Connect with us

کوید۱۹

د کرونا اوښتې بڼې اومیکرون چټکه خپرېدا به په نړۍ کې د سونامي لامل شي

Published

 on

(Last Updated On: مرغومی ۹, ۱۴۰۰)

د روغتیا نړیوالې ټولنې خبرداری ورکی، چې د اومیکرون په نوم د کرونا ویروس د بدلې شوي بڼې چټکه خپرېدا به په نړۍ کې د سونامي لامل شي.

د کرونا ویروس دې بدلې شوې بڼې یا اومیکرون د ټولې نړۍ لپاره ستر ګواښ رامنځته کړی دی.

په دې وروستیو کې د روغتیا نړیوالې ټولنې خبرداری ورکړی، چې د اومیکرون او ډیلټا کرونا ویروسونه په نړۍ کې چټک خپرېدا پیل کړې او ښايي سونامي رامنځته کړي.

د نړیوالې روغتیا ټولنې د راپور پر بنسټ؛ د ډسمبر له ۲۲ راپدیخوا په اووه ورځو کې د ټولې نړۍ ۶ اعشلریه ۵۵ میلیون خلک پر کرونا وبا اخته شوي، چې د وبا له پیل راپدیخوا دا تر ټولو لوړ شمېر دی.

د روغتیا نړیوالې ټولنې مشر ټیډروس اډهانوم ګبریاسوس وایي: اوسمهال اومیکرون او ډیلټا غبرګ ګواښونه دي، چې د مثبتو پېښو، مړینې او په روغتونونو کې بستر کیدو ته وده ورکوي. زه ډېر اندېښمن یم که ډیلټا ته ورته اومیکرون چټک خپور شي؛ نو دا به د مثبتو پېښو سونامي وي.

د افغانستان د عامې روغتیا وزارت ویاند ډاکټر جاوید ويلي: د تجهیزاتو د نشتوالي له کبله دوی نشي کولی د بدل شوي کورونا ویرس اومیکرون بڼه کشف کړي.

نوموړي زیاتّ کړې؛ ملګرو ملتونو ژمنه کړې، چې د ۲۰۲۲ کال د جنورۍ تر پایه به افغانستان ته پرمختللي تجهیزات رات ولیږل شي.

ډاکټر هاشم وهاج په دې باور دی، چې د لازمو روغتيايي آسانتياوو نشتوالى، د خلکو لخوا د روغتيايي لارښوونو نه مراعات او له ايران او پاکستان څخه افغانستان ته د کډوالو راتګ به جدي خطرونه رامنځته کړي.

په افغانستان کې د ژمي سړې څپې خورې دي او پر کرونا وبا د اخته کسانو ژوند له جدي خطر سره مخ  شوی دی.

دا په داسې حال کې ده، چې په افغانستان کې د کویډ-۱۹ ناروغۍ اړوند روغتونونه د کافي درملو د نشتوالي له کبله له ګڼو ستونزو سره مخ دي.

کوید۱۹

په هند کې له تېرو ۲۴ ګړیو راپدیخوا پر کرونا ویرس اخته ۲۱ کسان مړه شوي

Published

on

(Last Updated On: چنګاښ ۶, ۱۴۰۱)

له تېرو ۲۴ ګړیو په هند کې د کرونا ۱۷ زره ۷۳ مثبتې پېښې ثبت شوې، چې ورسره د ټولو پېښو شمېر۴۳۴۰۷۰۴۶ ته ورسېد؛ ۲۱ کسان مړه ترې شوي او د مړیو ټول شمېر هم ۵۲۵۰۲۰ ته پورته شو.

د یاد وزارت د څرګندونو له مخې؛ پر کرونا اخته ۹۸ اعشاریه ۷۵  سلنه نور رغېدلي دي.

همدارنګه د پاکستان روغتیا وزارت د دوشنبې پر ورځ راپور ورکړ، چې په تېرو څلیریشت ګړیو کې پر کرونا ویروس اخته ۳۸۲ نوې پېښې ثبت شوې دي.

له دغو پېښو سره په پاکستان کې پر کرونا د اخته کسانو د ټولو پېښو شمېر له یو اعشاریه دري پنځوس میلیون څخه ډېر شوی او په تېرو څلیریشت ګړیو کې د دوه کسانو له مړینې هم خبر ورکړ شوی دی.

کارپوهانو ويلي، چې پاکستان کېدی شي په احتمالي توګه د کرونا ویروس د یوې بلې څپې شاهد وي؛ ځکه ، چې په نويو پېښو کې یې ډېروالی راغلی دی.

Continue Reading

کوید۱۹

د امریکا د ملي امنیت سلاکار سلیوان پر کرونا ویروس اخته شو

Published

on

(Last Updated On: غبرګولى ۲۹, ۱۴۰۱)

د امریکا د ملي امنیت سلاکار ویاندې ویلي، چې جیک سلیوان د شنبې پر ورځ له هغې وروسته پر کرونا یرویس اخته شو، چې یوه اوونۍ مخکې له ولسمشر جو بایډن سره د اووه پرمختللیو اقتصادونو د ډلې غونډې ته تللی و.

د امریکا د ملي امنیت د سلاکار ویاندې ادرین واتسن ویلي، چې سلیوان له بایډن سره نږدې تماس نه درلود او نښې یې هم نلرلې. دا یې پر کرونا د اخته کېدو لومړی ځل دی.

سپینې ماڼۍ د شنبې پر ورځ ویلي، سلیوان د جمعې پر ورځ په سپینه ماڼۍ کې د سینیګال د بهرنیو چارو له وزیر آیستا تال سال سره یوه لیدنه لرله. دغه راز یې د دوشنبې پر ورځ په لوګزامبورګ کې د چین له لوړپوړي دیپلومات یانګ جیچي سره څلور نیم ساعته لیدلي وه.

دا سمدستي روښانه نده، چې آیا پر کرونا اخته کېدل به یې سفري پلانونه اغېزمن کړي او که نه.

سپینې ماڼۍ تېره اوونۍ په ډاګه کړې وه، چې بایډن به د اووه ډلو د سرمشریزې لپاره سویلي آلمان ته سفر وکړي او د جون په وروستیو کې د ناټو سرمشریزې لپاره هسپانیا ته روان شي.

Continue Reading

کوید۱۹

کاناډا د سفرونو لپاره پر کرونا واکسین ټینګار پای ته ورساوه

Published

on

(Last Updated On: غبرګولى ۲۴, ۱۴۰۱)

د کاناډا حکومت به د سې شنبې پر ورځ په الوتکو او اورګاډو کې د کورنيو او بهرنيو سفرونو پر مهال د کرونا ویروس واکسین د پلي کولو د ماموریت پای اعلان کړ.

د سي بي سي نیوز د راپور له مخې؛ حکومت د روانو محدودیتونو له کبله له نیوکو سره مخ دی؛ خو د ویروس د کومي بلې بڼې له ودې او پراختیا سره به بېرته ور وګړزي.

د کاناډا فدرالي محدودیتونه د ناواکسین شوي خلکو پر سفر بندیز خوندي کړی او ټولو ملکي کارمندانو ته د واکسین لګولو سپارښتنه کوي.

تیره اوونۍ کانادا په هوایي ډګرونو کې خلکو ته د آسانتیاوو د برابرولو لپاره د کرونا ویروس د کتنې بهیر د جون تر پایه وځنډاوه.

حکومت په دې اړه د رویټرز غوښتنو او پوښتنو ته ځواب ندی ویلی.

Continue Reading

Trending

Copyright © 2022 Ariana News. All rights reserved!