په افغانستان کې د یونیسف استازي تاج الدین ایوالي هلمند ولایت ته د خپل وروستي سفر او د کډوالو له یوه کمپ څخه د لیدنې پر مهال د هر ماشوم له روغتیا څخه د برخمن ژوند د حق لرلو پر اړتیا ټینګار وکړ او په هېواد کې یې د ماشومانو د تغذیې او روغتیایي وضعیت په ښه کولو کې د یونیسف له هڅو خبر ور کړی دی.

هغه په ​​دې سیمو کې د ماشومانو ستونزمنو شرایطو ته پر کتو ټینګار وکړ؛ هر ماشوم حق لري، چې روغ ژوند پیل او اړین ملاتړ ترلاسه کړي.

یونیسف په افغانستان کې د خوارځواکۍ کمولو او د ماشومانو د روغتیایي حالت ښه کولو لپاره ګڼ‌شمېر پروګرامونه ترسره کړي او هڅه کوي، چې د دې زیان منونکي قشر بنسټیزو اړتیاوو ته هم ځواب ووایي.

له دې مخکې د ملګرو ملتونو د بشري چارو د همغږۍ دفتر( اوچا) د سلواغې پر نهمه خبرداری ورکړی و، چې کېدی شي په افغانستان کې د خوارځواکو ماشومانو شمېر تر ۲۰۲۵ کال پورې ۳.۵ میلیون کسانو ته ورسیږي.

افغانستان او چین د واخان دهلیز او افغان-ټرانس په لویو پروژو کې پر همکاریو ټینګار وکړ.

د افغانستان د ټولګټو چارو وزارت چارسمبالي( سرپرست) محمد عیسی ثاني په کابل کې د چین له شارزډافیر ژاو ژینګ سره د واخان دهلیز او د افغان-ټرانس پروژ, په اړه د خبرو اترو لپاره وکتل.

محمد عیسی ثاني ویلي، چې دې وزارت د واخان دهلیز سروې کړې او د ډیزاین په اړه یې کار روان دی.

دواړو خواوو د واخان دهلیز او افغان-ټرانس پروژو پر تلپاتې همکاریو او بحثونو ټینګار وکړ.

د ټولګټو چارو وزارت د رسنیزې خبرپاڼې له مخې، په دې غونډه کې دواړو خواوو د سوداګریزو او اقتصادي اړیکو، سوداګریزو ملکیتونو لېږد، د چین او افغانستان ترمنځ د بېخبنایي( زیربنایي) پروژو او دوه اړخیزو همکاریو پر دوام هم ټینګار کړی دی.

د سعودي عربستان د بهرنیو چارو وزارت د اسرائیلو د لومړي وزیر بنیامین نتنیاهو هغه څرګندونې غندلي، چې د فلسطینیانو د بې ځایه کولو په اړه یې کړې دي.

نتنیاهو په دې وروستیو کې ویلٍي، چې سعودي عربستان کولی شي د سعودي په خاوره کې یو فلسطیني دولت جوړ کړي.

مصر او اردن هم د اسرائیلو دا وړاندیز غندلی او قاهرې دا "د سعودي عربستان له حاکمیت څخه مستقیمه سرغړونه" بللې ده.

سعودي عربستان ویلي، چې د "وروڼو" هېوادونو لخوا د نتانیاهو د څرګندونو غندنه له ارزښت ډکه ده.

د سعودي بهرنیو چارو وزارت په خبرپاڼه کې ویل شوي: " اشغالګرو خپله افراطي نظریه نده درک کړې، چې د فلسطین خاوره د فلسطین د وروڼو خلکو لپاره څه معنا لري او له دې خاورې سره د هغې وجداني، تاریخي او قانوني اړیکه څه ده."

په غزه کې د فلسطینیانو د برخلیک په اړه بحث د امریکا د ولسمشر ډونالډ ټرمپ د حیرانونکي وړاندیز سره زور اخیستی، چې امریکا دې د فلسطینیانو له بې ځایه کولو وروسته د غزې تړانګه ونیسي.

عربي هېوادونو د ټرمپ هغه څرګندونې وغندلې، چې د اسرائیل او حماس ترمنځ د اوربند پر مهال وړاندې شوې دي.

ټرمپ ویلي، چې سعودي عربستان له اسرائیلو سره د اړیکو د عادي کولو لپاره د فلسطیني دولت جوړېدا نه غواړي؛ خو ریاض د هغه څرګندونې رد کړې او وایي، چې د فلسطیني دولت له جوړېدو پرته به له اسرائیلو سره اړیکې رامنځته نشي.

د غزې چارواکو ويلي، چې په غزه کې د شاوخوا دوه میلیون فلسطینیانو له ۴۷ زره څخه زیات یې په جګړه کې وژل شوي دي.

ویل کیږي، چې اسرائیلو پر فلسطین خپل بریدونه له هغې وروسته پیل کړل، چې د حماس پر مشرۍ وسلوالو د ۲۰۲۳ کال د اوکټوبر پراوومه په یوه برید کې شاوخوا ۱۲۰۰ کسان ووژل او له ۲۵۰ څخه ډېر یې ونیول.