Connect with us

تازه خبرونه

په غزنی، بغلان او هلمند کې د طالبانو بریدونه ډېر شوي

Published

 on

(Last Updated On: غویی ۱۶, ۱۴۰۰)

که څه هم د هېواد په بېلابېلو برخو کې درندې نښتې روانې دي؛ خو راپورونه په ډاګه کوي، چې طالبان په بغلان او غزني ولایتونو کې د ښارونو پر لوري د پرمختګ په حال کې دي.

د راپورونو له مخې؛ د غزنی او بغلان ولایتونو یو شمېر سرتېري له طالبانو سره په نښتو کې وژل شوي او یو شمېر نور طالبانو ته تسلیم شوي دي.

د چارواکو د څرګندونو له مخې؛ د بغلان ولایت د مرکزي بغلان ولسوالۍ د شهر کوه سیمه د وسلوالو طالبانو لاس ته لوېدلې ده.

ځايي چارواکو تائید کړې او څرګندوي، چې د دولتي ځواکونو او وسلوالو طالبانو ترمنځ د تاکتیکي شاتګ پر مهال هیڅ راز نښتې رامنځته شوې ندي.

دغه راز سرچینو په ډاګه کړې، چې تېره شپه په دې ولسوالۍ کې له دوه پوستو څخه سرتېري طالبانو ته تسلیم شوي دي.

که څه هم د ولسوالۍ ولسوال په دوه پوستو کې د امنیتي ځواکونو تسلیمیدل ردوي؛ خو د ولایتي شورا مشر محمد صفدر محسني آریانا نیوز ته ویلي، چې لږ تر لږه ۶۰ سرتېري له دوه پوستو څخه پر وسلو او تجهیزاتو مجهز طالبانو ته تسلیم شوي دي.

د طالبانو ویاند ذبیح الله مجاهد څرګنده کړې، چې د مرکزي بغلان ولسوالۍ ډېری سیمې دوی نیولې دي.

هغه دا هم ویلي، چې له  ۲۰۰ ډېر امنیتي سرتېري له طالبانو سره یوځای شوي او خپل پوځي تجهیزات یې له ځان سره لیږدولي دي.

همدارنګه د غزني ولایت ځایي چارواکو څرګنده کړې، چې په دې ولایت کې د اردو څلور پوستې طالبانو نیولي دي.

د چارواکو د څرګندونو له مخې، د دې ولایت په آرزو کلي کې دوه امنیتي پوستې د طالبانو لاس ته لوېدلې دي.

د غزنی ولایتی شورا غړي عبدالجامع جامي ویلي؛ د دغو دوه پوستو د څلیریشت امنیتي ځواکونو برخلیک ناڅرګند دی.

نوموړي زیاته کړې، چې له دې سره اوس طالبان د غزني ښار ته نږدې شوي دي.

هغه خبرداری ورکړ، چې که امنیتي ځواکونه مدیریت نشي؛ د غزنی ښار به هم طالبان ونیسي.

همدارنګه یوې بلې معتبرې سرچینې هم آریانا نیوز ته ویلي، چې د غزني په خواجه عمري ولسوالۍ کې د چارشنبې پر شپه دوه پوستې طالبانو ونیولې.

د سرچینې د څرګندونو له مخې، په پېښه کې لږ تر لږه ۱۵ پولیس وژل شوي دي.

د هېواد ملي دفاع وزارت تر دې دمه د دغو ادعاوو په اړه څه ندي ویلي.

یو شمېر کارپوهان پدې باور دي، چې طالبانو د استانبول په ناسته کې د ګټې د ترلاسه کولو لپاره بریدونه ډېر کړي دي.

دا مهال په هیلمند ولایت کې سخته جګړه روانه ده، چې په پایله کې یې زرګونه خلک له خپلو کورونو تښتیدلي دي.

د راپورونو سره سم امریکا هم تېره شپه په دې ولایت کې د طالبانو پر وړاندی  او د افغان ځواکونو پر ملاتړ هوایي بریدونه کړي دي.

د چارشنبې پر ورځ د میوند قول اردو قومندان  سمیع سادات ویلي وه، چې طالبانو د هلمند ولایت په بېلابېلو سیمو کې ۸۹ بریدونه کړي او دا ټول بریدونه د افغان امنیتي ځواکونو پرشاتمبولي او وسلوالو طالبانو ته په کې درنده مرګ و ژوبله اوښتې ده.

نوموړي ډاډ څرګند کړی، چې د افغان ځواکونو مورال لوړ دی او دوی ډاډمنو تجهیزاتو ته پوره لاسرسی لري او د شته تجهیزاتو په مرسته دوی کولی شي طالبانو ته ماته ورکړي.

دا په داسې حال کې ده، چې په ټول هېواد کې نښتو له هغې وروسته ډېر زور واخیست، چې امریکايي ځواکونو د شنبې پر ورځ په رسمي بڼه د ځواکونو تدریجي وتل پیل کړل؛ خو طالبانو د امریکا تدریجي وتل د دوحې له تړونه سرغړونه یاده کړې ده.

