لوبی
عبدالله المطیري کویتی د افغانستان فوتبال ملي لوبډلې د مشر روزونکي په توګه وټاکل شو
Last Updated on: غویی ۹, ۱۴۰۲
د کویت اوسیدونکی عبدالله المطیري کویتي د انوش پر ځای د افغانستان فوتبال ملي لوبډلې د نوي مشر روزونکي پر توګه وټاکل شو.
د افغانستان فوتبال فدراسیون په فیسبوک پاڼه کې د نوموړي انځور خپور شوی او څرګندوي، چې کویتی به ډېر ژر د تړون د لاسلیک، د روزنیز کمپ جوړولو او ملي لوبډلې ته د استعدادونو د غوراوي لپاره کابل ته راشي.
ټاکل شوې د افغانستان فوتبال ملي لوبډلې د غوراوي کمپ په کابل کې د هېواد د تکړه څېرو د پېژندلو لپاره جوړ شي.
د افغانستان فوتبال فدراسیون ويلي؛ هغه لوبغاړي، چې له افغانستان څخه بهر دي هم په روزنیزو کمپونو کې برخه اخلي او د افغانستان فوتبال ملي لوبډلې ته به د ګډون بلنه ورکړ شي.