Connect with us

روغتيا

په دولتي روغتونونو کې د اصلاحاتو رامنځته کولو طرحه وارزول شوه

خپور شوی

د

(Last Updated On: مرغومی ۲۱, ۱۴۰۱)

د افغانستان اسلامي امارت د ریاست الوزراء اداري مرستیال مولوي عبدالسلام حنفي په مشرۍ ناسته کې د هېواد د روغتیایي وضعیت د ښه والي او د دولتي روغتونونو د اصلاحاتو طرحه وارزول شوه.

د عامې روغتیا وزیر داکتر قلندر عباد په روغتونونو کې د اصلاحاتو راوستلو د اړتیا او د هېواد په کچه د روغتیايي وضعیت د ښه والي، د تجربه لرونکیو مختصصینو د استخدام، په متوازن ډول د هېواد ټولو سیمو ته د روغتیایي خدمتونو وړاندې کولو او د روغتیایي خدمتونو پر وړاندې د موجوده ستونزو په اړه هراړخیر معلومات وړاندې کړل.

دغه راز په دې ناسته کې د روغتیایي مرکزونو د اصلاحاتو، د جمهوریت روغتون د ریفورم، د زرقي محلولونو او ابن سینا د درملو تولیدي شرکت د فعالولو طرحې وارزول شوې او د کورنیو تولیداتو پر ملاتړ، د زرقي محلولونو له اړخه د هېواد پر ځان بسیا کولو، درملو ته د خلکو د لاسرسي ډاډ او د روغتیایي پرسونل پر ظرفیت لوړولو ټینګار وشو.

د ریاست الوزراء اداري مرستیال مولوي عبدالسلام حنفي په روغتیایي مرکزونو کې د متخصصینو د جذب، د ابن سینا د درملو تولیدي شرکت د فعالولو، د مسوولو ډلو د رامنځته کولو او د جمهوریت دولتي روغتون معیاري کولو د طرحې برابرولو په اړه ډاډمنې پرېکړې وکړې.

روغتيا

د عامې روغتیا وزارت چارسمبالي د ملګرو ملتونو د وګړو صندوق له استازي سره وکتل

Published

on

(Last Updated On: سلواغه ۲۵, ۱۴۰۲)

د عامې روغتیا وزارت چارسمبالي ډاکټر قلندر عباد پرون (سې شنبه د سلواغې څلیریشتمه ) د ملګرو ملتونو د وګړو صندوق له استازي سره وکتل.

د عامې روغتيا وزارت د رسنیو دفتر د خبرپاڼې له مخې؛ په دې کتنه کې دواړو لورو د روغتيايي مرکزونو د پياوړتيا په ځانګړي توګه د ودانيو د رغولو، د ګرځنده روغتیایی ډلو د پیاوړتیا، پوره همغږۍ، د روغتیایي څانګو تخنیکی ملاتړ او نورو همکاریو په اړه بحث او خبرې وشوې.

د عامې روغتیا وزارت چارسمبالي د روغتیايي خدمتونو د وړاندې کولو او عرضې ښه کول او روغتیايي خدمتونو ته د خلکو د لاسرسي زیاتول د دغه وزارت له لومړیتوبونه یاد کړل او په دې اړه وایي: مونږ به له اړوند مسوولینو سره د همکارۍ له‌مخې د روغتیايي خدمتونو د کیفیت لوړولو په برخه کې خپلې هڅې روانې ساتو.

همدارنګه د ملګرو ملتونو د وګړو صندوق استازي د روغتیا په برخه کې د خپلو همکاریو پر دوام ټینګار وکړ او څرګندوي، چې د امکاناتو په نظر کې نیولو سره به د عامې روغتیا له وزارت سره همکاري وکړو.

ویل کیږي، چې د روغتيايي مرکزونو د ودانيو له بیا رغولو سره به د سیمې خلکو ته کاري زمینې او برابرې شي.

 
 
 
 
Continue Reading

روغتيا

تېره میاشت د تنفسي ناروغۍ له کبله نږدې ۴۰۰ افغانان مړه شوي – د روغتیا نړیواله ټولنه

Published

on

(Last Updated On: سلواغه ۱۷, ۱۴۰۲)

 د روغتیا نړیوالې ټولنې ويلي، په تېرو دوه اوونیو کې د تنفسي ناروغیو ۸۴ زره پېښې ثبت شوې دي.

د روغتیا نړیوالې ټولنې د خپور شوي راپور له مخې؛ له تېرو دوه اوونیو راپدیخوا په افغانستان کې د تنفسي ناروغیو حادې پېښې ډېرې شوي او دا د اندېښنې وړ ده.

