Connect with us

کوید۱۹

له نیمایي ډېر امریکایان پر کرونا ویروس اخته دي

Published

 on

(Last Updated On: غویی ۷, ۱۴۰۱)

په ټوله امریکا کې شاوخوا ۵۸ سلنه وګړي او له ۷۵ سلنې ډېر لږ عمر لرونکي ماشومان پدې ناروغۍ اخته شوي دي.

د امریکا د ناروغیو د څارنې او مخنیوي مرکزونو لخوا ترسره شوې څېړنه ښيي، چې په دې هېواد کې له نیمایي ډېر وګړي لږ تر لږه یو ځل پر SARS-CoV-2 ویروس باندې اخته شوي دي.

د ۲۰۲۱ زېږدیز کال په ډسمبر کې د اومیکرون له رارسیدو مخکې د امریکا یو پر درېیمه برخه وګړيو د پخواني SARS-CoV-2 انفیکشن نښې لرلې.

د نویو معلوماتو له مخې، پر اومیکرون د هر عمر ګروپ اخته شوی؛ خو ماشومان او تنکي ځوانان، چې ډېري یې واکسین شوي ندي، د انفیکشن لوړه کچه لري. په داسې حال کې چې د ۶۵ کلنو او له دې پورته عمر لرونکي خلک، چې پوره واکسین شوي؛ لږ پر کروانا اخته دي.

د متحده ایالاتو د ناروغیو د کنټرول او مخنیوي مرکزونو مشر ډاکټر روچیل والنسکي خبریالانو ته ویلي، چې په امریکا کې پر کرونا ویروس د اخته کسانو شمېر مخ پر ډېرېدو دی، چې یوازې تېره اوونۍ ۲۲ اعشاریه ۷ سلنه ډېر شوي، چې په ورځ کې ۴۴۰۰۰ ته لوړیږي. دغه راز په روغتون کې د دویمې اوونۍ لپاره په بستر کې پاتې کېدل ۶ اعشاریه ۶ سلنه ډېر شوي دي.

دغه راز د مړینې کچه په یوه اوونۍ کې ۱۳ اعشاریه ۲ سلنې ته راکښته شوې؛ خو ټولشمېر یې یو میلیون ته نږدې کیږي.

د راپورونو له مخې د امریکا له ۶۶ سلنې څخه ډېر وګړي د کرونا پر وړاندې بشپړ واکسین شوی او نږدې ۴۶ سلنه خلکو تقویتي واکسین تر لاسه کړی.

کوید۱۹

د امریکا د ملي امنیت سلاکار سلیوان پر کرونا ویروس اخته شو

Published

on

(Last Updated On: غبرګولى ۲۹, ۱۴۰۱)

د امریکا د ملي امنیت سلاکار ویاندې ویلي، چې جیک سلیوان د شنبې پر ورځ له هغې وروسته پر کرونا یرویس اخته شو، چې یوه اوونۍ مخکې له ولسمشر جو بایډن سره د اووه پرمختللیو اقتصادونو د ډلې غونډې ته تللی و.

د امریکا د ملي امنیت د سلاکار ویاندې ادرین واتسن ویلي، چې سلیوان له بایډن سره نږدې تماس نه درلود او نښې یې هم نلرلې. دا یې پر کرونا د اخته کېدو لومړی ځل دی.

سپینې ماڼۍ د شنبې پر ورځ ویلي، سلیوان د جمعې پر ورځ په سپینه ماڼۍ کې د سینیګال د بهرنیو چارو له وزیر آیستا تال سال سره یوه لیدنه لرله. دغه راز یې د دوشنبې پر ورځ په لوګزامبورګ کې د چین له لوړپوړي دیپلومات یانګ جیچي سره څلور نیم ساعته لیدلي وه.

دا سمدستي روښانه نده، چې آیا پر کرونا اخته کېدل به یې سفري پلانونه اغېزمن کړي او که نه.

سپینې ماڼۍ تېره اوونۍ په ډاګه کړې وه، چې بایډن به د اووه ډلو د سرمشریزې لپاره سویلي آلمان ته سفر وکړي او د جون په وروستیو کې د ناټو سرمشریزې لپاره هسپانیا ته روان شي.

Continue Reading

کوید۱۹

کاناډا د سفرونو لپاره پر کرونا واکسین ټینګار پای ته ورساوه

Published

on

(Last Updated On: غبرګولى ۲۴, ۱۴۰۱)

د کاناډا حکومت به د سې شنبې پر ورځ په الوتکو او اورګاډو کې د کورنيو او بهرنيو سفرونو پر مهال د کرونا ویروس واکسین د پلي کولو د ماموریت پای اعلان کړ.

د سي بي سي نیوز د راپور له مخې؛ حکومت د روانو محدودیتونو له کبله له نیوکو سره مخ دی؛ خو د ویروس د کومي بلې بڼې له ودې او پراختیا سره به بېرته ور وګړزي.

د کاناډا فدرالي محدودیتونه د ناواکسین شوي خلکو پر سفر بندیز خوندي کړی او ټولو ملکي کارمندانو ته د واکسین لګولو سپارښتنه کوي.

تیره اوونۍ کانادا په هوایي ډګرونو کې خلکو ته د آسانتیاوو د برابرولو لپاره د کرونا ویروس د کتنې بهیر د جون تر پایه وځنډاوه.

حکومت په دې اړه د رویټرز غوښتنو او پوښتنو ته ځواب ندی ویلی.

Continue Reading

کوید۱۹

د کرونا فایزر واکسین د کوچنيو ماشومانو لپاره ګټور دي

Published

on

(Last Updated On: غبرګولى ۲۳, ۱۴۰۱)

د امریکا د خواړو او درملو ادارې کارپوهانو تېره ورځ څرګنده کړې؛ د کرونا ویروس واکسین هغو ماشومانو ته، چې عمرونه یې له ۶ میاشتو څخه تر ۴ کلونو وي؛ ډاډمن او بې زیانه دی.

د سرچینې د هغو اسنادو د څرګندونو له مخې، چې د یکشنبې پر ماښام خپاره شوي په ډاګه کوي، چې د دوی ارزونې په کوچنيو ماشومانو کې د واکسین کارولو په اړه هیڅ راز اندېښنې رامنځته شوې ندي.

پورې اړوند کوم نوي خوندیتوب اندیښنې ندي څرګند کړي.

د فایزر د شننې او څېړنې له مخې، چې اسناد یې د جون پر ۱۵ د بهرنيو مشاورینو له غونډې مخکې خپاره شوي؛ ماشومانو ته د یاد واکسین د پلي کولو سپارښتنه کوي.

د یاد واکسین کارول له شپږکلنۍ ټیټ عمرو ته تر دې دمه په ډېریو هېوادونو کې منل شوي ندي.

د امریکا ولسمشر جو بایډن په دې هیله دی؛ که دا واکسین د امریکا اړوند ادارې د کرونا ویروس د مخنیوی لپاره کوچینو ماشومانو ته ومنل شي؛ نو پلي کول به یې د جون پر ۲۱ پیل شي.

حکومتي چارواکو ويلي، چې له ۶ کلونو ټیټ عمره ماشومانو ته د دغه واکسین له پلي  کولو سره به نوره لیوالتیا هم رامنځته شي.

د امریکا د خواړو او درملو ادارې د څرګندونو له مخې؛ د واکسینو دغه خوراک له ۶ کلنۍ څخه تر ۱۷ کلنۍ پورې ګټور دی.

Continue Reading

Trending

Copyright © 2022 Ariana News. All rights reserved!