تازه خبرونه
د ښاري خدمتونو او عوایدو راټولولو عملي چارې پیل شوي – کابل ښاروالي

کابل ښاروالۍ ویلي، چې د ښاري خدمتونو، عوایدو راټولولو او غصب شویو ځمکو د راګرزولو لپاره یې عملي چارې پيل کړي دي.
د کابل ښاروالۍ چارسمبالي مولوي حمدالله نعماني ویلي؛ له لارو څخه د سمنټې دیوالونو د لرې کولو کار روان دي، پخپل سر د لوړو ودانیو جوړول او د ځمکو غصب هغه ستونزې دي، چې دوی یې د حل لپاره کار کوي.
د کابل ښاروالۍ چارسمبالي مولوي حمدالله نعماني ویلي: د ودانیو او ځمکو د غضب په اړه د فساد څېړل او اړوند پېښو ته لاسرسی روان دی. دغه کار به د فرصت غوښتونکیو دبدې ګټې اخیستنې لپاره د ټولو ادارو تر کار پیلولو ځنډیدلی وي او له قانون سرغړونې به هم وڅېړل شي.
مولوي نعماني ويلي، چې د سیاسي وضعیت له بدلیدو سره له سلو د ډېرو پروژو چارې درېدولي او دوی یې له تمویلوونکیو سره په اړیکه کې دي، چې دا پروژې بشپړې کړي؛ خو تر دې دمه یې په دې اړه څه ندي ویلي.
د مولوي نعماني د څرګندونو له مخې؛ د ښار په بېلا بېلو برخو کې له لارو او واټونو څخه د سمنټي دیوالونو د لرې کولو کار روان دی او تر بشپړیدو به دوام پیدا کړي.
نوموړی وایي: مونږ د امنیتي بنسټونو له شاوخوا سمکنټي دیوالونه، چې ښار یې بدرنګه کړی د لرې کولو سپارښتنه کړې او که یې لرې نکړي؛ مونږ یې لرې کوو او د ښاروالۍ لګښت ترې اخلو.
په تېر حکومت کې د ځمکو غصب او پخپلسر د لوړو دانیو جوړول هغه ستونزې وې، چې حکومت یې په منخیوي کې پاتې راغلی و. دا، چې اسلامي امارت به دا ستونزه څنګه حل کړي؛ وخت به یې ځواب ووايي.
تازه خبرونه
افغانستان ته د پاکستان – چین د اقتصادي دهلیز پر غخولو هوکړه وشوه
د پاکستان بهرنیو چارو وزارت ویلي؛ د چین بهرنیو چارو وزیر وانګ یي او د افغانستان بهرنیو چارو وزارت چارسمبالي امیر خان متقي او د پاکستان بهرنیو چارو وزیر محمد اسحاق ډار په بیجینګ کې یوه غیر رسمي درې اړخیزه غونډه کړې ده.

د چین، پاکستان او افغانستان بهرنیو چارو وزیرانو هوکړه کړې، چې د یو کمربند او لارې نوښت (BRI) په اړه پر همکارۍ سربېره افغانستان ته به د چین-پاکستان اقتصادي دهلیز (CPEC) هم وغځول شي.
د پاکستان بهرنیو چارو وزارت ویلي؛ د چین بهرنیو چارو وزیر وانګ یي او د افغانستان بهرنیو چارو وزارت چارسمبالي امیر خان متقي او د پاکستان بهرنیو چارو وزیر محمد اسحاق ډار په بیجینګ کې یوه غیر رسمي درې اړخیزه غونډه کړې ده.
دغه راز زیاته شوې، چې په دې درې اړخیزه ناسته کې د سیمهییز امنیت، اقتصادي اړیکو، درې اړخیزه همکارۍ او له ترهګرۍ سره د مبارزې د ګډو ژمنو په اړه خبرې شوې دی.
ویل کیږي، چې پر یو مناسب مهال به په کابل کې د دې هېوادونو د بهرنیو چارو وزیرانو شپږمه درې اړخیزه غونډه هم جوړه شي.
تازه خبرونه
په سمنګان ولایت کې د کان چاودنې له کبله ۹ کسانو ته مرګ او ژوبله اوښتې
د سمنګان امنیه قومندانۍ د رسنیو دفتر په خپره شوې خبرپاڼه کې راغلي، چې تېره شپه د دره صوف پایین ولسوالۍ د ګولا کلي په اړوند سیمه کې د ډبرو سکرو د کان چاودنې له کبله اووه کسان مړه شوي او دوه نور ټپیان دي.

