سوداگري
قرغزستان په ۲ میاشتو کې افغانستان ته ۲۵ میلیون لیټره تېل صادر کړي
د سیمهییزو رسنیو د څرګندونو له مخې؛ قرغزستان د روان کال د جنورۍ او فبرورۍ په میاشتو کې د ۱۱.۵ میلیون ډالرو پر ارزښت تېل صادر کړي دي.
د قرغزستان د ملي احصائې کمیټې د دوشنبې پر ورځ ویلي، چې دې هېواد په دوه میاشتو کې افغانستان ته ۲۴.۹ میلیون لیټره پټرول صادر کړي دي.
د سیمهییزو رسنیو د څرګندونو له مخې؛ قرغزستان د روان کال د جنورۍ او فبرورۍ په میاشتو کې د ۱۱.۵ میلیون ډالرو پر ارزښت تېل صادر کړي دي.
افغانستان ته د تېلو صادرات په تېرو دوه کلونو کې پرلهپسې مخ پر لوړېدو دي.
د تېر کال په لومړیو شپږ میاشتو کې ۷۰۰ لیټره افغانستان ته تللي وه. په داسې حال کې، چې د ۲۰۲۳ کال په ورته وخت کې یوازې ۱۹ لیټره ول.
د دواړو هېوادونو ترمنځ په ټولیزه توګه سوداګرۍ هم له هغې وروسته، چې د قرغزستان حکومت د تېر کال په سپټمبر کې د افغانستان اسلامي امارت (IEA) د منع شویو ډلو له نوملړه لرې کړ؛ ورسره صادراتو هم زیاتوالی وموند.
افغانستان اوس د قرغزستان د تېلو اصلي مصرفي هېواد دی، چې د دې تېلو د ټولو صادراتو شاوخوا ۹۲ سلنه جوړوي.
که څه هم افغانستان د آمو سیند په حوزه کې د تېلو او ګازو خپلې زیرمې لري؛ خو د انرژۍ د اړتیاوو پوره کولو لپاره د منځنۍ آسیا د هېوادونو او ایران پر وارداتو ډېره تکیه کوي.