تازه خبرونه
په هرات کې پر یوه پټنځي د عملیاتو په پایله کې شپږ داعشیان ووژل شول
د هرات سیمه ییزو چارواکو ويلي؛ په دغه ولایت کې د داعش پر پټنځي د امنیتي ځواکونو د عملیاتو په پایله کې شپږ کسان وژل شوي دي.
د هرات د امنيه قومندانۍ وياند عبدالله انصاف وايي، دغه عمليات تېره شپه لس بجې د هرات ښار د څوارلسمې ناحيې په اړوند سیمه کې شوي دي.
د نوموړي د څرګندونو له مخې، د داعش دغه اړوند کسان په يوه ښاري ودانۍ کې ځای پر ځای شوي وه.
په دغو عملياتو کې د عملیاتو پر مهال د يوې ښځې په ګډون شپږ کسان وژل شوي دي.
دا عملیات په داسې حال کې ترسره کیږي، چې څو ورځې مخکې اسلامي امارت په کابل کې د داعش د عملیاتي او نظامي قومندان له وژل کېدو خبر ورکړی دی.