Connect with us

سوداگري

له ترکمنستان څخه د افغانستان له لارې پاکستان ته د ګازو صادرات پیل شول

خپور شوی

د

(Last Updated On: )

په کندهار ولایت کې سیمه‌ییزو چارواکو ويلي، یوه نړیوال شرکت په رسمي بڼه له ترکمنستان څخه د افغانستان له لارې پاکستان ته د طبیعي ګازو صادرات پیل کړي دي.

د سوداګرۍ او پانګونې خونه وايي، دا لار د ایران د لارې پر پرتله ډېره لنډه ده او له ترکمنستان څخه د افغانستان له لارې پاکستان ته د ګازو لېږد به د دغه هېواد لپاره زیاتې اقتصادي ګټې ولري.

په لومړي ګام کې د کندهار د سپین بولدک بندر له لارې ۵۰ موټره پر ګازو بار پاکستان ته واستول شول.

د سوداګرۍ او پانګونې خونې مرستیال محمد یونس مومند وايي: سږ کال زمونږ صادرات کابو ۱۸۶۸ میلیون دالر دي، چې د پام وړ زیاتوالی ښيي. زه د افغانستان د اسلامي امارت له مشر امیرالمؤمنین شیخ هبة‌الله آخوندزاده څخه د زړه له تله مننه کوم، چې د ټولو سوداګرو او پانګوالو لپاره یې مناسب چاپېریال رامنځته کړ او هغو ته یې د افغانستان اقتصادي لښکر پر سترګه وکتل.

د کندهار د ګمرک چارواکي وايي، په ۱۴۰۰ لمریز لېږدیز کال کې ۲۲۸۹۱ ترانزیتي ټولګې د افغانستان له لارې د منځنۍ آسیا هېوادونو ته لېږدول شوي او په ۱۴۰۱ لمریز لېږدیز کال کې ۵۳۶۷۹ ټولګې، چې شمېر یې له ۱۴۰۰ څخه دوه برابره زیات دي. له ترکمنستان څخه پاکستان ته د ګازو د لېږد پیل د افغانستان د ترانزیت په برخه کې یو مهم بدلون دی.

د کندهار ولایت د ګمرک رییس محمد حامد حمید وايي: ګاز یوه خطرناکه او اور اخیستونکی ماده ده. ان شاءالله، چې په انتقال کې به یې ځنډ نه‌وي.

څرنګه، چې افغانستان د منځنۍ آسیا او سویلي آسیا ترمنځ پروت دی، د توکو لېږد کولی شي په سیمه کې د افغانستان اقتصادي وضعیت را ژوندی کړي او په سیمه ییزې نښلېدا کې مهم رول ولوبوي.

سوداگري

يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي

د سیف الدین لټون د څرګندونو له مخې؛ دا سوداګر به د پریان ولسوالۍ په ۲۲ مربع کیلومټره ساحه کې د اوسپنې پر کان‌کېندنه پانګونه وکړي.

Published

on

(Last Updated On: )

د پنجشیر ولایتي ادارې ویاند سیف الدین لټون ويلي؛ یو افغان سوداګر چمتو دی، چې د ولایت د اوسپنې کانونه په معیاري او تخنیکي ډول له ۳ څخه تر ۱۲ میلیون ډالرو پر پانګونه استخراج کړي.

د سیف الدین لټون د څرګندونو له مخې؛ دا سوداګر به د پریان ولسوالۍ په ۲۲ مربع کیلومټره ساحه کې د اوسپنې پر کان‌کېندنه پانګونه وکړي.

نوموړي زیاته کړې؛ د دې پروژې تړون د افغانستان اسلامي امارت د ریاست الوزراء د اقتصادي مرستیالۍ لخوا منظور شوی دی.

د کانونو پر استخراج سربېره دا سوداګر په همدې ولایت د اوسپنې د پروسس چارې ترسره کوي، چې ورسره نور اضافي ارزښت هم رامنځته کړي.

لټون روښانه کړه، چې په لومړي پړاو کې به شرکت د شپږ میاشتو په اوږدو کې د زیرمو د اکتشاف پروګرام پیل کړي، چې ورسره به شاوخوا ۵۰۰ کسانو ته د کار زمینه برابره شي. کله، چې دا پړاو بشپړه شي ورسره سم د استخراج رسمي بهیر پیل کیږي.

