Connect with us

نړۍ

د چینايي الوتکې د ټولو سپرلیو مړینه تائید شوه

Published

 on

(Last Updated On: وری ۷, ۱۴۰۱)

چینايي چارواکو د هېواد په ختیځ کې د ټولو ۱۳۲ چینايي سپرلیو وژل کېدل تائید کړي دي.

د چین د ملکي هوايي چلند ادارې پرون (شنبه د وري ۶ ) په ډاګه کړې؛ د تېرې اوونۍ اوونۍ د چین د سویل په یوه غره کې د راغورزېدلې  الوتکې سپاره ټول ۱۳۲ کسان وژل شوي دي.

د سي جي ټي ان د راپور له مخې؛ د قربانیانو خپلوان د څو ورځو راپدیخوا د مرستندویه ډلو په تمه ول، چې د ګوانګشي ولایت ووژو ښار ته نږدې به په ځنګلي سیمو کې له ناورینه د پاتې ژونديو کسانو لټون وکړي.

تر اوسه د پېښې لامل په ډاګه شوی ندی؛ خو معلومات ښيي، چې الوتکه له ۲۹۱ زره فوټه لوړوالي څخه ۷ زره ۸۵۰ فوټه ( له ۸ زره او ۹۰۰ څخه تر ۲ زره ۴۰۰ مټرو پورې) له یوې دقیقې څخه په لږ وخت کې رالوېدلې ده.

د چین د ملکي هوايي چلند ادارې مرستیال مشر یوې خبري غونډې ته ویلي، د الوتکې ټول سپاره او کارکوونکي مړه شوي دي.

تېره اوونۍ د چين دولتي رسنيو خبر ورکړ، چې د ختيځ چين د هوايي شرکت الوتکې د لوېدو په اړه د معلوماتو له دوه تورو بکسونو څخه يو يې موندل شوی او د ګوانګشي ژوانګ په اړوند سيمه کې یې د انسان پاتې شونی موندل شوي دي.

دغه بوینګ ۷۳۷ مسافر وړونکې الوتکه له کونمینګ ښار څخه د ګوانګژو بندري ښارته د ۵۲۳ کیلومټرو په چټکتیا روانه وه، چې په اړوند ځنګلي سیمه کې راولوېده.

نړۍ

په ۲۰۲۵ ز. کال کې د امریکا او چین د جګړې شونتیا ډېره ده ـ امریکایي جنرال

Published

on

(Last Updated On: سلواغه ۱۱, ۱۴۰۱)

د ۱۱۰ زره سرتېرو د یو امریکایي جنرال د یوه یادښت له مخې امریکا به په راتلونکیو دوه کلونو کې له چین سره جګړې ته ورودانګي.

دغه امریکايي څلور ستوریز جنرال، چې د هوايي څانګې مسوول دی او د الوتکو د تېلو څارنه کوي؛ په خپل یوه یادښت کې تر خپلې قومندې لاندې ۱۱۰ زره پوځیانو ته خبرداری ورکوي، چې امریکا به په راتلونکیو دوه کلونو کې له چین سره جګړې ته ولاړه شي.

دا یادښت لومړی په ټولنیزو رسنیو کې خپور او بیا د پنتاګون لخوا تائید شو، چې بنسټیزه موخه یې د جګړې مخنیوی او د اړتیا په صورت کې د چین ماتول دي.

  د دغه امریکايي جنرال د استدلال پر بنسټ، امریکا او تایوان په ۲۰۲۴ ز. کال کې د ولسمشرۍ ټاکنې ترسره کوي، چې په کې د واشنګتن د چارواکو د وېشلو شونتیا هم لیدل کیږي او په پایله کې به یې چین ته دا فرصت رامنځته شي، چې پوځي هڅې وکړي او تایوان له خپلې خاورې سره بېرته ونښلوي.

چينايي چارواکو تل د امريکا او تايوان د اړيکو نږدیوالی په ځانګړي توګه د دواړو خواوو ترمنځ پراخې پوځي همکارۍ پاروونکې او د دوی د ملي امنيت پر ضد ګڼلي.

