Connect with us

نړۍ

په امریکا کې د ولسي جرګې د مشرې مېړه د څټک پر ګوزار ټپي شو

Published

 on

(Last Updated On: لړم ۷, ۱۴۰۱)

 یوه نفوذي کس د جمعې پر ورځ د امریکا د ولسي جرګې د مشرې نانسي پلوسي په لټه کې د هغې مېړه د څټک پر ګوزار ټپي کړ او ککرۍ یې ورماته کړه.

د فرانسې خبري آژانس ته د پلوسي ویاند درو همایل څرګنده کړې؛ د یوه بریدګر لخوا د دوی د سانفرانسسکو په کور کې د نانسي د لټون پر مهال پر پاول پلوسي برید او ګواښ وشو.

۸۲ کلن پاول پلوسي په خپل کور کې یوازې و او میرمن ناسي پلوسي دغه مهال له کوره بهر؛ په واشنګتن کې وه، چې میړه یې پر سر ټپي او په روغتون کې تر درملنې لاندې ونیول شو.

د سان فرانسیسکو پولیسو ویلي، چې افسرانو برید کوونکی په اړوند کور کې نیولی دی.

د سان فرانسیسکو د پولیسو مشر بیل سکات خبریالانو ته ویلي: بریدګر پاول پلوسي پر څټک وواهه او پر هغه یې بشپړ برید کړ.

هغه د بریدګر نوم ۴۲ کلن دیوید دیپاپ ښودلی؛ خو یو لړ پوښتنو ته له ځواب ویلو او نورو جزئیاتو ډډه شوې.

د امریکا کورنیو رسنیو د څرګندونو له مخې؛ برید کوونکي پاول پیلوسي ته ویلي، چې له ده سره کار نلري او غواړي د ناسي پلوسي راتګ ته په طمع شي.

د MSNBC شبکې د څرګندونو له مخې؛ د ګواښ په بهیر کې پاول بریالی هم شو، چې ۹۱۱ شمېرې ته په دې اړه معلومات هم ورکړي.

ځایي رسنیو دا راپور هم ورکړی؛ برید کوونکي چیغې وهلې، چې نانسي چېرته ده؟ پولیسو خبریالانو ته ویلي، چې تر اوسه د برید علت ندی معلوم.

سکات څرګنده کړې، چې دیوید دیپاپ به د وژنې، برید، غلا او پر نورو جرمونو تورن شي.

نانسي پلوسي له خپلو پېنځه ماشومان سره سان فرانسسکو ته راستانه شوي، چې د هغه تر څنګ وي.

سپینې ماڼۍ ویلي، چې ولسمشر جو بایدن دغه برید وحشیانه نومولی او په اړه یې د ورسره تیلیفوني خبرې کړي او میړه ته یې د رغېدو دعا کړې ده.

له دې مخکې پاول پیلوسي په می میاشت کې له یوې ترافیکي حادثې وروسته د موټر چلولو پر مهال د نشې له کبله پر پېنځه ورځني بند هم محکوم شوی دی.

دا په داسې حال کې ده، چې د امریکا د منځمهاله ټاکنو تر سره کیدو ته لږ تر لږه دوه اوونۍ پاتې دي او د دواړو ګوندونو غړیو د سیاسي تاوتریخوالی د احتمال په اړه خبرداری ورکړی دی.

نړۍ

د پاکستان په یوه جومات کې چاودنې لږ تر لږه ۱۹ لمونځ کوونکي وژلي

Published

on

(Last Updated On: سلواغه ۱۰, ۱۴۰۱)

د پاکستان په شمال لویدیځ ښار پېښور کې د دوشنبې پر ورځ په یوه جومات کې چاودنې لږ تر لږه ۱۹ لمونځ کوونکي وژلي او لسګونه نور یې ټپیان کړي دي.

د پاکستانيو رسنیو د څرګندونو له مخې؛ په دې چاودنه کې لږ تر لږه ۵۰ کسان ټپیان دي.

د سرچینې د څرګندونو له مخې، ډېرى ټپيان پوليس دي، چې د ماسپښين د لمانځه لپاره راغلي وه.

دپولیسو د څرګندونو له مخې؛ د چاودنې پر مهال په جومات کې شاوخوا ۲۶۰ کسانو لمونځ کاوه.

يوه عيني شاهد ځايي خبري چينل جيو تلويزيون ته ويلي، چاودنه د لمانځه پرمهال رامنځته شوې؛ يوه دوه پوړيزه ودانۍ نړېدلې؛ خو د چاودنې پر مهال له جوماته بهر و.

د پېښور د ليدي ريدنګ روغتون وياند محمد عاصم ويلي: په چاودنه کې ۱۹ کسان مړه او ۹۰ نور ټپيان شوي، چجې د ډېرو روغتیایي حالت د اندېښنې وړ دی.

د پولیسو په وینا، ډېري لمونځ کوونکي تر ویجاړیو لاندې دي.

د پوليسو يوه چارواکي سکندر خان ويلي: د ودانۍ يوه برخه نړېدلې او څو کسان تر لاندې شوي دي.

Continue Reading

نړۍ

ایران پخپلې پوځي اډې د بې پیلوته الوتکې برید شنډ کړ

Published

on

(Last Updated On: سلواغه ۹, ۱۴۰۱)

د ایران دولتي رسنیو د یکشنبې پر ورځ د دفاع وزارت د څرګندونو له مخې راپور ورکړ، چې د ایران د مرکزي ښار اصفهان په یوه پوځي فابریکه کې د بې پیلوته الوتکې د ناکام برید له کبله یوه زوروره چاودنه رامنځته شوې ده.

