغاتي جګړې د مخنیوي لپاره له ټولنیزو رسنیو کار واخلئ – ندا محمد ندیم

خپور شوی

د

(Last Updated On: ليندۍ ۱۷, ۱۴۰۱)

د اسلامي امارت د لوړو زدکړو وزیر ندا محمد ندیم د هېواد د ختیځ زون د دولتي او خصوصي تعلیمي موسسو له زدکړیالانو (محصلینو) سره په کتنه کې له هغو وغوښتل، چې د پردیو د تبلیغاتي جګړې پر وړاندې په مبارزه کې له خپلو ټولنیزو رسنیو کار واخلي او د لویدیځ د شومو اهدافو مخه ونیسي.

ندا محمد ندیم ننګرهار ولایت ته په خپل کاري سفر کې د هېواد د ختیځ زون د دولتي او خصوصي ښوونیزو بنسټونو له استادانو او محصلینو سره وکتل.

په دې کتنه کې ندا محمد ندیم د یاد زون محصلینو ته د یووالي بلنه ورکړه او له هغوی یې وغوښتل، چې د خپل علم او مسلک له لارې خپلو خلکو او هېواد ته خدمت وکړي.

د لوړو زدکړو وزیر محصلینو ته په وینا کې په ډاګه کړې؛ د دې هېواد راتلونکی او د نورو له اقتصادي انحصاره یې ژغورنه ستاسې مسوولیت دی او د دې مسوولیت د ترسره کولو لپاره د ساینس او ​​پوهې په ترلاسه کولو کې پوره هڅې وکړئ.

دغه راز د لوړو زدکړو وزير محصلينو ته د لويديځ فکري جګړې ته هم نغوته او اشاره وکړه او له هغوى يې وغوښتل، چې د خپل نظام د پياوړتيا لپاره کار وکړي او د بهرنيانو د شومو طرحو ښکار نشي.

نوموړي همدا راز د هېواد محصلینو او استادانو ته ډاډ څرګند کړ، چې پخپل ټول توان به له شته امکاناتو ګټه پورته او د ستونزو د اوارۍ او د ښه تحصیلي چاپېریال د رامنځته کولو لپاره خپلې هڅې روانې وساتي.

سیمه ییز خبرونه

په هند کې چاودنې دوه کسانو ته مرګ او ژوبله واړوله

Published

on

(Last Updated On: کب ۵, ۱۴۰۲)

د هند امنیتي چارواکو څرګنده کړې، چې د جمعې پر شپه د مانیپور په شمال ختیځ ایالت کې د یوې بمي چاودنې له کبله یو تن وژل شوی او یو بل ټپي دی.

د رویټرز خبري اژانس د څرګندونو له مخې، چاودنه د مانیپور ایالت د مرکز په ایمفال پوهنتون کې رامنځته شوې ده.

تر دې دمه کومې ډلې د دې چاودنې مسوولیت نه‌دی منلی.

یوه هندي چارواکي ویلي، چې بم د ډی ایم نومي پوهنتون په انګړ کې وچاودېده؛ یو تن وژل شوی او یو بل تر درملنې لاندې دی.

له تېرې می میاشتې راپدیخوا مانیپور د اکثریت “میتي” او اقلیت “کوکي” ټولنو د غړیو ترمنځ د اقتصادي ګټو او قبایلو ته د ورکړ شوې ونډې د وېش پر سر د سختو نښتو شاهد دی. په دغو نښتو کې شاوخوا ۲۰۰ کسان وژل شوي هم دي.

ایمفال د میتي ټولنې د استوګنې ځای دی، چې د جګړې له پیل راپدیخوا د تاوتریخوالي د ډېرو پېښو شاهد دی.

بم د جمعې پر ورځ د مانیپور د ډی ام پوهنتون د زده‌کوونکیو اتحادیې په دفتر کې چاودنه کړې ده.

د چارواکو د څرګندونو له کبله دوه ژوبل کسان سمدستي روغتون ته وړل شوي، چې یو یې د ټپونو له کبله ساه ورکړه.

د شپې شاوخوا ۱ بجه، د متحد مانیپور کمیټې دفتر، چې د مدني ټولنې دفتر، چې د میتي د ګټو استازیتوب کوي؛ وسوځول شو.

Continue Reading

سیمه ییز خبرونه

مولانا فضل الرحمن د پاکستان د ټاکنو پایلې رد کړې

Published

on

(Last Updated On: سلواغه ۲۶, ۱۴۰۲)

د پاکستان جمعیت علمای اسلام ګوند مشر د سلواغې د نولسمې په پارلماني ټاکنو کې له ماتې وروسته ویلي، چې ګوند یې؛ ځکه ټاکنې بایللې، چې له پاکستان سره د افغانستان د اړیکو پیاوړتیا او د اسلامي امارت د ثبات غوښتونکی و.

هغه ويلي، چې د پاکستان د ټاکنو پايلې نه مني او له همدې کبله د ټاکنو د پايلو پر ضد به لاريون ترسره کړي.

