Connect with us

تازه خبرونه

په افغانستان کې دننه دې خپلمنځي خبرې پيل شي – اروپایي ټولنه

خپور شوی

د

(Last Updated On: )

د افغانستان لپاره د اروپایي ټولنې ځانګړي استازي په افغانستان کې دننه د خپلمنځي خبرو پر پيلولو ټینګار څرګند کړ او وایي؛ باید ټول افغانان د خپلو سیاسي، قومی او سیمه‌ییزو ګټو په اړه پرېکړه وکړي.

د افغانستان لپاره د اروپايي ټولنې ځانګړی استازی، چې تازه کابل ته راغلی نن په یوه خبري غونډه کې د شته ستونزو د حل لپاره د افغانانو ترمنځ خپلمنځي خبرې ضروري ګڼي.

توماس نیکلاسون ویلي؛ هغه افغانان، چې له هېواده بهر اوسیږي باید له دې خبرو اترو بې برخې پاتې نشي.

د افغانستان لپاره د اروپایي ټولنې ځانګړی استازی توماس نیکلاسون وایي: خبري اترې کیدای شي په د اخل کې ترسره شي؛ فکر نه کوم، چې له هېواده بهر اوسیدونکي افغانان دې له دې خبرو اترو وویستل شي. زما تجربه داده، چې د معنا لرونکیو خبرو لپاره تاسې مخامخ خبرو ته اړتیا لری او یو له بل سره تعامل وکړی. دا تر دې ډېره اسانه ده، چې په یو مشخص ځای کې ترسره شي؛ خو باید یو ګرد میز ولرو.  نیکلاسون وايي؛ په داسې حال کې، چې څه باندې ۲۸ میلیون افغانان بشري مرستو ته اړتیا لري، خو د اسلامي امارت له لوري په کورنیو او بهرنیو بنسټونو کې د میرمنو د کار ځنډول اړمنو کسانو ته د مرستو رسولو چارې ټکنۍ کړي دي.

د اروپايي ټولنې ځانګړي استازي څرګنده کړې؛ په نادولتي بنستوټو کې د میرمنو د کار ځنډول د بشري مرستو بهیر ټکنی کړی او دغه اتحادیه هڅه کوي د دې ستونزې پر اوارولو افغانستان ته د بشري مرستو د پراخولو لپاره زمینه برابره کړي. 

نوموړي ویلي؛ د دسمبر پر ۲۴ نیټه، چې د اسلامي امارت له لوري په نادولتي بنسټونو کې د میرمنو د کار ځنډول اعلان شول، د بشري مرستو رسولو ستونزې یې ډېرې کړي، که څه هم په افغانستان کې سخت ژمی د پای ته رسیدو په حال کې دی؛ خو بشري حالت مخ پر خرابېدو دی، څه باندې ۲۸ میلیون افغانان بشري مرستو ته اړتیا لري، چی ډېری برخه یې له ۸ کلونو کم عمرماشومان دي، اروپايي ټولنې په تېرو ۱۸ میاشتو کې له دغه هېواد سره ۴۱۷ میلیون دالربشري مرسته کړې ده.

د اروپايي ټولنې دغه لوړپوړی دیپلومات که څه هم د میرمنو پرمخ د ښوونځیو او پوهنتونو د پرانیستلو لپاره هلې ځلې کوي؛ خو ټینګار کوي، چې دا ستونزه دې د راتلونکي وري تر میاشتې حل شي.

هغه وایي: ما د میرمنو د زده‌کړې موضوع په څو ناستو کې د سرپرست حکومت له وزیرانو سره شریکه کړې، هغو د نجونو د زده‌کړو حق تائیدوي، خو زمونږ له لوري له پرلپسې هڅو سره سره باوري نه یم، چې ووایم په راتلونکي نوي کال کې دې د نجونو پرمخ ښوونځي او پوهنتونونه خلاص شي.

له دې مخکې د افغانستان لپاره د اروپايي ټولنې استازي له آریانا نیوز سره په خبرو کې ویلي، که اسلامي امارت له نړیوالې ټولنې سره په خپلو ژمنو عمل وکړي او افغانستان د خلکو خوښه ترلاسه کړي؛ دغه ټولنه چمتو ده، چې اسلامي امارت پر رسمیت وپېژني.

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

تازه خبرونه

له ۲۴ سلنې ډېر افغان ماشومان له رواني ناروغیو کړیږي – یونیسف

 یونیسف ويلي، چې د جنګ، کډوالۍ، بې ځایه کېدا، بې‌وزلۍ زیاتېدو او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

Published

on

(Last Updated On: )

د ماشومانو لپاره د ملګرو ملتونو وجهي صندوق (یونیسف) په خپل یوه راپور کې اندېښنه ښودلې، چې د افغانستان له ۱۷ کلنو ټیټ عمره ماشومانو څلیریشت سلنه له رواني رنځ څخه کړېږي، چې د نړۍ پر کچه ۱۰ سلنه زیاتوالی ښيي.

د دغه راپور د څرګندونو له مخې ۱۵ سلنه افغان ماشومان خفګان لري.

 یونیسف ويلي، چې د جنګ، کډوالۍ، بې ځایه کېدا، بې‌وزلۍ او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

ملګرو ملتونه ویلي، چې د نجونو پر منځنیو ښوونځیو، لیسو او پوهنتوني زده‌کړو د طالبانو بندیز د راتلونکي په اړه د ډېرو افغان ماشومانو ناهیلي رامنځته کړې، چې روغتیايي او نور لومړنیو خدمتونو ته لاسرسی یې هم ننګولی دی.

یونیسف وايي، چې تېر کال یې څلور میلیون ماشومانو او د هغو له پالونکیو رواني ملاتړ کړی دی او په راتلونکي کال کې ۳ اعشاریه ۶ میلیون کسان به تر ملاتړ لاندې ونیول شي.

دغه بنسټ په افغانستان کې د روان پوهانو او رواني روزونکیو له کمښت سره مخ دي. سره له دې، چې دوی تېرکال په دې برخه کې ۳ زره کسان هم روزل شوي دي.

اړوند خبرونه:

د بغلان روزنتون ماشومانو د آسانتياوو غوښتنه وكړه

له ماشومانو سره د تاوتریخوالي په اړه د م.م راپور د اسلامي امارت او ولس پر ضد پروپاګند دی

Continue Reading

Trending

Copyright © 2022 Ariana News. All rights reserved!