Connect with us

تازه خبرونه

په افغانستان کې د ښځو پر وړاندې تاوتریخوالی مخ په ډېرېدو دی

خپور شوی

د

(Last Updated On: )

په هېواد کې د روان کال په شپږ لومړیو میاشتو کې له ښځو سره د تاوتریخوالي دوه زره ۵۸۲ پېښې ثبت شوي دي.

په کابل کې د ښځو چارو وزارت له ښځو سره د تاوتریخوالي د مخنيوي د ۱۶ ورځني کمپاین په لومړۍ ورځ ویلي، د تېر کال په پرتله تاوتریخوالی ډېر شوی دی.

د ښځو چارو وزارت سرپرسته حسینه ساپۍ وایي، په تېرو څلورمیاشتو کې د جدي تاوتریخوالي څلوردېرش پېښې په دې وزارت کې ثبت شوي، چې اتلس یې د وژلو، اووه د ځان وژلو، اته د شدیدو ټپي کېدو او یوه د صحرایي محکمې ده.

د نوموړې د څرګندونو له مخې؛ د تاوتریخوالي ټولې پېښې دوه زره پېنځه سوه دوه اتیاو ته رسیږي.

هغه د  ښځو د وژنې او پرې د جنسي تېري علت جګړه او ناامني یادوي.

حسینه ساپې د دغې سروې په اړه وایي: د ښځو چارو وزارت دغه درې میاشتنۍ سروې په ۳۴ ولایتونو او ۲۵۰ ولسوالیو کې تر سره شوې، چې له لږ تر لږه ۲۰۰۰ کسانو سره له مرکو په ډاګه شوې، چې ښځې د دغه تاوتریخوالي پر وړاندې د قانون د پلي کیدو غوښتونکې دي.   

د ښځو چارو وزارت مرستیاله سپوږمۍ وردګ وایي: سږکال د تاوتریخوالي ډېرې بدې پېښې لرو؛۱۱۹ یې جنسي تېري دي، چې دتېر په پرتله ۵۹ سلنه ډېروالی ښیي، چې لامل یې ناامني او جګړه ده.

د افغانستان عدلي او قضایي بنستونه  په دې اړه دوسیو ته له لاسرسي ډاډ څرګندوي.       

د افغانستان د بشر حقونو خپلواک کمیسیون له ښځو سره د تاوتریخوالي پر زیاتېدو اندېښنه ښیي او وایي، باید د تاوتریخوالي دوسیې وڅېړل شي.

دا په داسې حال کې ده، چې د پکتیا د ښځو چارو ریاست هم د ښځو پر حقه حقوقو ټینګار کړی او وایي، چې په سویل ختیځ زون کې د ښځو پر وړاندې تاوتریخوالی ډېردی.

تازه خبرونه

اسلامي امارت د ثور اتمه د مجاهدینو د بریا او د کمونستانو د ماتې کلیزه ونمانځله

که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.

Published

on

(Last Updated On: )

مجاهدينو ۳۳ کاله مخکې د پخواني شوروي تر ملاتړ لاندې حکومت راوپرځاوه؛ خو د اسلامي امارت د چارواکو د څرګندونو له مخې، په هېواد کې واک ته د ځينو مشرانو لېولتیا د کورنيو جګړو لامل شوه او اسلامي نظام رامنځته نشو.

که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.

د وسلوال پوځ لوی درستیز فصیح الدین فطرت وايي؛ د یو شمېر جهادي مشرانو واک او تسلط د دې لامل شو، چې هېواد په کورنۍ جګړه کې ښکېل او د اسلامي نظام د جوړېدو مخه ونیول شي.

 لوې درتسیز وايي، که څوک د افغانستان د بیا اشغال فکر وکړي؛ نو افغان ولس به زر کاله نور هم جګړه وکړي، چې د چا مستعمره نشي.

 فصیح الدین فطرت همدا راز زیاته کړې؛ که څوک له هېواده د تښتېدلو کسانو پر کارولو د افغانستان د اشغال په فکر کې وي؛ نو افغان ولس د نورو زر کلونو لپاره د استعمار پر وړاندې مبارزې ته چمتو دی.

د سرحدونو، قومونو او قبایلو وزارت چارسمبالي(سرپرست) نورالله نوری ويلي؛ افغانستان به ډېر ژر په سیاسي، اقتصادي او امنیتي برخو کې له نورو هېوادونو سره برابر شي.

