Connect with us

نړۍ

په فیلیپین کې زورور توپان ۱۲ کسان مړه کړي

Published

 on

(Last Updated On: ليندۍ ۲۸, ۱۴۰۰)

په فیلیپین کې د رامنځته شوي توپان له کبله د مړو شمېر ۱۲ کسانو ته رسېدلی او د دې هېواد ولسمشر وېره لري، چې ممکن ځاني زیانونه نور هم لوړ شي.

رویټرز زیاته کړه، چې توپان د برښنا د پرې کیدو او د غږمزو( ټیلیفون لینونو) او همدارنګه پراخه ویجاړتیا رامنځته کړې.

د فلیپین چارواکي وايي، چې ډېری قربانیان د ونو د راغورزېدو او د لوړو ماڼیو له ړنګېدو مړه شوي دي.

په همدې حال کې د فلیپین په جنوبي او مرکزي سیمو کې د تېرې جمعې پر شپه له چټکو بادونو سره یو ځواکمن طوفان پیل شو.

د فلیپین چارواکو زیاته کړې، چې د توپان له کبله ۳۰۰ زره کسان هم بې ځایه شوي دي.

له فیلیپین څخه خپاره شوي انځورونه ښيي، چې د کورونو چتونه سخت زیانمن شوي دي.

د فیلیپین لوړ پوړیو چارواکو ویلي، چې د کرونا ویروس قربانیانو ته ځانګړې شوې بودجه به زیانمنو ته ځانګړې شي.

چارواکو ډاډ څرګند کړی؛ هېواد یې په روان کال کې د تر ټولو له قوي او ویجاړوونکي استوایي توپان سره مخ شوی او ترې رامنځته شوې ویجاړتیاوې به وارزوي.

نړۍ

د پاکستان مرکزي بانک په تېلو کې د سپما لپاره خپلو کارکوونکیو ته له کوره د کار کولو سپارښتنه وکړه

Published

on

(Last Updated On: چنګاښ ۲, ۱۴۰۱)
بلومبرګ د پنجشنبې پر ورځ څرګنده کړې؛ د پاکستان مرکزي بانک له خپلو کارمندانو غوښتي، چې د تېلو د سپما کولو لپاره په اوونۍ کې دوه ورځې له کوره انلاین کار او ډېرې ناستې تر سره کړي.

د پاکستان دولتي بانک په خپل تویت کې کارکوونکیو ته ویلي، چې مجازی غونډې، د موټرو درول او د هوا د ککړتیا کمول دې غوره او سفرونه دې محدود کړي.

دغه راز ویل شوي، چې دا کار د تېلو د سپما لپاره د ټینګار وړ ګرزېدلی دی. مونږ د بانکدارۍ صنعت او خپل نور ونډوال هڅوو، چې د امکان تر حده لګښت کم کړي.

د پاکستان حکومت له دې مخکې سپارښتنه کړې، چې د کراچۍ، لاهور، اسلام آباد او راولپنډۍ په ګډون په بېلابېلو ښارونو کې د مالونو پلور او فابریکې ژر تر ژره وتړي او کاري اوونۍ یوه ورځ راکمه کړي.

د بلومبرګ په راپور کې زیاته شوې، چې د لومړي وزیر شهباز شریف ادارې له یوې میاشتې څخه په لږ وخت کې د تېلو نرخونه ۸۳ سلنه لوړ کړي؛ ځکه، چې هغه د سبسایډي مخنیوي او له پیسو نړیوال صندوق څخه مرسته تر لاسه کړي.

د پاکستان د احصائې د معلوماتو له مخې، د سویلي آسیا دې هېواد ته د انرژۍ اړتیا په لویه کچه د وارداتو له لارې پوره کیږي او د جولای – می په میاشت کې د تېلو واردات ۹۹ سلنه ډېر شوي دي.

Continue Reading

نړۍ

په اوکراین کې د روسیې جګړه ښايي کلونه وخت ونیسي – ناټو

Published

on

(Last Updated On: غبرګولى ۳۰, ۱۴۰۱)

رویټرز پرون سهار د جرمني له بیلد نومې سرچینې څخه د ناټو د عمومي منشي د خبرو له مخې څرګنده کړې؛ مونږ باید د روسیې د تېري پر وړاندې د اوکراین له خلکو دفاع وکړو، ان که د ملاتړ لګښت لوړ هم وي.

د ناټو سرمنشي ینس سټولټنبرګ ویلي، دا یوازې پوځي لګښتونه ندي؛ مونږ باید د خواړو او انرژۍ لوړ لګښتونه هم ورکړو.