په دې ټاکنو کې د جمعيت علما اسلام ګوند يوازې څلور څوکۍ وګټلې.

مولانا فضل الرحمن د چارشنبې پر ورځ (د سلواغې پېنځه‌ویشتمه) په اسلام‌آباد کې یوه خبري کنفرانس ته د وینا پر مهال ویلي؛ د ده د ګوند ټاکنیزه ماته د هغې درغلۍ پایله وه، چې د ” اسلام ضد نړیوالو قدرتونو” ورته سپارښتنه کړې وه.

نوموړي پر امريکا او اسرائيلو تور ولګاوه، چې د اسلامي امارت او پاکستان ترمنځ د اړيکو د ښه کولو له هڅو سره مخالف دي او د ده د بريا مخه یې ونيوله.

فضل الرحمان وایي: زمونږ جرم دا دی، چې مونږ په افغانستان کې د اسلامي امارت د ثبات او د پاکستان او افغانستان ترمنځ د سوله‌ییزو اړیکو لپاره هڅې وکړې او جمعیت علمای اسلام د اسرائیلو د دولتي ترهګرۍ پر وړاندې د حماس له دریځه ملاتړ کړی دی.

د دېره اسماعیل خان له حوزې څخه پارلماني ټاکنو ته نوماند مولانا فضل الرحمان د تحریک انصاف ګوند سره تعلق لرونکي آزاد امیدوار علي امین خان ګنډاپوري څخه ماتې وخوړه.

فضل الرحمن په خپل خبري کنفرانس کې دا ادعا هم کړې، چې د فبرورۍ د اتمې په ټاکنو کې له بریالیو او ناکامو نوماندانو څخه رشوتونه اخیستل شوي دي.

هغه د پاکستان د ټاکنو کمیسیون پر فساد تورن کړ او ادعا یې کړې، چې په پېښور کې یو افغان وګړي هم د پاکستان پارلماني ټاکنې وګټلې.

Continue Reading

سیمه ییز خبرونه

شهباز شریف د پاکستان صدراعظمۍ ته ائتلافي نوماند شو

Published

on

(Last Updated On: سلواغه ۲۵, ۱۴۰۲)

پخواني لومړي وزیر شهباز شریف ته یوه نږدې کس ویلي، چې د سې شنبې پر ورځ( د سلواغې څلیریشتمه ) ځان د بېلابېلو ګوندونو د جوړ شوي نوي ائتلاف مشرۍ ته نوماند کړ.

د پاکستان پیپلز پارټۍ د سې شنبې پر ورځ ویلي؛ دوی به د سیاسي ثبات د رامنځته کولو لپاره د نواز شریف د ګوند ملاتړ وکړي او پاکستان به له ناڅرګند برخلیکه وژغوري.

د نواز شريف د ګوند وياندې مريم اورنګزېب په ایکس پاڼه کې لیکلي، چې د شهباز مشر ورور نواز شريف هغه د دې څوکۍ لپاره نومولی دی.

شهباز شریف د خپل ورور پاکستان مسلم لیګ نواز سره بشپړ تړاو لري او دې ګوند ۸۰  څوکۍ او پیپلز ګوند  ۵۴ هغو پر ګټلو دوه‌یم ځای خپل کړی دی. دواړه ګوندونه به پر ګډه د ۲۶۴ څوکیو لپاره په مقننه قوه کې د ساده اکثریت لپاره بس وي.

د پاکستان پيپلز پارټۍ د مشر پخواني اصف علي زرداري زوی بلاول بوټو د شهباز شریف او د نورو سیاسي ګوندونو د مشرانو تر څنګ ناست یو خبري کنفرانس ته ویلي؛ مونږ پرېکړه کړې، چې له ناورین څخه د پاکستان د ایستلو لپاره به په ګډه حکومت جوړوو.

له دې مخکې د زرداري زوی او د پيپلز ګوند مشر بلاول بوټو زرداري د نواز شريف په مشرۍ د ائتلاف ملاتړ ته شرطونه ايښي وه او ويلي يې ول، چې د لومړي وزير په ټاکلو کې به د دوی ملاتړ کوي؛ خو د حکومت برخه به نه‌وي.

په هرحال پېنځه ورځې وروسته د فبرورۍ د ۸ ټاکنو د رایو د وېش له کبله د بې ثباتۍ اندېښنې راوپارولې دي.

د بندي پخواني لومړي وزیر عمران خان له ملاتړه برخمنو خپلواکو نوماندانو ۹۲ څوکۍ ګټلې، چې تر ټولو لویه ډله ده؛ خو دوی نه‌شي کولی نه د فرد په توګه او نه د ګوند په توګه په‌خپل‌سر حکومت جوړ کړي. دوی له مسلم لیګ (ن) او پیپلز ګوند سره هم د اتحاد خبره رد کړې ده.

Continue Reading

Trending

Copyright © 2022 Ariana News. All rights reserved!