Connect with us

تازه خبرونه

له اسلامي امارت سره پرته له خبرو بله چاره نشته – اروپایي ټولنه

Published

 on

(Last Updated On: وږی ۲۴, ۱۴۰۰)

د اروپايي ټولنې یو لوړپوړي ډیپلوماټ د سې شنبې پر ورځ ویلي، چې دوی د افغانستان د اسلامي امارت له نویو واکمنو سره له خبرو پرته بله چاره نلري او د بروکسل له غړیو هېوادونو سره به په کابل کې د ډیپلوماټیک شتون د همغږۍ لپاره هڅه وکړي.

د سټراسبورګ په اروپایي پارلمان کې د اروپايي ټولنې د بهرنۍ پالیسۍ مشر جوزپ بوریل ویلي: پر پېښو د هر راز اغېز لپاره مونږ له اسلامي امارت سره له معاملې پرته بله لار نلرو.

د اروپايي اتحادیې د بهرنیو چارو وزیرانو له اسلامي امارت سره، چې د زمري پر ۲۴ / د اګست پر ۱۵ پرافغانستان واکمن شوي؛ د بشردوستانه مرستو او ډیپلوماټیکو اړیکو د بیا جوړولو لپاره یو لړ شرایط د بشري حقونو په ځانګړي توګه د ښځو حقونو ته د درناوي په اړه وړاندې کړي دي.

بوریل زیاته کړې: له وزیرانو او شورا سره مو هوکړه کړې، چې د دې معاملې کچه او بڼه به د اسلامي امارت د نوي حکومت له کړنو سره تړاو ولري.

اروپایی ټولنه په پام کې لري، چې سږ کال او په راتلونکي کې د دې ټولنې له حکومتونو او ګډې بودجې څخه ۳۵ میلیون ډالر بېل کړي او د شاوخوا ۳۰۰۰۰ زره افغانانو د بیا میشتېدو لپاره خنډونه لرې کړي.

تازه خبرونه

د قطر سفیر په کابل کې د اسلامي امارت له چارواکو سره وکتل

Published

on

(Last Updated On: سلواغه ۱۷, ۱۴۰۱)

د یکشنبې پر ورځ د اسلامي امارت یو شمېر استازیو په کابل کې د قطر د بهرنیو چارو د وزیر له ځانګړي استازي مطلق بن ماجد القحطاني او مل پلاوي سره وکتل.

د قطر استازي د اسلامي امارت د بهرنیو چارو له وزیر امیر خان متقي، کورنیو چارو وزیر سراج الدین حقاني؛ د پوهنې وزیر حبیب الله اغا او د استخباراتو عمومي رییس عبدالحق وثیق سره د افغانستان په اړه خبرې وکړې.

د اسلامي امارت د چارواکو د څرګندونو له مخې؛ دواړو لوریو د قطر خيريه بنسټ پر هڅو، سياسي همکاريو، د اړيکو پر پياوړتياوو او بشري مرستو هر اړخیزې خبرې کړې دي.

د قطر د بهرنیو چارو وزارت لخوا په خپره شوې خبرپاڼه کې راغلي؛ القحطاني د افغانستان پر مهمو پرمختګونو په ځانګړي توګه د سیاست، اقتصاد، پراختیا او پوهنې په برخو کې خبرې وکړې.

نوموړي د قطر پر دریځ ټینګار څرګند کړ او د افغانانو له ټولو حقونو په ځانګړي توګه د زده‌کړو او د نجونو د حقونو د ترلاسه کولو او د ښځو د کار کولو له حق او درناوي خپل ملاتړ بیا وړاندې کړ.

په خبرپاڼه کې راغلي، چې هغه په افغانستان کې د امنیت او ثبات د ټینګښت پر هراړخیزې ملاتړ او د سیاسي اجماع د رامنځته کولو لپاره د اسانتیاوو پر رامنځته کولو هم ټینګار څرګند کړ.

Continue Reading

تازه خبرونه

د احمدشاه بابا له نړیوال هوايي ډګره نړیوالې الوتنې پیل شوې

Published

on

(Last Updated On: سلواغه ۱۷, ۱۴۰۱)

د احمدشاه بابا نړیوال هوایي ډګر  رییس حافظ عصمت الله څرګنده کړې؛ له کام ایر هوایي شرکت سره مو په ګډه د الوتنو د ترسره کولو هڅي کړي او نن رسماً د کندهار او دوبۍ ترمنځ دوه اړخیز پرازونه پيل شول.