هغه آلمانۍ ورځپاڼې بیلد ته څرګنده کړې؛ که د اوکراین له پوځ او ځواکونو سره پوځي مرستې زیاتې شي او اوکراینیانو ته نورې پرمختللې وسلې ورکړ شي؛ نو شونې ده، چې د دونباس سیمه د روسي ځواکونو له ولکې ووځي.

په مادرید کې د ناټو سرمشریزه، چې د روانې میاشتې په وروستیو کې جوړه شي؛ شونې ده، چې د اوکراین لپاره د مرستې پر کڅوړې هم هوکړه وشي.

نوموړي ډاډ څرګند کړی، چې له اوکراین سره به د پخوانيو وسلو په معیاري کولو کې هم مرسته وکړي.

د روان کال د فبرورۍ پر ۲۱ د روسیې ولسمشر ولادیمیر پوتین د دونباس په سیمه کې د دونیتڅک او لوهانڅک د خلکو جمهوریتونو خپلواکي پر رسمیت وپېژانده او پر لویدیځ یې د مسکو د امنیتي اندېښنو له پامه پر غورزولو نیوکه وکړه.

درې ورځې وروسته، هغه د اوکراین پر وړاندې د ځانګړو پوځي عملیاتو د پیلولو اعلان وکړ، چې د مسکو-کیف کړکېچنې اړیکې یې پر پوځي جنجال بدلې کړې او جګړه تر دې دمه راوغزېده.

Continue Reading

نړۍ

د اوکراین ولسمشر د جګړې په سویلي کرښه کې خپل سرتېري وستایل

Published

on

(Last Updated On: غبرګولى ۲۹, ۱۴۰۱)

د اوکراین ولسمشر ولادیمیر زیلینسکي د روسیې پر وړاندې د اوکراین د جګړې په لومړیو کرښو کې له سرتېرو سره په لیدنه کې د سرتېرو زړورتیا ستایلي او ډاډ څرګندوي، چې هېواد به یې برلاسی شي.

د شنبې پر ورځ د زیلینسکي د رسمي تلیګرام خپرې شوې ویډیو وښوده، چې ولسمشر د میکولایف د جنوبې برخې په یوه پټنځي کې سرتېرو ته مډالونه ټومبي او ورسره ګډ انځورونه اخلي.

د ولسمشر دفتر دا ندي ویلي، چې له سرتېرو سره د لیدلو دا وروستی سفر کله ترسره شوی دی.

زیلینسکي په دې ویډیو کې ویلي: زمونږ زړور سړي او ښځې هر یو یې په سمه توګه کار کوي؛ مونږ هرو مرو ټینګار کوو! مونږ به خامخا بریالي کیږو!

زیلینسکي د فبرورۍ پر څلیریشتمه د روسیې له یرغل راپدیخوا په کیف کې پاتې شوی؛ خو په وروستیو اوونیو کې یې د خارکوف له شمال ختیځ ښار څخه، چې سخته جګړه پرې تېره شوې؛ نا اعلان شوي سفرونه کړي او هغو دوه ختیځو ښارونو ته هم تلی، چې د جګړې راپورونه ترې ورکړ شوې دي.

د اوکراین د جنوب میکولایوف په ختیځو او جنوبي څنډو کې هم جګړه روانه ده.

د زیلینسکي دفتر ویلي، چې ولسمشر د میکولایف څخه هم لیدنه کړې او ویجاړې شوې ادارې او ودانۍ یې  وکتلې، چې د مارچ په وروستیو کې پرې د توغندیو د لګېدو له کبله ۳۷ کسان ووژل شول.

روسي ځواکونه د مارچ په لومړیو کې د میکولایف ښار ته ورسیدل؛ خو بېرته وشړل شول.

دغه راز ولسمشر زیلینسکي له میکولایف روغتون څخه هم لیدنه وکړه؛ ښاروال اولکساندر سینکیویچ او والي ویتالي کیم ته یې د روسیې د یرغل پر وړاندې د دوی څلور میاشتنی ټینګار ستایلی او د زړورتیا ستاینلیکونه یې ورکړل.

د زیلینسکي دفتر په ډاګه کړې؛ ولسمشر په اوډیسه کې د ملي ګارد پوستې هم ولیدې او له سرتېرو یې مننه وکړه او دوی ته یې ډاډ ورکړ، چې: تر هغې، چې تاسې ژوندي یاست یو خواکمن دیوال به وي، چې هېواد به مو ساتي.

مسکو ويلي، چې له خپل ګاونډ سره د بې وسلې کولو په ځانګړيو پوځي عملیاتو کې ښکېل دی. اوکرایین او متحدینو یې ويلي، مسکو بې هدفه جګړه پیل کړې او زرګونه ولسي وګړي یې وژلي او ښارونه یې ویجاړ کړي دي.

Continue Reading

Trending

Copyright © 2022 Ariana News. All rights reserved!