دغه راز د اطلاعاتو او فرهنګ وزارت چارسمبالي خیرالله خیرخواه د اسلامي امارت له مسوولینو غوښتي، چې له واک‌غوښتنې تېر شي؛ ځکه د زیات نفوذ هڅه د خلکو ترمنځ د نفاق لامل کیږي.

ویل کیږي، چې د تېرو څلور لسيزو ناورین، چې له کبله يې ميليونونه خلک کډوال شوي او نن په هېوادونو او په ځانګړي توګه ایران او پاکستان کې له سختو شرايطو سره مخ دي. د وسلوال ځواک لوى درستيز د دغو کډوالو پر باعزته راستنېدو ټينګار کوي او وایي، چې د کډوالو سپکاوى ورته د زغم وړ ندى.

Continue Reading

تازه خبرونه

د افغانستان لرې پرتو سیمو ته د ډبلیو‌اف‌پي هوايي مرستې د خنډېدو په حال کې دي

دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.

Published

on

(Last Updated On: )

د خوړو نړیوال پروګرام (WFP) د افغانستان لرې پرتو سیمو ته د الوتنو پر مټ د مرستو رسولو د ځنډېدو له احتمال خبر ورکړی دی.

دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.

د دې بنسټ د څرګندونو له مخې؛ په ۲۰۲۵ کال کې د مرستو رسولو د الوتنو لپاره نږدې ۱۰ میلیون ډالرو بېړنۍ بدجې ته اړتیا ده.

تېره اوونۍ د خوړو نړیوال پروګرام اعلان کړی و، چې د روان کال تر پایه پورې هېواد ته د راستنېدونکو افغان کډوالو د ملاتړ لپاره ۲۵ میلیون ډالرو بېړنۍ مرستې ته اړتیا لري.

ډبلیو‌اف‌پي افغانستان ته د امریکا د بشري مرستو له ځنډولو وروسته د بدجې له کمښت څخه شکایت کوي.

Continue Reading

تازه خبرونه

یوناما د راستانه شویو کډوالو په ښارګوټو کې له اوبو رسولو ډاډ څرګند کړ

د کلیو د بیارغونې او پراختیا وزارت د خبرپاڼې له مخې؛ د افغانستان لپاره د ملګروملتونو د عمومي منشي ځانګړې استازې مېرمن روزا اوتونبایوا او مل پلاوي ویلي، چې دوی به افغانستان ته د بېرته راستانه شویو کډوالو لپاره د پاکو اوبو رسولو، روغتیا ساتنې او په نورو برخو کې نه یوازې خپلې مرستې ورسوو، بلکې د مرستو پر دوام یې هم ټینګار وکړ.

Published

on

(Last Updated On: )

په افغانستان کې د یوناما مشرې او مل پلاوي نن دوشنبه( د غویی اتمه) د کلیو د بیارغونې او پراختیا وزارت له چارسمبالي سره په لیدنه کې ویلي؛ مونږ به ډېر ژر د بېرته راستانه شویو کډوالو په ښارګوټي کې د پاکو اوبو رسولو شبکو د جوړولو کارونه پیل کړو.

د کلیو د بیارغونې او پراختیا وزارت د خبرپاڼې له مخې؛ د افغانستان لپاره د ملګروملتونو د عمومي منشي ځانګړې استازې مېرمن روزا اوتونبایوا او مل پلاوي ویلي، چې دوی به افغانستان ته د بېرته راستانه شویو کډوالو لپاره د پاکو اوبو رسولو، روغتیا ساتنې او په نورو برخو کې نه یوازې خپلې مرستې ورسوو، بلکې د مرستو پر دوام یې هم ټینګار وکړ.

د کلیو د بیارغونې او پراختیا وزارت چارسمبالي محمد یونس آخوندزاده پلاوي ته د ښه راغلاست ترڅنګ څرګنده کړې؛ مونږ د یوناما دفتر له دوامدارو همکاريو  ستاینه کوو، چې په سختو حالاتو کې یې خپلې مرستې رسولي او جاري ساتلې دي.

محمد یونس آخوندزاده زیاته کړې، چې تاسې باید د بشري مرستو ترڅنګ بنسټیزو او عام المنفعه پروژو ته هم پاملرنه وکړئ او خپل کارونه له وزارت سره پر همغږۍ ترسره کړئ، چې هم مسوولیت سم ادا شي او هم ټولو هېوادوالو ته د متوازن انکشاف له مخې کار وشي.

Continue Reading
Advertisement

Trending

Copyright © 2025 Ariana News. All rights reserved!