Connect with us

تازه خبرونه

طالبانو د افغانستان خلکو ته جګړه بایللې – اشرف غني

Published

 on

(Last Updated On: چنګاښ ۲۸, ۱۴۰۰)

ولسمشرۍ څرګنده کړې، چې ولسمشر غني نن سهار دوشنبه د چنګاښ ۲۸ د یوه لوړپوړي پلاوي پر مشرۍ د هرال د امنیتي حالت د کتنې او څېړنې اأاره دغه ولایت ته سفر کړی دی.

ارګ ماڼۍ هرات ته د ولسمشر اشرف غني د ننني سفر په تړاو لیکلي، چې ولسمشر هرات ته له رسېدو سره سم  ۲۰۷ ظفر قول اردو ته ولاړ او هلته یې له افغان امنیتي او دفاعي ځواکونو سره وکتل.

په اعلامیه کې زیاته شوې چې د قول اردو قوماندان د امنیتي وضعې په اړه ولسمشر ته راپور ورکړ او هغه هم د هېواد په لویدیځ کې امنیتي او دفاعي چارواکو ته د امنیتي وضعیت د ښه والي لپاره لارښوونې وکړې.

ولسمشر اشرف غني ویلي، چې طالبانو د افغانستان له خلکو سره جګړه بایللې دی.

ولسمشرۍ د اشرف غني د څرګندونو له مخې په ډاګه کړې: طالبانو له خلکو سره جګړه بایللې او د ټولې نړۍ د اسلام علمانو د هغوی جګړه نا مشروع ګڼلې ده.

دغه راز ولسمشر غني طالبان تورن کړي، چې عام المنفعه ودانۍ یې ویجاړې کړي دي.

اشرف غني په دې اړه ویلي: مونږ ۱۰۰۰ جوماتونه ودان کړي؛ خو طالبانو ۴۳ جوماتونه شهیدان کړل؛ مونږ ښوونځي جوړوو او هغوی یې سوځوي.

د ارګ ماڼۍ د څرګندونو له مخې؛ ولسمشر د دې سفر په بهیر کې امنیتي ځواکونه د امنیت خوندي کولو له کبله ستایلي دي.

ولسمشر غني په داسې وخت کې هرات ته تللی، چې د دغه ولایت ګڼې ولسوالۍ له څو وروستیو اوونیو راپدیخوا د افغان پوځیانو او طالبانو ترمنځ لاس پر لاس شوې. ان تر دې، چې د طالبانو جنګیاليو د اسلام کلا بندر ونیوه له ایران سره د افغانستان دغه مهم ترانزیټي بندر څو ورځې تړلی پاتې شو.

تازه خبرونه

د قطر سفیر په کابل کې د اسلامي امارت له چارواکو سره وکتل

Published

on

(Last Updated On: سلواغه ۱۷, ۱۴۰۱)

د یکشنبې پر ورځ د اسلامي امارت یو شمېر استازیو په کابل کې د قطر د بهرنیو چارو د وزیر له ځانګړي استازي مطلق بن ماجد القحطاني او مل پلاوي سره وکتل.

د قطر استازي د اسلامي امارت د بهرنیو چارو له وزیر امیر خان متقي، کورنیو چارو وزیر سراج الدین حقاني؛ د پوهنې وزیر حبیب الله اغا او د استخباراتو عمومي رییس عبدالحق وثیق سره د افغانستان په اړه خبرې وکړې.

د اسلامي امارت د چارواکو د څرګندونو له مخې؛ دواړو لوریو د قطر خيريه بنسټ پر هڅو، سياسي همکاريو، د اړيکو پر پياوړتياوو او بشري مرستو هر اړخیزې خبرې کړې دي.

د قطر د بهرنیو چارو وزارت لخوا په خپره شوې خبرپاڼه کې راغلي؛ القحطاني د افغانستان پر مهمو پرمختګونو په ځانګړي توګه د سیاست، اقتصاد، پراختیا او پوهنې په برخو کې خبرې وکړې.

نوموړي د قطر پر دریځ ټینګار څرګند کړ او د افغانانو له ټولو حقونو په ځانګړي توګه د زده‌کړو او د نجونو د حقونو د ترلاسه کولو او د ښځو د کار کولو له حق او درناوي خپل ملاتړ بیا وړاندې کړ.

په خبرپاڼه کې راغلي، چې هغه په افغانستان کې د امنیت او ثبات د ټینګښت پر هراړخیزې ملاتړ او د سیاسي اجماع د رامنځته کولو لپاره د اسانتیاوو پر رامنځته کولو هم ټینګار څرګند کړ.