د دې ټولنې په څرګندونو کې راغلي: د روان زېږديز کال د جنورۍ له لومړۍ نېټې څخه تر اووه‌ویشتمې پورې په افغانستان کې د تنفسي ناروغۍ ۱۶۰ زره ۷۵۶ پېښې ثبت شوي، چې ۳۸۳ کسان د افغانستان په ۳۴ ولايتونو کې د دغې ناروغۍ له کبله مړه شوي، چې د دغو ناروغانو ۶۲ اعشاریه ۹ سلنه یې له پېنځه کلونو  کم عمره ماشومان دي او په ټوله کې ۴۹ اعاریه ۳ سلنه ناروغان ښځې او نجونې دي.

د افغانستان د عامې روغتیا وزارت هم وايي، چې د تنفسي ناروغیو کچه مخ پر ډېرېدو ده او په روان لمریز لېږدیز کال کې  یو میلیون او ۸۰ زره کسان د تنفسي ستونزو له کبله دولتي روغتیايي مرکزونو ته تللي، چې ډېري یې له پېنځه کلونو کم عمره  ماشومان دي.

د عامې روغتیا وزارت ویاند شرافت زمان زیاته کړې؛ په روان لمریز لېږدیز کال کې ۸ میلیون وګړي پر تنفسي ناروغۍ اخته شوي دي.

پر تنفسي ناروغۍ اخته یو شمېر کسانو ویلي، چې یخ او د هوا ککړتیا د دې ناروغیو د اخته کیدو لاملونه دي .

دا په داسې حال کې ده، چې د بهرنیو چارو وزارت سیاسي مرستیال د بې پولې ډاکټرانو ټولنې له عمومي رییس سره په کتنه کې له افغانستان سره د دغه سازمان د مرستو او همکاریو پر دوام ټینګار کړی او د بې پولې ډاکټرانو د بنسټ مشر فیلیپ ریبیرو ويلي، چې دې ټولنې په ۱۴۰۲ کال کې شاوخوا ۷۰۰ زره کسانو ته روغتیايي خدمات وړاندې کړي دي.

Continue Reading

روغتيا

ملاریا ناروغي اوس هم په افغانستان کې یوه عامه روغتیايي ستونزه ده

Published

on

(Last Updated On: سلواغه ۱۲, ۱۴۰۲)

د ملګرو ملتونو پراختیايي پروګرام وايي، چې د افغانستان ۲۷ سلنه نفوس په هغو سیمو کې ژوند کوي، چې د ملاریا له لوړ خطر سره مخ دي.

په افغانستان کې د ملګرو ملتونو پراختیايي پروګرام څرګنده کړې، چې د افغانستان ۲۷ سلنه وګړي د ملاریا د لوړ خطر په سیمو کې ژوند کوي، ۵۰ سلنه یې په متوسطه خطر کې او ۲۳ سلنه نور په هغو سیمو کې ژوند کوي، چې د ملاریا د خپریدو خطر په کې نه وي یا خورا ټیټ وي؛ ژوند کوي.

روغتیایي شوراګانو د ملاریا د نویو تشخیص شویو قضیو له ۹۰ سلنې څخه ډېر راپور ورکړی او د ملاریا د شکمنو او تائید شویو قضیو لپاره له ۵۰ سلنې څخه زیات د کلوروکین درمل تجویز شوي دي.

ډاکټر ادریس ویلي؛ ملاریا یوه وژونکې ناروغي ده، خو پر وخت تشخیص او له سمې درملنې سره کولی شو ځان ترې وژغورو.

ډاکټر فرید عمري ویلي؛ ملاریا کولی شي د شدید انتاناتو لامل شي او که په وخت یې درملنه ونه‌شي؛ نو د مړینې لامل کیدی شي.

د عامې روغتیا وزارت په افغانستان کې روغتیايي ستونزې هومره د اندېښنې وړ نه ګڼي لکه څومره یې، چې نړیوالې ټولنې یادونه کوي.

د افغانستان د عامې روغتیا وزارت چارسمبالي قلندر عباد ويلي، چې وزارت یې د دغه ډول ناروغیو د خپرېدو د مخنیوي هڅه کوي او نړیوالې ټولنې په خپلو راپورونو کې مبالغه کوي؛ ځکه وضعیت هغسې خراب نه‌دی لکه څنګه، چې راپور ورکول کیږي.

د ملګرو ملتونو پراختیايي پروګرام په دغه راپور کې ویلي، چې هر کال په ټوله نړۍ کې نږدې ۲۱۰ میلیون کسان پر ملاریا اخته کیږي او شاوخوا ۴۴۰ زره نور د دغې ناروغۍ له کبله مري، چې ډېري قربانیان یې ماشومان دي.

Continue Reading

Trending

Copyright © 2022 Ariana News. All rights reserved!