سوداگري
د مرمر او لاجورد کانونو تړونونه دې له اوطلبۍ وروسته لاسلیک شي ـ ا.ا
د افغانستان اسلامي امارت کابینې پرېکړه کړې، چې د میدان ورګ د مرمر او د بدخشان دلاجورد کانونو تړونونه دې داوطلبۍ ته وړاندې او بیا دې لاسلیک شي.
د افغانستان د لومړي وزیر مرستیال او د اقتصادي کمیسیون مشر د اسلامي امارت د کابیني د پرېکړي له مخي په پام کې لري، چې د میدان ورګ ولایت د مرمرو کان لومړی، دوه یم او درېیم بلاکونه او د بدخشان دلاجورد د کانونو څېړنه تر سره او بیا يي داوه طلبۍ ته وړاندي کړي.
د افغانستان د خصوصي سکتور غړي د اسلامي امارت د کابیني له پرېکړې هرکلی کوي او څرګندوي، چې که د دغو کانونو د کېندنو او استخراج په تړنونو کې کورنیو پانګوالو ته لومړیتوب ورکړ شي دا به د هېواد په ګټه وي.
د سوداګرۍ او پانګونې خونې مرستیال محمد یو نس مومند څرګنده کړې: مونږ خوښ یو، چې دا کانونه باید استخراج شي او ولس ترینه ګټه واخلي؛ خو که په دې تړنونو کې کورنیو پانګوالو ته لومړیتوب ورکړ شي؛ دا به هېواد ته ګټور وي.
د اقتصادي چارو کارپوهان هم د افغانستان د اسلامي امارت له دې هڅې هرکلی کوي او وایي، چې د هېواد ټول کانونه باید استخراج شي او د پانګونې د جذب لپاره دا کانونو تر ټولو ښه ادرس دی.
اقتصادي کارپوه تاج محمد تلاش وایي: زمونږ دا کانونه باید ټول داوطلبۍ ته وړاندي شي او پوښتي، چې که نن مونږ دا کانو نه استخراج نکړو دا به زمونږ ولس ته کله ګټه ورسوي.
د افغانستان د کانونو د استخراج موضوع په تېر حکومت کې هم ډېره ګرمه وه؛ خو د فساد او بروکراسۍ د شتوالي له کبله د کانونو د قانوني استخراج چارې ځنډول شوې وې.