Connect with us

ساینس او ​​ټیکنالوژي

ساینس پوهانو په برازیل کې د دیناسور د پښو نښې وپېژندلې

خپور شوی

د

(Last Updated On: ليندۍ ۸, ۱۴۰۲)

د رویترز خبري آژانس د راپور له مخې: د برازیل د جیولوژۍ اندتون( انستیتیوت ) یو ګړندی څاروی، چې د کرتاسه د پېر په لومړیو کې یې صحرايي ژوند درلود؛ د دیناسورانو د نوې بڼې په توګه معرفي کړی دی.

ساینس پوهانو د دیناسور د پښو د نښو د پاتې شوي فوسیل له معاینه کولو وروسته د دیناسور دا نوې بڼه کشف او راپېژندلې ده. د برازیل په اراراکورا ښار کې د دیناسور د موندل شوي فوسیل د پښو نښو له څېړنو ساینس پوهان دې پایلې ته رسیدلي، چې د دیناسور د پښو دا نښې تر دې دمه د موندل شویو او کشف شویو نښو په څېر نه‌دي.

ساینس پوهانو دا د پښو نښې د یو نوي ډول دیناسور په توګه وپېژندلې، چې تر دې دمه ناڅرګند پاتې و. دوی دا دیناسور فارلوایچنوس (Pharlevichnus ) نومولی دی.

د دې پښو فوسیل په برازیل کې ایتالوي پادري او دیناسور څېړونکي کشف کړ. هغه دا فوسیل په ۱۹۸۴ ز. کال کې د ځمکپوهنې موزیم ته ډالۍ کړ. له هغه وخت راپدیخوا ساینس پوهانو د دې فوسیل په اړه څېړنې کولې.

اوس دوی دې پایلې ته ورسیدل، چې دې دیناسور په دښته کې ژوند کاوه؛ غوښه خوړونکی، ډېر ګړندی، د کوچني بدن لرونکی او له ۶۰ څخه تر ۹۰ سانتي مترو لوړ و، چې له ۱۰۰ څخه تر ۱۴۵ میلیون کاله مخکې یې په کرتاسه پېر کې ژوند کاوه.

ساینس او ​​ټیکنالوژي

په افغانستان کې د انټرنیټ د کاروونکیو معلومات خوندي شول – د مخابراتو وزارت

Published

on

(Last Updated On: کب ۱, ۱۴۰۲)

د مخابراتو او معلوماتي ټکنالوجۍ وزارت څرګنده کړې، چې د هېوادوالو د انټرنیټي معلوماتو او اطلاعاتو د محرم ساتلو لپاره د انټرنیټي تبادلې مرکز رامنځته شوی دی.

د دې وزارت ویاند عنايت الله الکوزي په ایکس پاڼه کې ويلي، چې ټول مخابراتي شرکتونه له دې مرکز سره نښلول شوي او د هېواد د وګړو معلومات په کې خوندي ساتل کېږي.

د یاد وزارت ویاند الکوزي زیاته کړې، چې له دې مخکې دغه کار د هغو هېوادونو له لوري ترسره کېده، چې افغانستان ته یې انټرنیټ ورکاوه.

نوموړي څرګنده کړې؛ هغه مهال د ډېرو ستونزو ترڅنګ د هېوادوالو انټرنیټي معلومات هم خوندي نه ول او دغو هېوادونو کولی شول، چې د هېوادوالو انټرنیټي معلوماتو ته اسانه لاسرسی ولري.

دغه راز ویل کیږي، چې مخکې له دې د بهرنیو هېوادونو له‌خوا د انټرنیټ عرضه ګرانه وه؛ خو اوس دغه خدمتونه په هېواد کې دننه پر مناسبه بیه خوندي ترسره کېږي.

Continue Reading

ساینس او ​​ټیکنالوژي

بریټانیا د مصنوعي ځیرکتیا په برخه کې د ۱۰۰ میلیون پونډو پانګونه وکړه

Published

on

(Last Updated On: سلواغه ۱۷, ۱۴۰۲)

د رویټرز د څرګندونو له مخې؛ د دې هېواد د ټکنالوژۍ وزیر میخایل ډونلان په یوه خبرپاڼه کې څرګنده کړې: مصنوعي ځیرکتیا د چټکې ودې په حال کې ده؛ خو مونږ هم ښودلې، چې انسان کولی شي ورته چټک حرکت ولري. د دې صنعت د ګړندي او ځانګړي میتود پر بنسټ کولی شوو، چې خطرونه چټک اداره کړو.

د بریټانیا حکومت څرګنده کړې؛ شاوخوا ۹۰ میلیون پونډه به د مصنوعي ځیرکتیا پر هغو مرکزونو ولګول شي، چې پر روغتیایي، کیمیاوي او ریاضي خدمتونو راڅرخي کوي او له امریکا سره همکاري کوي.

لږ تر لږه ۱۰ میلیون پونډه نور به له تنظیموونکیو سره مرسته وکړي، چې خطرونه په پام کې ونیسي او د مصنوعي ځیرکتیا فرصتونه همغږي کړي. لکه: له مخابراتي او روغتیایي خدماتو څخه نیولې تر مالي او روزنیزو سکتورونو پورې، چې د خطرونو د موندلو لپاره عملیاتي وسیلې رامنځته کړي.

د ۲۰۲۳ په نومبر کې انګلستان د مصنوعي ځیرکتیا د خوندیتوب په اړه نړیواله غونډه ترسره کړې ده.

Continue Reading

ساینس او ​​ټیکنالوژي

هند فضا ته د انسان له لېږلو مخکې یو فضایي ازمون ترسره کړ

Published

on

(Last Updated On: تله ۲۹, ۱۴۰۲)

د هند فضايي څېړنو بنسټ څرګنده کړې، چې د شنبې پر ورځ یې د ګاګانیان سپوږمکۍ د فضايي ماموریت لپاره یوه بنسټیزه ازموینه ترسره کړه.

دې بنسټ په ایکس پاڼه کې لیکلي: د فضایي ماموریت د بندېدو لامل پېژندل شوی او بیا وکتل شو. د عملې د تېښتې سیستم له پلان سره سم کار کاوه. د ګاګانیان ماموریت پر بریالیتوب سره پای ته رسیږي.

دې ادارې د ځنډ لامل  په ډاګه کړی نه‌دی.

د توغولو وخت د سهار اته بجې ټاکل شوی و؛ خو پر ټاکلي وخت ترسره نه‌شو او د سهار پر لسو بجو بریالی پای ته ورسېد.

د ګاګانیان ماموریت موخه د انسان د استوګنې لپاره د وړ فضایي بېړۍ رامنځته کول دي، چې د هند بحر ته له کښته کیدو مخکې به په ۴۰۰ کیلومتره مدار کې د درې ورځو لپاره درې کسان لیږدوي.

د هند د فضايي څېړنو بنسټ ویلي، چې د ګاګانیان ماموریت له بشپړېدو وروسته به په فضا کې د دوامداره بشري حضور د ترلاسه کولو لارې چارې ولټوي.

د دې ماموریت لپاره شاوخوا ۹۰ میلیارد هندي روپۍ ( یو میلیارد دالر) ځانګړي شوي، چې د سپوږمۍ په سویلي قطب کې د چندریان – ۳ فضايي بېړۍ له تاریخي ناستې وروسته ترسره کیږي.

تمه ده، چې د ګاګانیان ماموریت به له ۲۰۲۴ ز.کال مخکې د هېواد له اصلي فضا څخه په سریهاریکوتا کې پیل شي.

Continue Reading

Trending

Copyright © 2022 Ariana News. All rights reserved!