د سیمهییزو چارواکو د څرګندونو له مخې؛ په سمنګان ولایت کې د ډبرو سکرو د کان چاودنې له کبله اووه کسان مړه شوي او دوه نور ټپیان دي.
د سمنګان امنیه قومندانۍ د رسنیو دفتر په خپره شوې خبرپاڼه کې راغلي، چې تېره شپه د دره صوف پایین ولسوالۍ د ګولا کلي په اړوند سیمه کې د ډبرو سکرو د کان چاودنې له کبله اووه کسان مړه شوي او دوه نور ټپیان دي.
د خبرپاڼې له مخې؛ د دره صوف پاین ولسوالۍ د پولیسو قومندانۍ امنیتي پرسونل پر هڅو د پېښې ټپیان د ولسوالۍ کلینیک ته وړل شوي او تر پاملرنې لاندې دي.
د معلوماتو له مخې، د ټپیانو روغتیايي حالت د اندېښنې وړ ندی.
ویل کیږي، چې د مړه شویو کسانو جسدونه له کان څخه راایستل شوي او د هغو کورنیو ته وسپارل شول.
تازه خبرونه
د کانونو وزارت چارسمبالي له ایراني پانګوالو څخه د پانګونې غوښتنه وکړه
د کانونو او پټرولیم وزارت چارسمبالي هدایت الله بدري زیاته کړې، چې اسلامي امارت غواړي د افغانستان د کانونو په استخراج کې د ګاونډ هېوادونو له تجربو څخه اغېزمنه ګټه پورته کړي.

د کانونو او پټرولیم وزارت چارسمبالي(سرپرست) په تهران کې د “ایران د کانونو نړیوال نندارتون” د پرانیستې په مراسمو کې ویلي، چې افغانستان اوسمهال باثباته دی او په هېواد کې د پانګونې لپاره مناسب فرصتونه برابر شوي دي.
د کانونو او پټرولیم وزارت چارسمبالي هدایت الله بدري زیاته کړې، چې اسلامي امارت غواړي د افغانستان د کانونو په استخراج کې د ګاونډ هېوادونو له تجربو څخه اغېزمنه ګټه پورته کړي.
هدایت الله بدري د نندارتون د بېلابېلو برخو او د لیټیم پروسس کولو فابریکې پر لیدلو سربیره د ایران له خصوصي سکټور څخه هم وغوښتل، چې په افغانستان کې پانګونه وکړي.
بدري د ایران د کانونو، صنایعو او سوداګرۍ له وزیر سره هم وکتل او پر اړوند برخو یې خبرې وکړې. دا بحث پر سروې، پراختیا او لابراتواري تدارکاتو راوڅرخېده او په اړه یې د تهران او کابل ترمنځ پخوانی تړون و.
دغه راز د هېواد د کانونو او پټرولیم وزارت ویلي، چې بالاخره د دې تړون عملي کار پیل کولو لپاره دوه تخنیکي کمیټې جوړې شوې دي.
د اقتصاد وزارت ویلي، چې کابل غواړي له تهران سره اقتصادي او سوداګریزې اړیکې پیاوړې کړي او دا به دواړو هېوادونو ته ګټه ورسوي.
د دې وزارت مسلکي مرستیال زیاته کړې، چې ایراني پانګوال په افغانستان کې د کانونو، ټرانسپورټ، انرژۍ او بېخبناوو په اړوند برخو کې پانګونې ته لېواله دي.
عبداللطیف نظري وایي: “ایراني پانګوال په افغانستان کې د کانونو، ټرانسپورټ، انرژۍ او بېخبنايي سکټورونو کې پانګونې ته لېوالتیا لري او اسلامي امارت په افغانستان کې له ایراني پانګوالو هرکلی کوي.”
د یادونې ده، چې اقتصادي کارپوهان ایران د افغانستان یو ښه اقتصادي او سوداګریز شریک ګڼي او ټینګار کوي، چې له هغه هېواد سره د اړیکو پراختیا کولی شي د کابل او تهران اقتصاد او سوداګرۍ ته ګټه ورسوي.
-
نړۍ2 days ago
د امریکا پخوانی ولسمشر جو بایډن د پروسټاټ پر سرطان اخته شو
-
سوداگري1 day ago
نړیوال بانک د افغان پروژو د تادیاتو په اړه څرګندونې وکړې
-
نړۍ1 day ago
روسیې او اوکراین د اوربند په اړه له سمدستي خبرو اترو سره هوکړه وکړه – ټرمپ
-
تازه خبرونه2 days ago
د اروپا بشري فورم د افغانستان د بحران پر ریښو خبرې کوي
-
تازه خبرونه3 days ago
د تاجکستان او ایران بهرنیو چارو وزیرانو د افغانستان په اړه خبرې وکړې
-
سیمه ییز خبرونه1 day ago
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
-
روغتيا1 day ago
په افغانستان کې ساري ناروغۍ زیاتې شوي – د روغتیا نړیواله ټولنه
-
روغتيا2 days ago
د عامې روغتیا وزارت د افغانستان د میندو د مړینې د کچې په اړه د UNFPA راپور رد کړ