تايوان ۲۴ میليون وګړي لري او د بیجنګ د څرګندونو له مخې د چين يوه برخه ده، چې له ۱۹۴۹ ز. کال راپدیخوا له خپلې اصلي ځمکې څخه بېل شوی دی.

د چين او امريکا ترمنځ اړيکې په تېرو کلونو کې د بېلا بېلو مسايلو لکه تايوان، جنوبي چين سمندرګي، شمالي کوريا او اقتصادي مسايلو له کبله ترينګلې پاتې دي؛ خو تایوان ته د امريکا د ولسي جرګې د ریيسې نانسي پلوسي له سفر وروسته د دواړو هېودونو ترمنځ لفظي او ديپلوماتيکه ترينګلتيا په بې ساري توګه زياته شوې ده.

Continue Reading

نړۍ

د پېښور په جومات کې د چاودنې د قربانیانو شمېر ۸۷ کسانو ته ورسېد

Published

on

(Last Updated On: سلواغه ۱۱, ۱۴۰۱)

رویترز راپور ورکړی، چې د پېښور په یوه جومات کې له ځانمرګه بریده د مړو شمېره ۸۷ ته لوړه شوې ده.

دا برید د پېښور ښار په شمال لویدیځه سیمه کې رامنځته شوی، چې د پولیسو او ترهګرۍ ضد څانګو دفترونه یې له نږدې څاري.

د رویترز د څرګندونو له مخې، بریدګر هغه وخت ځانته چاودنه ورکړه، چې په سلګونو لمونځ کوونکي د ماسپښین د لمانځه د ادا کولو لپاره ودرېدل.

په دې برید کې ډېرو پولیسو ته مرګ و ژوبله اوښتې ده.

د روغتون مشر محمد عاصم ویلي، ۸۷ کسان وژل شوي او د ۵۷ ټپیانو درملنه روانه ده، چې د ۷ کسانو روغتیايي حالت د اندېښنې وړ دی.

د پېښې پړه تر دې دمه چا پر غاړه نده اخيستې.

تحریک طالبان پاکستان (TTP) د دغې چاودنې مسوولیت رد کړی دی.

Continue Reading

نړۍ

د پاکستان په یوه جومات کې چاودنې لږ تر لږه ۱۹ لمونځ کوونکي وژلي

Published

on

(Last Updated On: سلواغه ۱۰, ۱۴۰۱)

د پاکستان په شمال لویدیځ ښار پېښور کې د دوشنبې پر ورځ په یوه جومات کې چاودنې لږ تر لږه ۱۹ لمونځ کوونکي وژلي او لسګونه نور یې ټپیان کړي دي.

د پاکستانيو رسنیو د څرګندونو له مخې؛ په دې چاودنه کې لږ تر لږه ۵۰ کسان ټپیان دي.

د سرچینې د څرګندونو له مخې، ډېرى ټپيان پوليس دي، چې د ماسپښين د لمانځه لپاره راغلي وه.

دپولیسو د څرګندونو له مخې؛ د چاودنې پر مهال په جومات کې شاوخوا ۲۶۰ کسانو لمونځ کاوه.

يوه عيني شاهد ځايي خبري چينل جيو تلويزيون ته ويلي، چاودنه د لمانځه پرمهال رامنځته شوې؛ يوه دوه پوړيزه ودانۍ نړېدلې؛ خو د چاودنې پر مهال له جوماته بهر و.

د پېښور د ليدي ريدنګ روغتون وياند محمد عاصم ويلي: په چاودنه کې ۱۹ کسان مړه او ۹۰ نور ټپيان شوي، چجې د ډېرو روغتیایي حالت د اندېښنې وړ دی.

د پولیسو په وینا، ډېري لمونځ کوونکي تر ویجاړیو لاندې دي.

د پوليسو يوه چارواکي سکندر خان ويلي: د ودانۍ يوه برخه نړېدلې او څو کسان تر لاندې شوي دي.

Continue Reading

Trending

Copyright © 2022 Ariana News. All rights reserved!