د افغان فوټسال غوره لیګ نهمه لوبه نن (سېشنبه)د جوانان میهن او زیتون افسي لوبډلو ترمنځ ۱-۱ مساوي پای ته ورسېده.
دغه راز نن لسمه لوبه د امید افسي او اتحاد افسي لوبډلو ترمنځ هم ۱-۱ مساوي پای ته ورسېده.
د اتحاد افسي لپاره یوازنی ګول رضا حسین پور وواهه او د امید افذسي لپاره یوازنی ګول علي رضا ترسره کړ.
دا سیالۍ به د افغانستان فوټبال فډراسیون فوټسال کمیټې په جمنازیم کې ترسره شي.
د دې لیګ په یوولسمه لوبه کې به سبا (چارشنبه) د صداقت افسي او ظاهر اسد لوبډلې یو له بل سره مخامخ شي.
په دولسمه لوبه کې به سبا د غزني دیارد سنايي لوبډله له آریا فورج لوبډلې سره مخامخ شي.
په ټول هېواد کې د فوټسال مینهوال کولی شي دا سیالۍ پر ژوندۍ او ځانګړې بڼه له آریانا ټلویزیون ATN څخه وګورئ.
