تازه خبرونه
په ننګرهار کې پاکستان ته د لسګونه میله وسلو د قاچاق مخنیوی وشو
Last Updated on: غبرګولى ۱۰, ۱۴۰۱
د ننګرهار چارواکو ويلي؛ د اسلامي امارت استخباراتي ځواکونو په وروستیو ورځو کې پاکستان ته د څه باندې څلوېښت میله وسلو د قاچاق مخه نیولې ده.
د ننګرهار ولايت د استخباراتو مشر محمد بشير د دوشنبې پر ورځ د غبرګولي نهمه ويلي، چې ځانګړیو ځواکونو په تېرو درې ورځو کې د تورخم په ګډون د دغه ولايت په بېلابېلو سيمو کې د یادې وسلې د قاچاق مخه نيولې ده.
د نوموړي د څرګندونو له مخې؛ په نيول شويو وسلو کې ايم ١٦، دهشکه، پيکا او راکټ شته، چې په څلورو موټرو کې لېږدېدې.
د دې وسلو د قاچاق په تور شپږ تنه هم نیول شوي دي.
دا لومړی ځل ندی، چې د ننګرهار چارواکي پاکستان ته د وسلو د قاچاق له مخنیوي خبر ورکوي.