تازه خبرونه
په افغانستان کې دننه دې خپلمنځي خبرې پيل شي – اروپایي ټولنه

د افغانستان لپاره د اروپایي ټولنې ځانګړي استازي په افغانستان کې دننه د خپلمنځي خبرو پر پيلولو ټینګار څرګند کړ او وایي؛ باید ټول افغانان د خپلو سیاسي، قومی او سیمهییزو ګټو په اړه پرېکړه وکړي.
د افغانستان لپاره د اروپايي ټولنې ځانګړی استازی، چې تازه کابل ته راغلی نن په یوه خبري غونډه کې د شته ستونزو د حل لپاره د افغانانو ترمنځ خپلمنځي خبرې ضروري ګڼي.
توماس نیکلاسون ویلي؛ هغه افغانان، چې له هېواده بهر اوسیږي باید له دې خبرو اترو بې برخې پاتې نشي.
د افغانستان لپاره د اروپایي ټولنې ځانګړی استازی توماس نیکلاسون وایي: خبري اترې کیدای شي په د اخل کې ترسره شي؛ فکر نه کوم، چې له هېواده بهر اوسیدونکي افغانان دې له دې خبرو اترو وویستل شي. زما تجربه داده، چې د معنا لرونکیو خبرو لپاره تاسې مخامخ خبرو ته اړتیا لری او یو له بل سره تعامل وکړی. دا تر دې ډېره اسانه ده، چې په یو مشخص ځای کې ترسره شي؛ خو باید یو ګرد میز ولرو. نیکلاسون وايي؛ په داسې حال کې، چې څه باندې ۲۸ میلیون افغانان بشري مرستو ته اړتیا لري، خو د اسلامي امارت له لوري په کورنیو او بهرنیو بنسټونو کې د میرمنو د کار ځنډول اړمنو کسانو ته د مرستو رسولو چارې ټکنۍ کړي دي.
د اروپايي ټولنې ځانګړي استازي څرګنده کړې؛ په نادولتي بنستوټو کې د میرمنو د کار ځنډول د بشري مرستو بهیر ټکنی کړی او دغه اتحادیه هڅه کوي د دې ستونزې پر اوارولو افغانستان ته د بشري مرستو د پراخولو لپاره زمینه برابره کړي.
نوموړي ویلي؛ د دسمبر پر ۲۴ نیټه، چې د اسلامي امارت له لوري په نادولتي بنسټونو کې د میرمنو د کار ځنډول اعلان شول، د بشري مرستو رسولو ستونزې یې ډېرې کړي، که څه هم په افغانستان کې سخت ژمی د پای ته رسیدو په حال کې دی؛ خو بشري حالت مخ پر خرابېدو دی، څه باندې ۲۸ میلیون افغانان بشري مرستو ته اړتیا لري، چی ډېری برخه یې له ۸ کلونو کم عمرماشومان دي، اروپايي ټولنې په تېرو ۱۸ میاشتو کې له دغه هېواد سره ۴۱۷ میلیون دالربشري مرسته کړې ده.
د اروپايي ټولنې دغه لوړپوړی دیپلومات که څه هم د میرمنو پرمخ د ښوونځیو او پوهنتونو د پرانیستلو لپاره هلې ځلې کوي؛ خو ټینګار کوي، چې دا ستونزه دې د راتلونکي وري تر میاشتې حل شي.
هغه وایي: ما د میرمنو د زدهکړې موضوع په څو ناستو کې د سرپرست حکومت له وزیرانو سره شریکه کړې، هغو د نجونو د زدهکړو حق تائیدوي، خو زمونږ له لوري له پرلپسې هڅو سره سره باوري نه یم، چې ووایم په راتلونکي نوي کال کې دې د نجونو پرمخ ښوونځي او پوهنتونونه خلاص شي.
له دې مخکې د افغانستان لپاره د اروپايي ټولنې استازي له آریانا نیوز سره په خبرو کې ویلي، که اسلامي امارت له نړیوالې ټولنې سره په خپلو ژمنو عمل وکړي او افغانستان د خلکو خوښه ترلاسه کړي؛ دغه ټولنه چمتو ده، چې اسلامي امارت پر رسمیت وپېژني.
تازه خبرونه
ضمیر کابلوف له امیر خان متقي سره د ډیپلوماټیکو اړیکو د کچې پر لوړولو خبرې وکړې
د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.