د کندهار زون د کام ایر هوايي شرکت مسوول مولوي نورعلي حیدري ویلي: د کندهار سوداګريزو اړتیاوو اړ کړو، چي د کندهار او دوبۍ ترمنځ کام ایر هوايي شرکت دوه اړخیز پروازونه پيل کړي.

د نوموړي د څرګندونو له مخې؛ له دې وروسته به له کندهار څخه د شنبې پر ماښام دوبۍ ته او د یکشنبې پر سهار له دوبۍ څخه کندهار ته پروازونه ولرو.  

د يادونې ده، چې په نږدې راتلونکي کې به د کندهار- ډيلي او کندهار- چين ترمنځ دوه اړخيزې الوتنې هم پيل شي.

Continue Reading

تازه خبرونه

اسلامي امارت په افغانستان کې د مرستو رسول له خطر سره مخ کوي – د امریکا استازی

Published

on

(Last Updated On: سلواغه ۱۶, ۱۴۰۱)

د افغانستان لپاره د امریکا ځانګړی استازي ويلي؛ په سویس کې د مرستندویه ټولنو استازیو منلې، چې په بهرنیو ادارو کې د ښځو پر کار بندیز میلیونونه خلکو ته د بشري مرستو رسول ستونزمن کړي دي.

نن یکشنبه د افغانستان لپاره د امریکا ځانګړي استازي تام ویست څرګنده کړې، چې په ژنیو کې یې د ملګرو ملتونو له لوړپوړیو چارواکو، د روغتیا نړیوالې ټولنې (WHO) له چارواکو، د مهاجرت نړیوالې ټولنې او نورو مرستندویه موسسو سره، چې له افغانستان سره د مرستې لپاره کار کوي، وکتل او د دغه هېواد د وضعیت په اړه یې تفصیلي خبرې وکړې.

 تام ویست ټینګار کوي، چې د بشري حقونو وضعیت مخ پر خرابېدو دی؛ کار او زد کړو ته د ښځو او نجونو له لاسرسي باید ملاتړ وشي.

ټام ویست وايي؛ په دې غونډه کې ټولو ومنله چې په نړیوالو ادارو کې د ښځو پر کار بندیز میلیونونو خلکو ته د بشري مرستو رسول ستونزمن کړي دي.

تام ویست وایي: له نېکه مرغه مونږ د روغتیا نړیوالې ټولنې او نورو مرستندویه موسسو له مشرتابه سره، چې ټول په افغانستان کې د خلکو د ژوند پر ژغورلو بوخت دي وکتل. دوی ټول پدې باور دي، چې د طالبانو تګلارې په افغانستان کې میلیونونو اړمنو خلکو ته د بشري مرستو رسول له ګواښ سره مخ کړي دي.

له بلې خوا اسلامي امارت د ویاند مرستیال بلال کریمي ويلي، چې د اسلامي اصولو په رڼا کې کوښښ کوو، چې د هېواد ټولې ستونزې حل شي.هېوادونه د فشار د وسیلې په توګه غیر عادلانه او غیر معقولې پلمې لټوي. د اقتصاد کمزورتیا تازه ستونزه نده، بلکې د تېرو کلونو راپدیخوا دې وضعیت دوام موندلی دی.

دغه را زیاته شوې، چې د افغانستان د اقتصاد د ښه والي لپاره یې بېلا بېلې سرچینې په کار اچولي دي.

د اسلامي امارت لخوا د ښځو پر زده‌کړې او کار له بندیزونو وروسته یو شمېر مرستندویه موسسو په هېواد کې خپل فعالیتونه ودرول، چې له کبله یې میلیونونه خلکو ته د بشري مرستو رسول او وېشل ستونزمن شوي دي.

د یادونې ده، چې له دې مخکې تام ویست پاکستان او جرمني ته تللی و او د افغانستان پر حالاتو یې د دې هېوادونو له چارواکو سره خبرې کړې وې.

Continue Reading

Trending

Copyright © 2022 Ariana News. All rights reserved!