Connect with us

تازه خبرونه

پاکستان د افغانستان او ایران پر پلیو مسافرو بندیز لګولی

Published

 on

(Last Updated On: غویی ۱۳, ۱۴۰۰)

پاکستان د یکشنبې پر ورځ( د وري ۱۲) د کرونا ویروس د خپریدو د مخنیوي په هڅه کې د ګاونډ هېوادونو افغانستان او ایران پر پلیو مسافرو د تګ راتګ بندیز لګولی دی.

دا پرېکړه به د می له ۴ څخه تر ۲۰ /  د غویی له ۱۴ تر ۳۰ پورې د پام وړ وي او یوازې پاکستانی وګړي او هغه ناروغان، چېبیړنیو مرستو ته اړ دی؛ له دواړو هېوادونو څخه ورته د راتېرېدو اجازه ورکول کیږي.

د ترکیې انادولو نیوز څرګنده کړې، چې د درې واړو هېوادونو ترمنځ بندرونه به د سوداګریزو توکو او کارګو د لېږد رالېږد لپاره ټوله اوونۍ پرانستې وي.

د حکومت په رسنیزې څرګندونې کې راغلي: د کرونا ویروس د نوې څپې د خپرېدو له کبله پاکستان د افغانستان او ایران سره د ځمکني تګ راتګ د مدیریت پر اوسنۍ پالیسۍ بیاکتنه کړې، چې په بندرونو کې دننه د کرونا ویروس د پروتوکول پربنسټ تګ راتګ تنظیم شي.

د انادولو د څرګندونو له مخې؛ پاکستان په دې وروستیو کې د بریټانیا، برازیل او سویلي افریقا د کرونا ویروس بڼې موندلي او د مخ له زیاتېدو یې وېره لري.

دغه راز ېې له هندوستان څخه هم ځمکنی او هوايي سفر بند کړی دی؛ ځکه، چې ناروغۍ او مړینې یې د روغتیایي پاملرنې سیسټم هم تر اغېز لاندې راوستی دی.

پاکستان پرېکړه کړې، چې د کرونا ویروس د پروتوکول له مخې له ایران او افغانستان سره په بندرونو کې نه یوازې روغتیايي پاملرنه ډېره کړي، بلکې ترافیک هم وڅاري.

په پاکستان کې تګ راتګ کوونکي به د انټي ژن ګړندۍ آزموینه تر سره کوي او هغه پاکستاني وګړي، چې مثبت آزمیښت شوي؛ د قرنطین نږدې مرکزونو ته لیږدول کیږي.

هغه پلي کسان، چې مثبت آزموینه ولري؛ بېرته خپل هېواد ته استول کیږي.

د یادونې ده، چې پاکستان د ۱۸۰۷۰ کسانو د مړینو په ګډون ۸۲۹۹۳۳ مثبتې پېښې ثبت کړې دي.

تازه خبرونه

پاکستان او روسیه به د اسلامي امارت د کړنو ارزونه وکړي

Published

on

(Last Updated On: سلواغه ۱۰, ۱۴۰۱)

د پاکستان بهرنیو چارو وزیر بلاول بوتو زرداري پر دوه ورځني رسمي سفر د روسیې پلازمېنې مسکو ته رسېدلی دی.

د پاکستان د سیمه ییزو رسنیو د راپور له مخې؛ زرداري به د دوشنبې پر ورځ په مسکو کې له خپل روسي سیال سرګي لاوروف سره وویني او خبرې به یې د افغانستان پر حالاتو راوڅرخیږي.

پاکستانيو رسنیو د رسمي سرچینو د څرګندونو له مخې په ډاګه کړې؛ پاکستان او روسیه به نه یوازې د یوه ټولګډونه حکومت د جوړولو لپاره پر نړیوالو ژمنو او له خپلې خاورې د ترهګرو ډلو د فعالیت پر مخنیوي خبرې وکړي، بلکې د اسلامي امارت پر پرمختګونو به هم بیاکتنه وکړي.

د تریبیون د راپور له مخې؛ د پاکستان د بهرنیو چارو وزیر بلاول بوتو زرداري به په مسکو کې د دوشنبې پر ورځ له خپل روسي سیال سرګي لاوروف سره وګوري او د دوی د اجنډا یوه اړینه موضوع به افغانستان وي.

زرداري د پاکستان د بهرنیو چارو د وزیر په توګه مسکو ته لومړنی سفر کوي. نوموړی اندېښمن دی، چې د تحریک طالبان پاکستان (TTP) وسلوالې ډلې په افغانستان کې پټنځایونه لري.