د روسیې ځانګړي استازي په کابل کې د افغانستان بهرنیو چارو وزارت له چارسمبالي( سرپرست) امیر خان متقي سره د دوه اړخیزو ډیپلوماټیکو اړیکو د کچې پر لوړولو، د اقتصادي او سوداګریزو اړیکو پراختیا او ځینو سیمهییزو مسایلو خبرې وکړې.
د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.
د افغانستان لپاره د روسیې ولسمشر ځانګړي استازي ضمیر کابلوف هم پخپل وار وویل، چې هېواد ته یې له افغانستان سره د اړیکو پراختیا اړینه ده او د همدې لپاره یې دا اقدام وکړ، چې د اړیکو د پراختیا په لار کې خنډونه لرې شي.
د هېواد د بهرنیو چارو وزارت چارسمبالي د روسیې فډراسیون له وروستي اقدام ، چې د افغانستان اسلامي امارت یې د ممنوعه ډلو له نوملړه لرې کړ؛ مننه وکړه.
کابلوف ویلي؛ په راتلونکې می میاشت کې به د کازان فورم په څنډه کې د روسیې او افغانستان د دوه اړخیز دایمي کمیسیون د کار د پیل لپاره هم ځانګړې غونډه ترسره شي.
ویل کیږي، چې دواړو لوریو د افغانستان اسلامي امارت او روسیې فډراسیون ترمنځ دوه اړخیزو اړیکو د کچې لوړوالی مهم وباله او دا یې د دواړو هېوادونو ترمنځ د اړیکو نوی پړاو یاد کړ.
تازه خبرونه
چین غواړي د افغانستان په کرنیز سکټور کې پانګونه وکړي- کرنې وزارت
د کرنې وزارت د سېشنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.

د کرنې، اوبو لګولو او مالدارۍ وزارت چارسمبالی(سرپرست) عطاءالله عمري په کابل کې د چین د خصوصي سکټور له پلاوي او استازو سره وکتل، چې ورسره یې د همکارۍ پراخولو، کرنې، مالدارۍ، اوبو لګولو، پانګونې او له افغانستان سره د چین د تجربو شریکولو په اړه خبرې اترې وکړي.
د کرنې وزارت د سېشنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.
د چین پلاوي د صنایعو او سوداګرۍ وزارت له چارسمبالي نورالدین عزیزي سره هم خبرې اترې وکړې. د دې غونډې پر مهال عزیزي ویلي، چې دوی بهرنیو پانګوالو ته ټولې آسانتیاوې برابروي.
د یادونې ده، چې په تېرو درې کلونو کې ډېری چینایي شرکتونو د هېواد په کانونو کې پانګونې ته لېوالتیا ښودلې؛ خو دا لومړی ځل دی، چې چینایي پانګوال غواړي په افغانستان کې د کرنې په سکټور کې پانګونه وکړي.
تازه خبرونه
په روسیه کې د افغانستان محصولات نندارې ته وړاندې کېږي
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.

د روسیې د اقتصادي پراختیا وزارت چارواکو ویلي، چې افغان محصولات به د روسیې- د کازان اسلامي نړۍ په شپاړلسم نړیوال اقتصادي فورم کې نندارې ته وړاندې شي.
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.
هغه زیاته کړې؛ د تاتارستان حکومت منلې، چې د افغان توکو او تولیداتو د نندارتون جوړولو لپاره به اړینې آسانتیاوې برابرې کړي.
د روسي دې چارواکي ویلي، چې دا نندارتون به د افغانستان د اقتصادي وړتیاوو د پېزندلو لپاره یو ځانګړی فرصت وي.
پاول کلمیچوک وایي: “دا نندارتون به خامخا ډېر پام ځانته راواړوي؛ ځکه، چې په روسیه کې پر طالبانو (اسلامي امارت) د بندیزونو د لرې کولو پرېکړه شوې ده.”
مخکې له دې د روسیې سترې محکمې د هېواد د لوی څارنوال غوښتنه منلې وه، چې د اسلامي امارت د فعالیتونو بندیز وځنډوي.
د افغانستان لپاره د روسیې ځانګړي استازي ضمیر کابلوف هم اعلان کړی و، چې د روسیې او افغانستان ترمنځ به د دې فورم په څنډه کې یوه لویه سوداګریزه غونډه هم ترسره شي.
د کازان شپاړسم نړیوال اقتصادي فورم ‘روسیه – اسلامي نړۍ: کازان فورم’ به د می له ۱۳ څخه تر ۱۸ پورې په کازان کې ترسره شي.
-
تازه خبرونه3 days ago
آریانا هوايي شرکت چین ته د اوونیزو الوتنو له زیاتېدا خبر ورکړ
-
سیمه ییز خبرونه4 days ago
د ایران او امریکا له خبرو اترو وروسته د عمان سلطان مسکو ته سفر کوي
-
تازه خبرونه2 days ago
د افغانستان لپاره د امریکا نوې استازې یوه افغانيالاصله میرمن غوره شوه
-
تازه خبرونه4 days ago
پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي
-
نړۍ4 days ago
په ټوله امریکا کې زرګونو لاریون کوونکو د ټرمپ پر ضد لاریون وکړ
-
تازه خبرونه2 days ago
په روسیه کې د افغانستان محصولات نندارې ته وړاندې کېږي
-
سیمه ییز خبرونه24 hours ago
په هندي کشمیر کې وسلوالو له ۲۰ ډېر سیلانیان ووژل
-
لوبی5 days ago
افغانستان د ۲۰۲۶ کال له ۱۹ کلنو ټیټ عمره کرکټ نړیوال جام ته لاره پیدا کړه