Continue Reading

سوداگري

د کرنې مرستیال وزیر په یوه نندارتون کې د ګډون لپاره ایران ته روان شو

دا نندارتون د دوشنبې پر ورځ پیل کیږي او پېنځه ورځې به روان وي.

Published

on

(Last Updated On: )

د کرنې، اوبو لګولو او مالدارۍ وزارت مرستیال صدراعظم عثماني د ایران د اسلامي جمهوریت د صادراتي وړتیاوو په اووم نړیوال نندارتون( ایران ایکسپو) کې د ګډون لپاره هغه هېواد ته سفر وکړ.

دا نندارتون د دوشنبې پر ورځ پیل کیږي او پېنځه ورځې به روان وي.
تمه ده، چې له ۱۰۰ څخه د ډېرو هیوادونو لوړ پوړي چارواکي او سوداګر به په دې نندارتون کې برخه واخلي.
د کرنې مرستیال هیله لري، چې دا سفر به د سوداګریزو تعاملاتو د ودې لپاره لار اواره کړي او هېواد ته به ډېرې پانګونې راجلب کړي.

Continue Reading

سوداگري

د پاکستان او ازبکستان استازو پر افغان – ټرانس پروژې خبرې وکړې

دا خبرې اترې کابل ته د ډار له وروستي سفر وروسته وشوې؛ هغه له افغان چارواکو سره د ازبکستان-افغانستان- پاکستان د اوسپن‌پټلۍ د پلان شوې پروژې په اړه خبرې وکړې.

Published

on

(Last Updated On: )

د پاکستان د لومړي وزیر مرستیال او د بهرنیو چارو وزیر اسحاق ډار د پنجشنبې پر ورځ د ازبکستان د بهرنیو چارو وزیر بختیار سعیدوف سره په ټیلیفوني خبرو کې د افغان ـ ټرانس- اوسپنې‌پټلۍ پروژې په اړه خبرې وکړې.

دا خبرې اترې کابل ته د ډار له وروستي سفر وروسته وشوې؛ هغه له افغان چارواکو سره د ازبکستان-افغانستان- پاکستان د اوسپن‌پټلۍ د پلان شوې پروژې په اړه خبرې وکړې.

درې واړو ګاونډ هېوادونو د ۲۰۲۱ کال په فبرورۍ کې د افغانستان له لارې د ۵۷۳ کیلومټره اوسپنې‌پټلۍ د جوړولو لپاره یو تړون لاسلیک کړ، چې په وچه کې بند منځنۍ آسیا به د پاکستان له بندرونو سره ونښلوي. د دې پروژې اټکل شوی لګښت ۴.۸ میلیارډ ډالر دی او هدف یې د سیمه‌ییزې اقتصادي اړیکې پیاوړتیا ده.

د پاکستان د بهرنیو چارو وزارت د پنجشنبې پر ورځ په یوه خبرپاڼه کې ویلي؛ ډار هیله څرګنده کړې، چې درې واړه هېوادونه به ډېر ژر د دې مهمې سیمه‌ییزې پروژې لپاره یو چوکاټي تړون لاسلیک کړي.

دواړو خواوو د دوه اړخیزو اړیکو د پیاوړتیا، د اقتصادي او سوداګریزو اړیکو د زیاتوالي، د خلکو ترمنځ د اړیکو د پراختیا او اوسنیو سیمه‌ییزو او نړیوالو مسلو په اړه هم نظرونه تبادله کړل.

دا په داسې حال کې دهو چې د ټولګټو چارو وزارت د اوسپنې‌پټلۍ مرستیال محمد اسحاق صاحبزاده ازبکستان ته په سفر کې د حیرتان- مزار شریف د اوسپنې‌پټلۍ د عملیاتو او ساتنې قرارداد د سوګدیانا ټرانس سره د دوه نورو کلونو( د ۲۰۲۵ – ۲۰۲۶ ) لپاره وغځاوه.

Continue Reading
Advertisement

Trending

Copyright © 2025 Ariana News. All rights reserved!