Connect with us

تازه خبرونه

د چین هېواد د بشري مرستو لومړۍ ټولګه کابل ته راورسېده

Published

 on

(Last Updated On: تله ۸, ۱۴۰۰)

پرون ماښام (چارشنبه د وږي ۷ ) د چین هېواد د تېر حکومت له ړنګیدو وروسته د بشري مرستو خپله لومړۍ ټولګه افغانستان ته راولیږله.

په کابل کې د چین سفیر وانګ یی په خپل ټویټ کې ویلي، چې په دې مرستو کې کمبلې او ګرمې جامې دي.

هغه زیاته کړه، چې دغه مرستې د افغانستان له خلکو سره د چینایانو ژوره ملګرتیا ښیي.

وانګ یي زیاته کړې: دا مرستې له افغانانو سره د چینایانو ژوره ملګرتیا ښیي او د یو مهم هېواد په توګه د چین اغېزمنتیا په ډاګه کوي.

د اسلامي امارت د کډوالو چارو وزارت هم په یوه رسنیزه اعلامیه کې څرګنده کړې، چې چینايانو ۴۰۰۰ تختې کمبلې او درې زره ۷۸۰ کوړې بنیانونه او جاکټونه رالیږلي دي

د وزارت د څرګندونو له مخې، دا مرسته به پر بې ځایه شویو ووېشل شي.

د اسلامي امارت د کډوالو چارو وزارت ویلي، چې چین له افغانستان سره د خپلو بشري مرستو د دوام ډاډ ورکړی او څرګندوي؛ هېواد یې چمتو دی، چې د افغانانو د ژوندانه د شرایطو د ښه کولو لپاره همکاري وکړي.

په هېواد کې د جګړې له زور اخیستو سره سم زرګونه کورنۍ په ټول هېواد کې بې ځایه شوي او د هېواد نسبتا خوندي سیمو ته یې پناه وړې ده.

د بښنې نړیوالې ټولنې ویلي، چې په افغانستان کې پېنځه میلیون داخلي بې ځایه شوي خلک بېړنیو مرستو ته سخته اړتیا لري او نړیواله ټولنه باید ورسره مرسته کوي.

د کډوالو چارو وزارت ويلي؛ شاوخوا یو میلیون داخلي بې ځایه شوي خلک لرو، چې ورسره دغه وزارت په ځانګړیو پروګرامونو کار کوي.

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

تازه خبرونه

حکومتي چارواکو له شیعه عالمانو سره د خواخوږۍ لیدنه وکړه

Published

on

(Last Updated On: زمری ۱۷, ۱۴۰۱)

د افغانستان اسلامي امارت د رییس الوزرا سیاسي مرستیال مولوي عبدالکبیر د یکشنبې پر ورځ (د زمري ۱۶) د شیعه عالمانو له استازیو سره وکتل او په محرم کې یې د وروستیو چاودنو له کبله ورته خپله خواخوږي وړاندې کړه.

د ارګ په خبرپاڼه کې څرګنده شوې، چې په دې لیدنه کې مولوي کبیر د قربانیانو له کورنیو سره خپله خواخوږي ښکاره کړه.

په دې غونډه کې د شيعه عالمانو د سراسري شورا مرستيال جواد صالح او شیعه مشر استاد اکبري هم شتون درلود او د عاشورا د ورځو د امنيت په ټينګښت کې يې د امنيتي ځواکونو له هڅو او هلوځلو درناوې وکړ.

دا لیدنه له هغو چاودنو وروسته لومړۍ لیدنه ده، چې یو شمېر هزاره وګړي په کې ځاني زیانمن شوي دي.

په افغانستان کې د ملګرو ملتونو د مرستندویه دفتر (یوناما) د څرګندونو له مخې، په دغو چاودنو کې لږ تر لږه ۱۲۰ کسانو ته مرګ و ژوبله اوښتې ده.

د دغو چاودنو مسوولیت داعش پر غاړه اخیستی دی.

د یکشنبې پر ورځ د زمري ۱۶ په کابل ښار کې له یوې چاودنې خبر ورکړ شو، چې وروسته د پولیسو له خوا رد او څرګنده شوه، چې دا غږ په یوه ښوونیز مرکز کې د پوځي روزنې و.

Continue Reading

Trending

Copyright © 2022 Ariana News. All rights reserved!