د کرکټ نړیوالې شورا د چارشنبې پر ورځ د ۲۰۲۵ کال د اتلانو جام لپاره د روزنیزو( تمریناتي) سیالیو مهالوېش اعلان کړ.

د دغو څرګندونو له مخې، افغان لوبډله به په دوه روزنیزو لوبو کې له پاکستان او نیوزیلینډ سره مخ شي.

د پاکستان پر وړاندې د افغانستان روزنیزه لوبه به سبا (جمعه) په لاهور کې او د نیوزیلینډ پر وړاندې لوبه به د یکشنبې پر ورځ په کراچۍ کې ترسره شي.

د پاکستان کرکټ بورډ د روزنیزو سیالیو لپاره د لوبغاړو یو بېل نوملړ اعلان کړ، چې لوبډلمشر به یې شاداب خان وي.

د ۲۰۲۵ کال آریانا سنوکر سیالیو دوه‌یمه ورځ له زړه‌راکښونکو هڅو او پرېکنده بریاوو سره ترسره شوه.

د دې سیالیو د دوه‌یمې ورځې په پېنځمه لوبه کې زلمي سلام‌خېل وکولی شول اسماعیل محمدي ته څلور پر صفر ماتې ورکړي.

د دوه‌یمې ورځې په شپږمه لوبه کې اجمل یوسفزي بریالی شو، چې حسیب الله سلطاني څلور پر صفر وګټي.

په اوومه لوبه کې محمد میر نورزی وتوانید، چې ۱۳ کلن ابراهیم محمدي ته څلور  پر یو مات کړي.

دغه راز د دې ټورنمنټد دوه‌یمې ورځ په اتمه او وروستۍ لوبه کې نادر روحاني وکولی شو، چې تر ټولو ځوان لوبغاړي محمد عثمان محمدي ته څلور پر صفر ماتې ورکړي.

په ټول افغانستان کې د سنوکر مینه‌وال کولی شي دغه ​​زړه‌راکښونکې سیالۍ پر ژوندۍ بڼه د آریانا ټلویزیون پر سکرین، آریانا سپورټ فیسبوک پاڼې، آریانا سپورټ یوټیوب پاڼې او آریانا تلویزیون اوبپاڼې له لارې وګوري.

دغه سيالۍ به د سلواغې له درویشتمې او نهه‌ویشتمې تر منځ په يوه اوونۍ کې د هېواد د ٣٢ غوره ورزشکارانو په ګډون ترسره شي.

د ۲۰۲۵ کال د آریانا سنوکر اتلولۍ په لومړۍ لوبه کې صالح محمد محمدي وکولی شول، چې ساحل ابراهیمي ته ۴ پر یو ماتې ورکړي او له مخې یې لرې کړي.

د دې سیالیو په دوه‌یمه لوبه کې نوید نادري وکولی شو، چې اقبال حسن څلور پر صفر مات کړي.

په درېیمه لوبه کې علي احمد بریالی شو محمد صادق محمدي ته څلور پر دوه ماتې ورکړي.

په څلورمه لوبه کې محمد رییس هوتک وکولی شو، چې علي سخي څلور پر صفر وګټي.

په ټول افغانستان کې د سنوکر مېنه‌وال کولی شي د لیدو وړ دا سیالۍ هره ورځ پر ژوندۍ او ځانګړې بڼه د آریانا ټلویزیون، آریانا سپورټ فیسبوک پاڼې، آریانا سپورټ یوټیوب پاڼې او د آریانا ټلویزیون اوبپاڼې ننداره کړي.

دا سیالۍ، چې پرون ( د سلواغې درویشتمه / د فبروري یوولسمه ) پیل شوي د روانې میاشتې تر نهه‌ویشتمې / اووه‌لسمې پورې به روانې وي.