تازه خبرونه
د پاکستان په کراچۍ ښار کې دوه افغانان وژل شوي
د پاکستان پولیسو ویلي؛ دوه افغان وګړي، چې وروڼه دي په کراچۍ ښار کې پر ډزو وژل شوي دي.
د پولیسو یوه چارواکي ذیشان شفیق صدیقي رسنیو ته ویلي، چې جمال الدین او حیات الله د شنبې پر ورځ د ناڅرګندو وسلهوالو لهخوا وژل شوي دي.
هغه زياته کړې، چې وژل شوي کسان افغانان دي او د سهراب ګوټ په اړوند سيمه کې اوسېدل.
دوی غوښتل د واده د مراسمو لپاره موټر کرایه کړي کله، چې موټر سایکل سپارو دوه کسانو پرې ډزې وکړې.
پولیسو دا احتمال رد کړی، چې ګواکې دغه برید د غلا پر موخه شوی وي.
عیني شاهدانو ویلي، چې برید کوونکي هم افغانان ول.