Connect with us

تازه خبرونه

د قراردادیانو په ګډون دې ټول بهرني ځواکونه ووځي – طالبان

خپور شوی

 په

(Last Updated On: چنګاښ ۱۴, ۱۴۰۰)

په دوحه کې د طالبانو د مرکچي پلاوي غړي سهیل شاهین ويلي؛ د جګړې له لارې د کابل نیول د طالبانو تګلاره نده؛ خو د قراردادیانو په ګډون دې ټول بهرني ځواکونه له افغانستان ووځي.

شاهین له بي بي سي سره په خبرو کې ویلي؛ په [کابل] ښار کې د  امریکایي سرتېرو له وتلو وروسته باید د قرارداديانو په ګډون هیڅ بهرني ځواکونه پاتې نشي.

دغه راز سهیل شاهین څرګنده کړې؛ که دوی د دوحې د هوکړې خلاف خپل ځواکونه وساتي؛ نو بیا به په دې صورت کې مونږ د خپل مشرتابه پرېکړې ته په تمه وو، چې څنګه پرمخ ولاړ شو.

په دې اړه شاهین وایي: مونږ به غبرګون وښیو او وروستۍ پرېکړه زمونږ له مشرتابه سره ده.

له دې مخکې ویل شوي وه، چې یو شمېر امریکایي سرتېري به په کابل کې د هوایي ډګر او په افغانستان کې د امریکا سفارت د ساتنې لپاره پاتې شي.

شاهین زیاته کړې، چې ډیپلوماتان، د نادولتي بنسټونو کارمندان او بهرني ملکي اتباعو ته څه نه ویل کیږي او ان امنیت ساتنې ته یې اړتیا لیدل کیږي.

نوموړي په دې اړه ویلي: مونږ د بهرنیو ځواکونو د پوځي شتون مخالف یو، نه د ډیپلوماسۍ. نادولتي موسسې، د دوی کارمندان، سفارتونه زمونږ د خلکو اړتیاوې دي. مونږ به دوی له خطر سره مخ نکړو.

د بي بي سي د څرګندونو له مخې؛ شاهین زیاته کړې، چې د بګرام له پوځي اډې څخه د امریکايي ځواکونو وتل یو تاریخي ګام دی.

شاهین د تاوتریخوالي په زیاتېدو کې د طالبانو رول هم رد کړ او زیاتوي، چې د هېواد په ګوټ ګوټ کې ولسوالۍ د منځګړیو د هڅو له لارې ورسپارل شوې دي.

همدارنګه شاهین ویل، چې تر دې دمه د طالبانو او افغان حکومت تر منځ د ټاکنو په اړه بحث ندی شوی.

تازه خبرونه

زیربنا: د دیورند کرښې په اوږدو کې د څو نورو دروازو جوړولو غوښتنه

خپور شوی

په

توسط

(Last Updated On: غبرګولى ۵, ۱۴۰۱)

Continue Reading

تازه خبرونه

زیربنا: له یوه اماراتي شرکت سره د افغانستان د درې هوایي ډګرونو د ځمکنيو چارو د ترسره کولو تړون

خپور شوی

په

توسط

(Last Updated On: غبرګولى ۴, ۱۴۰۱)

Continue Reading

تازه خبرونه

په کابل کې چاودنې ۲۷ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۴, ۱۴۰۱)

د کابل ایمرجنسي روغتون د راپور له مخې؛ نن ماښام د کابل ښار د څلورمې امنیتي حوزې په یوه جومات کې د چاودنې له کبله لږ تر لږه پېنځه کسان وژل شوي او ۲۲ نور ټپیان دي.

کورنیو چارو وزارت پېښه تائید کړې او څرګندوي، چې دغه چاودنه د کابل ښار د څلورمې امنیتي حوزې اړوند د ترافیکو څلور لاري ته نږدې په زکریا نومي جومات کې رامنځته شوې، چې ۱۸ کسان ترې تبیان دي او ۶ نور وژل شوي دي.

تر اوسه کومې ډلې د دې چاودنې مسوولیت ندی منلی.

Continue Reading

Trending

Copyright © 2022 Ariana News. All rights reserved!