د روسیې د بهرنیو چارو وزارت تویت کړی، چې دواړه وزیران به له ترهګرۍ سره د مبارزې او د افغانستان، سوریې او اوکراین د وضعیت په ګډون پر یو شمېر سیمه ییزو موضوعاتو خبرې وکړي.

Continue Reading

تازه خبرونه

اسلامي امارت دې ښځو ته د زده‌کړو او کار اجازه ورکړي – د اسلامي همکاریو ټولنه

Published

on

(Last Updated On: سلواغه ۱۰, ۱۴۰۱)

د اسلامي همکاریو ټولنې (OIC) د یکشنبې پر ورځ د افغانستان اسلامي امارت له چارواکو وغوښتل، چې د نجونو لپاره دې د ښوونځیو او پوهنتونونو د بیا پرانستلو هلې ځلې وکړي، چې د زده‌کړو له ټولو کچو برخمنې شي.

د اسلامي همکاریو ټولنې عمومي سکرتریت د شنبې پر ورځ د اسلامي امارت د لوړو زدکړو وزارت ته د هغې پرېکړې په اړه خپله ناهیلي څرګنده کړه، چې د ټول هېواد په ټولو دولتي او خصوصي پوهنتونونو کې سږکال د ښځینه زده‌کړیالانو یا محصلینو د داخلیدو مخه نیسي.

د اسلامي همکاریو ټولنې تویت کړی؛ دا وروستی فرمان د کابل د رسمي چارواکو لخوا ښوونې، روزنې او عامه کارونو ته د نجونو او ښځو د لاسرسي په اړه اعلان شوي پراخ محدودیتونه نور هم سختوي.

یادې ټولنې د اسلامي امارت له چارواکو غوښتي، چې د نجونو لپاره د منځنیو ښوونځیو، لیسو او پوهنتونونو د بیا پرانستلو لپاره هڅې وکړي او دوی ته د زده‌کړو زمینه برابره او په ټولو هغو کچو اوتخصصونو کې، چې ورته اړتیا ده زده‌کړې او کار وکړي.

یادې ټولنې له اسلامي امارته وغوښتل، چې پر وروستۍ پرېکړه او پخوانیو فرمانونو له سره غور وکړي.

Continue Reading

تازه خبرونه

د امریکا ځانګړی استازی له بهرنیو همکارانو او افغان کډوالو سره د خبرو نیت لري

Published

on

(Last Updated On: سلواغه ۱۰, ۱۴۰۱)

د امریکا د بهرنیو چارو وزارت څرګنده کړې؛ د افغانستان لپاره د امریکا ځانګړی استازی توماس ویست په روانه اوونۍ کې پاکستان، جرمني او سویس ته له ملګرو، افغانانو او د بشري مرستو له موسسو سره د خبرو لپاره سفر کوي.

یاد  وزارت یکشنبه ناوخته (د سلواغې ۹ ) څرګنده کړه، چې توماس ویست به دغو هېوادونو ته په خپل څلور ورځني سفر کې له امریکايي همکارانو، افغانانو او مرستندویه بنسټونو سره پر سلا مشورو سربېره د افغانستان په اړه هم خبرې وکړي.

د یادې سرچینې د څرګندونو له مخې؛ پاکستان، جرمني او سویس ته د توماس ویست د څلورورځني سفر موخه دا ده، چې له شریکانو او افغان کډوالو سره د هغو د ګڼو ننګونو په اړه سلا مشورې وکړي، چې دمګړۍ د افغانستان خلک، ښځې او نجونې ورسره مخ دي.

توماس ویست تویت کړی: زه به د جنورۍ له ۲۹ څخه د فبرورۍ تر ۴ پورې پاکستان، جرمني او سویس ته سفر وکړم، چې له شریکانو، افغانانو او بشردوستانه مرستندویه موسسو سره د هغو غیر معمولي ننګونو په اړه مشوره وکړم، چې مونږ د افغانانو د ملاتړ په برخه کې ورسره مخ یوو.

بهرنیو حکومتونو او نړیوالو مرستندویه موسسو په وار وار د اسلامي امارت له چارواکو غوښتي، چې دا پرېکړه بېرته واخلي او افغان میرمنو او نجونو ته د زده‌کړو، کار، سپورت او عامه ژوند کولو اجازه ورکړي؛ خو تر اوسه کوم تعامل ته رسېدلي ندي.

Continue Reading

Trending

Copyright © 2022 Ariana News. All rights reserved!