Continue Reading

تازه خبرونه

د احمدشاه بابا له نړیوال هوايي ډګره نړیوالې الوتنې پیل شوې

Published

on

(Last Updated On: سلواغه ۱۷, ۱۴۰۱)

د احمدشاه بابا نړیوال هوایي ډګر  رییس حافظ عصمت الله څرګنده کړې؛ له کام ایر هوایي شرکت سره مو په ګډه د الوتنو د ترسره کولو هڅي کړي او نن رسماً د کندهار او دوبۍ ترمنځ دوه اړخیز پرازونه پيل شول.

د کندهار زون د کام ایر هوايي شرکت مسوول مولوي نورعلي حیدري ویلي: د کندهار سوداګريزو اړتیاوو اړ کړو، چي د کندهار او دوبۍ ترمنځ کام ایر هوايي شرکت دوه اړخیز پروازونه پيل کړي.

د نوموړي د څرګندونو له مخې؛ له دې وروسته به له کندهار څخه د شنبې پر ماښام دوبۍ ته او د یکشنبې پر سهار له دوبۍ څخه کندهار ته پروازونه ولرو.  

د يادونې ده، چې په نږدې راتلونکي کې به د کندهار- ډيلي او کندهار- چين ترمنځ دوه اړخيزې الوتنې هم پيل شي.

Continue Reading

تازه خبرونه

اسلامي امارت په افغانستان کې د مرستو رسول له خطر سره مخ کوي – د امریکا استازی

Published

on

(Last Updated On: سلواغه ۱۶, ۱۴۰۱)

د افغانستان لپاره د امریکا ځانګړی استازي ويلي؛ په سویس کې د مرستندویه ټولنو استازیو منلې، چې په بهرنیو ادارو کې د ښځو پر کار بندیز میلیونونه خلکو ته د بشري مرستو رسول ستونزمن کړي دي.

نن یکشنبه د افغانستان لپاره د امریکا ځانګړي استازي تام ویست څرګنده کړې، چې په ژنیو کې یې د ملګرو ملتونو له لوړپوړیو چارواکو، د روغتیا نړیوالې ټولنې (WHO) له چارواکو، د مهاجرت نړیوالې ټولنې او نورو مرستندویه موسسو سره، چې له افغانستان سره د مرستې لپاره کار کوي، وکتل او د دغه هېواد د وضعیت په اړه یې تفصیلي خبرې وکړې.

 تام ویست ټینګار کوي، چې د بشري حقونو وضعیت مخ پر خرابېدو دی؛ کار او زد کړو ته د ښځو او نجونو له لاسرسي باید ملاتړ وشي.

ټام ویست وايي؛ په دې غونډه کې ټولو ومنله چې په نړیوالو ادارو کې د ښځو پر کار بندیز میلیونونو خلکو ته د بشري مرستو رسول ستونزمن کړي دي.

تام ویست وایي: له نېکه مرغه مونږ د روغتیا نړیوالې ټولنې او نورو مرستندویه موسسو له مشرتابه سره، چې ټول په افغانستان کې د خلکو د ژوند پر ژغورلو بوخت دي وکتل. دوی ټول پدې باور دي، چې د طالبانو تګلارې په افغانستان کې میلیونونو اړمنو خلکو ته د بشري مرستو رسول له ګواښ سره مخ کړي دي.

له بلې خوا اسلامي امارت د ویاند مرستیال بلال کریمي ويلي، چې د اسلامي اصولو په رڼا کې کوښښ کوو، چې د هېواد ټولې ستونزې حل شي.هېوادونه د فشار د وسیلې په توګه غیر عادلانه او غیر معقولې پلمې لټوي. د اقتصاد کمزورتیا تازه ستونزه نده، بلکې د تېرو کلونو راپدیخوا دې وضعیت دوام موندلی دی.

دغه را زیاته شوې، چې د افغانستان د اقتصاد د ښه والي لپاره یې بېلا بېلې سرچینې په کار اچولي دي.

د اسلامي امارت لخوا د ښځو پر زده‌کړې او کار له بندیزونو وروسته یو شمېر مرستندویه موسسو په هېواد کې خپل فعالیتونه ودرول، چې له کبله یې میلیونونه خلکو ته د بشري مرستو رسول او وېشل ستونزمن شوي دي.

د یادونې ده، چې له دې مخکې تام ویست پاکستان او جرمني ته تللی و او د افغانستان پر حالاتو یې د دې هېوادونو له چارواکو سره خبرې کړې وې.

Continue Reading

Trending

Copyright © 2022 Ariana News. All rights reserved!