سرچینې زیاته کړې یوه بې پیلوته الوتکه د دافع هوا لخوا ووېشتل شوه او دوه نور بریدونه او چاودنې شنډې شوې. له نېکه مرغه، دغه ناکام برید کوم ځاني زیان ندی اړولی؛ خو د ورکشاپ چت ته یې لږ زیان اړولی دی.

رویترز د راپور له مخې؛ ایراني خبري آژانسونو د لویې چاودنې راپور ورکړی او یوه ویدیو یې خپره کړې، چې په فابریکه کې د اور لمبې ښیي، چې ویل کیږي د مهماتو فابریکه وه او د بېړنيو او له کارخونې بهر د اور وژنې د موترو انځورونه ښیي.

د جولای په میاشت کې ایران ویلي وه، چې دوی د ورانکارو وسلوالو کردانو یوه ډله نیولې، چې غواړي په اصفهان کې د اسرائیلو لپاره د “حساس” دفاعي صنعت مرکز ته چاودنه ورکړي.

د دفاع وزارت په خبرپاڼه کې راغلي: دغه برید زمونږ پر تاسیساتو او ماموریت اغېز ندی کړی او دا ډول ړانده اقدامات به د هېواد د پرمختګ پر دوام هم اغېز ونلري.

رویترز راپور ورکړی چې په تېرو څو کلونو کې د ایران د پوځي، اټومي او صنعتي تاسیساتو په شاوخوا کې یو شمېر چاودنې شوې دي.

اسرائیل له اوږدې مودې راپدیخوا ګواښ کړی، چې که د واشنګتن او تهران ترمنځ غیر مستقیمې خبرې د ۲۰۱۵ کال د اتومي تړون په ژغورلو کې ناکامې شي؛ د ایران پر ضد به پوځي اقدام وکړي.

دا اعلان په داسې حال کې شوی، چې د تهران د اتومي پروګرام پر سر له پخواني دښمن اسرائیلو سره کړکېچ روان دی او اسرائیلو ويلي؛ ایران د اتومي وسلو د جوړولو په لټه کې دی؛ خو تهران دا خبره ردوي.

Continue Reading

نړۍ

هند د می میاشتې په ناسته کې د پاکستان بهرنیو چارو وزیر ته د ګډون بلنه ورکړه

Published

on

(Last Updated On: سلواغه ۵, ۱۴۰۱)

د رویترز د راپور له مخې؛ هندي رسنیو د چارشنبې پر ورځ راپور ورکړ، چې د می په میاشت کې به هند د شانګهای همکارۍ ټولنه (SCO) غونډې ته د پاکستان بهرنیو چارو وزیر رابللی دی.

دا بلنه څو ورځې وروسته له هغه څرګنده شوې، چې د پاکستان لومړي وزیر شهباز شریف له هند سره د کشمیر د لانجمنې سیمې په ګډون د ټولو موجودو مسلو په اړه د خبرو اترو غوښتنه وکړه.

د رویترز خبري آژانس د راپور له مخې؛ یوازې یوه میاشت وړاندې د ملګرو ملتونو د امنیت شورا د غونډې په څنډه کې د پاکستان د بهرنیو چارو وزیر بلاول بوتو زرداري د هند د لومړي وزیر نریندرا مودي په اړه د څرګندونو په اړه په هند کې لاریونونه وشول. هند د زرداري څرګندونې غیر تمدني بللې.

د دواړو هېوادونو د بهرنیو چارو وزارت ویاندویانو سمدستي په دې اړه له څه ویلو ډډه کړې.

په شانګهای ټولنه کې چین، هند، روسیه، پاکستان او د منځنۍ آسیا څلور هېوادونه شامل دي.

د اندین ایکسپریس ورځپاڼې د راپور له مخې، دغه بلنه په اسلام‌آباد کې د هند د عالي کمیشنرۍ لخوا ورکړ شوی دی.

که پاکستان ومني؛ نو زرداري به لومړی د بهرنیو چارو وزیر وي، چې له نږدې ۱۲ کلونو وروسته هند ته سفر کوي.

پاکستان او هند په ۱۹۴۷ ز. کال کې له بریتانوي واکمنۍ څخه د خپلواکۍ له اخیستو راپدیخوا درې جګړې کړې دي.

هند پر پاکستان تور لګوي، چې تر خپل کنټرول لاندې د مسلمانانو په اکثریت سیمه کې له لسیزو راپدیخوا بغاوت ته لمن وهي؛ خو پاکستان د هند تورونه ردوي.

د ۲۰۱۹ په وروستیو کې یو ځل بیا تاوتریخوالی راپورته شو، چې کله هند په یو اړخیز ډول د کشمیر خودمختاره حیثیت لغو کړ.

رویترز راپور ورکړ، چې هغه مهال شریف ویلی، چې د نوي ډیلي اقدامات د رویترز د بشري حقونو د سرغړونې لامل شو.

د دواړو هېوادونو تر منځ رسمي خبرې له هغه وخت راپدیخوا ځنډول شوي دي. که څه هم د پټې دیپلوماسۍ له لارې د خبرو اترو د بیا پیل لپاره ځینې هڅې شوي دي.

عربي متحده اماراتو په ۲۰۲۱ کې منځګړیتوب وکړ او شریف بیا له هند سره د خبرو اترو بیا پیلولو لپاره د مرستې غوښتنه وکړه.

Continue Reading

Trending

Copyright © 2022 Ariana News. All rights reserved!