تازه خبرونه
د کابل د پیسو د تبادلې په مارکیټ کې چاودنې ۱۰ کسان ټپیان کړل
نن سهار (یکشنبه د وري ۱۴ ) په کابل کې د هېواد د اسعارو د تبادلې په تر ټولو لوی مرکز شهزاده سرای کې چاودنه رامنځته شوه.
په کابل کې د شهزاده سرای د صرافانو وياند عبدالرحمن ځيرک څرګنده کړې، چې نن سهار د کابل په شهزاده سرای کې له یوې چاودنې د صرافۍ پېنځه کارکوونکي ټپيان شوي دي.
د کورنیو چارو وزارت ویلي، نن سهار یوه غله د کابل ښار په شهزاده سرای کې د لاسي بم پر غورځولو ۱۰ تنه ټپیان کړي دي.
د کورنیو چارو وزارت ويلي، د پېښې په اړه یې پلټنې پیل کړې او امنیتي ځواکونه د عاملینو د پیدا کولو په لټه کې دي.
تر اوسه هیچا د دې چاودنې مسوولیت ندی منلی.
دا په داسې حال کې ده، چې تېره ورځ په هرات ولایت کې هم دوه چاودنو لږ تر لږه ۲۷ کسانو ته ورګ و ژوبله اړولې ده.