تازه خبرونه
په هلمند کې دوه ماشومانو د چاودنې له کبله ژوند له لاسه ورکړ او مور یې ټپي شوه
د هلمند امنیه قومندانۍ ویاند نصیر احمد مهاجر ویلي، چې دغه پېښه نن سهار شاوخوا ۹ بجې د خانشین ولسوالۍ د «کلا سبز» کلي په اړوند سیمه کې رامنځته شوې ده.
د هلمند ولایت ځایي چارواکي ویلي، په خانشین ولسوالۍ کې د یوه ناپېژندل شوي چاودېدونکي توکي د چاودنې له کبله دوه ماشومانو خپل ژوند له لاسه ورکړی او مور یې ټپي شوې ده.
د هلمند امنیه قومندانۍ ویاند نصیر احمد مهاجر ویلي، چې دغه پېښه نن سهار شاوخوا ۹ بجې د خانشین ولسوالۍ د «کلا سبز» کلي په اړوند سیمه کې رامنځته شوې ده.
د نصیر احمد مهاجر د څرګندونو له مخې، ماشومانو د چای د تیارولو پر مهال یو ناپېژندل شوی چاودېدونکی شی اور ته اچولی و، چې له کبله یې چاودنه رامنځته شوې ده.
په دې پېښه کې دوه ماشومانو ژوند له لاسه ورکړی او مور یې سخته ټپي شوې ده.
چارواکو له خلکو غوښتي، چې ناآشنا او شکمنو شیانو ته له لاس وروړلو ډډه وکړي او د داسې توکو د لیدلو په صورت کې دې ژر تر ژره امنیتي ادارو ته خبر ورکړي.