تازه خبرونه

افغان او ایراني چارواکو د سرحدي نښتو پر بیا نه‌رامنځته کېدو ټینګار څرګند کړ

Published

on

(Last Updated On: غبرګولى ۹, ۱۴۰۲)

د ایرانيو چارواکو او اسلامي امارت تر منځ د دواړو هېوادونو د ځواکونو له نښتې وروسته پر پخلاینې او روغې جوړې خبرې وکړې.

تهران او کابل ویلي؛ په پوله کې سوله بېرته راګرزېدلې او دواړو غاړیو ژمنه کړې، چې په راتلونکي کې به شخړه نه‌کیږي.

اسلامي امارت ویلي؛ افغانستان له خپلو ګاونډ هېوادونو سره جګړه نه‌غواړي او له ایران سره دوستانه اړیکو ته لیواله دي.

د اسلامي امارت د ویاند مرستیال بلال کریمي ویلي؛ اسلامي امارت د هرې مسئلې په اړه، چې له پیل څخه پېښیږي پر خبرو اترو او همغږۍ باور لري او دا غوره کار بولي. مونږ غواړو، چې ټول مسایل یوازې پر خبرو اترو او همغږۍ وڅېړل شي.

د ایران کورنیو چارو وزیر هم پرونۍ نښتې بې اهمیته وبللې او ویې ویل، چې پر پوله د ورېښمو دروازه بېرته پرانیستل شوې او د دواړو هېوادونو ترمنځ اقتصادي راکړه ورکړه بیا پیل شوې ده.

د ایران د کورنیو چارو وزیر احمد وحیدي وايي: یوه لنډه شخړه وه او حل شوه. له طالبانو (اسلامي امارت) سره هم خبرې اترې وشوې. اوس مونږ کومه ستونزه نه‌لرو. سرحد خلاص او سوله‌ییز دی.

د ایران دوه لوړپوړیو پوځي قومندانانو په راتلونکي کې د هر ډول جګړې تکرار د دواړو هېوادونو پر زیان ګڼي.

د ایران د وسله‌والو ځواکونو ستر درستیز جنرال قاسم رضايي وايي: لیدنه ترسره شوه. اوس مونږ ګورو، چې دواړه لوري باید څه وکړي، چې دا ډول ناوړه پېښه رامنځته نه‌شي.

د ایران د ځمکنیو ځواکونو قومندان کیومرث حیدري وايي: مونږ ښه ګاونډیتوب څارو؛ خو که رښتیا هم دا احساس شي، چې بل لوري نه‌غواړي مقررات مراعات کړي؛ نو بیا به له بل ډول چلند سره مخ شي.

په ورته وخت کې د سیستان او بلوچستان یو شمېر ایراني سني دیني عالمان د افغانستان په اړه د دغه هېواد د ولسمشر په ګډون د ایراني چارواکو پر سختو او له ګواښونو ډکو ویناوو نیوکه کوي او په راتلونکي کې د ګاونډیانو پر وړاندې د دغه ډول سختو څرګندونو تکرار د ایران په ګټه نه‌بولي.

د ایران په سیستان او بلوچستان کې د اهل سنتو مذهب یو عالم عبدالرحمن عمرزرهي وايي: ستاسې دیپلوماتیک ادبیات سم نه ول؛ ستاسې د تبصرې معنی دا وه، چې زما خبرې جدي ونیسئ او وروسته به ګیله نه‌کوئ. آیا دا ادبیات دیپلواتیک دي؟ څه ځواب مو ترلاسه کړ؟! تاسې د دې ملت سرونه کښته کړل.

که څه هم ایران له اسلامي امارت سره دیپلوماټیکې اړیکې لري؛ خو تهران هم لکه د نورې نړۍ په څیر تر اوسه اسلامي امارت پر رسمیت نه‌دی پېژندلی. دواړو هېوادونو په تېرو دوه کلونو کې د پام وړ سیاسي، اقتصادي او سوداګریزې اړیکې لري؛ خو دا اړیکې په وروستیو اوونیو کې د هلمند سیند د اوبو پر حق ناندریزې شوې دي.

Continue Reading

تازه خبرونه

د هوا پېژندنې ادارې د افغانستان په ۱۹ ولایتونو کې له سختو اورښتونو خبر ورکړ

Published

on

(Last Updated On: غبرګولى ۹, ۱۴۰۲)

د هوا پېژندنې ادارې د هېواد په ۱۹ ولایتونو کې د باران او سېلابونو د رامنځته کېدو اټکل کړی دی.

د ترانسپورت وزارت د هوا پېژندنې ریاست د دوشنبې پر ورځ ( د غبرګولي اتمه) په ډاګه کړې، چې: د غبرګولي له اتمې تر نهمې به په بدخشان، نورستان، کونړ، لغمان، بغلان، ننګرهار، کابل، لوګر، پکتیا، خوست، پکتیکا، زابل، غزني، میدان وردک، بامیان، دایکندي، پروان، پنجشېر او کاپیسا ولایتونو کې د د سختو اورښتونو او سیلابونو وړاندوینه شوې ده.

د هوا پېژندنې ادارې د څرګندونو له مخې، په بېلابېلو سیمو کې د اورښت اندازه له ۱۰ تر ۳۰ ملي مترو پورې اټکل شوې ده.

دغه راز ویل شوي، چې په غور ولایت کې وروستیو سیلابونو د دغه ولایت اوسیدونکیو ته ستر مالي زیانونه اړولي دي.

د غور والي رسنیو د فتر له لوري په خپره شوې اعلامیه کې راغلي؛ له بېلا بېلو ادارو څخه یو ګډ پلاوي د دې ولایت تیورې او پسابند ولسوالیو ته تللی او د سیلابونو له کبله اووښتي زیانونه یې له نږدې ارزولي دي.

د غور والي د رسنیو دفتر د څرګندونو له مخې؛ د وروستیو اورښتونواو سیلابونو له کبله ۸۹۵ جریبه کرنیزه ځمکه، ۱۰۵ د اوبو څښلو څاګانې، چینې او کاریزونه زیانمن شوي او ۷۴ هټۍ ویجاړ شوې د.

په دې خبر پاڼه کې دا هم راغلي، چې ۳۲ کورنه سطحي ویجاړ شوي او همدارنګه ۱۹۴۲ میوه لرونکي او بې میوې نیالګي له منځه تللي، ۲۰۱ سربنده، ۱۴ پلچکه، ۵۵۹ د اوبو کوچنۍ زیرمې هم ویجاړې شوې دي.

دې پلاوي د خپلو ارزونو ټوله پایله د غور ولایت له سیمه‌ییزې ادارې سره شریکه کړې.

دا پلاوی د بېلابېلو ادارو له کارکوونکیو څخه جوړ شوی و، چې د یوې اوونۍ په اوږدو کې یې د تیورې او پسابند په ولسوالیو کې خلکو ته اوښتي زیانونه ارزولي دي.

له دې مخکې د طبیعي پېښو پر وړاندې د مبارزې وزارت ویلي وه، چې په تېره یوه میاشت کې د افغانستان په ۱۳ ولایتونو کې د طبیعي پېښو له کبله لږ تر لږه ۴۲ کسان مړه او ۴۵ نور ټپیان شوي دي.

د دغه وزارت ویاند شفیع الله رحیمي په ویدیوي څرګندونه کې په ډاګه کړې، چې ۳۴۱ کورونه په بشپړه یا جزوي توګه ویجاړ شوي، ۱۹۵۷۳ جریبه کرنیزه ځمکه او بڼونه ویجاړ دي.

د رحيمي د څرګندونو له مخې، د دغو پېښو له کبله په يادو ولايتونو کې ١٣٥٤ څاروي له منځه تللي دي.

د يادونې ده، چې دغه پېښې په کاپيسا، ميدان وردګو، تخار، بدخشان، غور، کندهار، کونړ، نورستان، لغمان، پکتيا، خوست، دايکندي او ننګرهار ولايتونو کې رامنځته شوې دي.

Continue Reading

تازه خبرونه

د اسلامي امارت رییس الوزراء اردوغان ته د بریا مبارکي وړکړه

Published

on

(Last Updated On: غبرګولى ۸, ۱۴۰۲)

د افغانستان اسلامي امارت رییس الوزراء ملا محمد حسن آخوند د ترکیې ولسمشر رجب طیب اردوغان ته د هغه د بیا ټاکل کېدو له کبله د زړه له کومې مبارکي ورکړې ده.

د ترکیې ولسمشر رجب طیب اردوغان د خپلې شل کلنې واکمنۍ پر وړاندې له تر ټولو سختې ننګونې وروسته د یکشنبې پر ورځ په ټاکنو کې بریا خپله کړه.

د اسلامي امارت رییس الوزراء د ولسمشر اردوغان په مشرۍ په ترکیه کې د دیني خدمت د ځواکمنتیا، ثبات او ډاډ لپاره خپله صادقانه هیله څرګنده کړه.

رییس الوزراء دغه راز د افغانستان او ترکیې د خلکو تر منځ د ورورګلوۍ او دوستۍ اړیکې وستایلې او په بېلابېلو برخو کې یې د دواړو هېوادونو ترمنځ د همکارۍ او متقابل ملاتړ د دوام هیله وکړه.

هغه دا هم ویلي، چې د اردوغان بریالۍ ټاکنې به د دواړو هېوادونو ترمنځ دیپلوماتیکې اړیکې او ګډ ارزښتونه نور هم پیاوړي کړي.

رسمي نتایجو وښودله، چې د اردوغان سیال کمال قلیچدار اوغلو ۴۷.۹٪ رایې خپلې کړي او اردوغان ۵۲.۱٪ رایې وګټلې، چې یو بشپړ وېشل شوي ملت ته پوره نغوته کوي.

Continue Reading

Trending

Copyright © 2022 Ariana News. All rights reserved!