Connect with us

لوبی

په هند کې د باران له کبله بیا هم د افغانستان او نیوزیلینډ ټسټ لوبه ونشوه

باران په سیمه کې له تېرو دوه اوونیو راپدېخوا روان دی او د پنجشنبې پر ورځ هم لوبڅاري په شهید ویجی سینګهـ پاټیک سپورټي لوبغالي کې له ورته برخلیک سره مخ شول.

خپور شوی

د

(Last Updated On: )

د افغانستان او نیوزیلینډ یوازنۍ ټیسټ لوبه د هند د ګریټر نویډا په لوبغالي کې د باران له کبله پر څلورمه پرله‌پسې ورځ هم پرته له توپوهنې لغو شوه.

باران په سیمه کې له تېرو دوه اوونیو راپدېخوا روان دی او د پنجشنبې پر ورځ هم لوبڅاري په شهید ویجی سینګهـ پاټیک سپورټي لوبغالي کې له ورته برخلیک سره مخ شول.

رویټرز راپور ورکړی، چې د اوونۍ په پاتې نورو ورځو کې هم د باران اټکل شوی؛ شونې ده، چې دا به اتمه ټیسټ وي، چې پرته له توپ‌اچونې پرېښودل کیږي.

دا لومړۍ ټسټ لوبه ده، چې په دې ځای کې ترسره کېده. هند د افغانستان د ۱۱ محدودو اورونو د سیالیو کوربتوب کړی دی.

د افغانستان کرکټ بورډ یوه چارواکي ویلي؛ دوی په هند کې د دوه نورو ځایونو پر پرتله ګریټر نویډا غوره کړی؛ ځکه ډیلي ته نږدې دی، چې تګ راتګ یې اسانه کړی دی.

د کرکټ نړیوالې شورا (ICC) ته د لوبې لوبڅار جواګال سریناتھ راپور به دا وښیي، چې آیا دا ځای به د اداره کوونکې ادارې لخوا له بندیز سره مخ شي او که نه.

لوبی

د ۲۰۲۵ آریانا سنوکر د اتلولۍ جام  د دوه‌یمې ورځې پایلې

د دې سیالیو د دوه‌یمې ورځې په پېنځمه لوبه کې زلمي سلام‌خېل وکولی شول اسماعیل محمدي ته څلور پر صفر ماتې ورکړي.

Published

on

(Last Updated On: )

د ۲۰۲۵ کال آریانا سنوکر سیالیو دوه‌یمه ورځ له زړه‌راکښونکو هڅو او پرېکنده بریاوو سره ترسره شوه.

د دې سیالیو د دوه‌یمې ورځې په پېنځمه لوبه کې زلمي سلام‌خېل وکولی شول اسماعیل محمدي ته څلور پر صفر ماتې ورکړي.

د دوه‌یمې ورځې په شپږمه لوبه کې اجمل یوسفزي بریالی شو، چې حسیب الله سلطاني څلور پر صفر وګټي.

په اوومه لوبه کې محمد میر نورزی وتوانید، چې ۱۳ کلن ابراهیم محمدي ته څلور  پر یو مات کړي.

دغه راز د دې ټورنمنټد دوه‌یمې ورځ په اتمه او وروستۍ لوبه کې نادر روحاني وکولی شو، چې تر ټولو ځوان لوبغاړي محمد عثمان محمدي ته څلور پر صفر ماتې ورکړي.

په ټول افغانستان کې د سنوکر مینه‌وال کولی شي دغه ​​زړه‌راکښونکې سیالۍ پر ژوندۍ بڼه د آریانا ټلویزیون پر سکرین، آریانا سپورټ فیسبوک پاڼې، آریانا سپورټ یوټیوب پاڼې او آریانا تلویزیون اوبپاڼې له لارې وګوري.

دغه سيالۍ به د سلواغې له درویشتمې او نهه‌ویشتمې تر منځ په يوه اوونۍ کې د هېواد د ٣٢ غوره ورزشکارانو په ګډون ترسره شي.

Continue Reading

لوبی

د ۲۰۲۵آریانا سنوکر اتلولي د لومړۍ ورځې د لوبو پایلې

د دې سیالیو په دوه‌یمه لوبه کې نوید نادري وکولی شو، چې اقبال حسن څلور پر صفر مات کړي.

Published

on

(Last Updated On: )

د ۲۰۲۵ کال د آریانا سنوکر اتلولۍ په لومړۍ لوبه کې صالح محمد محمدي وکولی شول، چې ساحل ابراهیمي ته ۴ پر یو ماتې ورکړي او له مخې یې لرې کړي.

د دې سیالیو په دوه‌یمه لوبه کې نوید نادري وکولی شو، چې اقبال حسن څلور پر صفر مات کړي.

په درېیمه لوبه کې علي احمد بریالی شو محمد صادق محمدي ته څلور پر دوه ماتې ورکړي.

په څلورمه لوبه کې محمد رییس هوتک وکولی شو، چې علي سخي څلور پر صفر وګټي.

په ټول افغانستان کې د سنوکر مېنه‌وال کولی شي د لیدو وړ دا سیالۍ هره ورځ پر ژوندۍ او ځانګړې بڼه د آریانا ټلویزیون، آریانا سپورټ فیسبوک پاڼې، آریانا سپورټ یوټیوب پاڼې او د آریانا ټلویزیون اوبپاڼې ننداره کړي.

دا سیالۍ، چې پرون ( د سلواغې درویشتمه / د فبروري یوولسمه ) پیل شوي د روانې میاشتې تر نهه‌ویشتمې / اووه‌لسمې پورې به روانې وي.

Continue Reading

لوبی

د آریانا سنوکر اتلولۍ مینه‌وال دې د لوبو په اړه لاندې اړین معلومات ولولي

داځل د سپورټ او سپورټي ټولنې د ودې او پراختیا لپاره ATN ژمنه کړې، چې دا سیالۍ به په کابل کې ترسره شي. دا ټورنمنټ د افغانستان د بلیارډ او سنوکر فډراسیون پر همکارۍ د ATN لخوا په پام کې نیول شوی دی.

Published

on

(Last Updated On: )

د سې‌شنبې پر ورځ( د سلواغې درویشتمه) له غرمې وروسته ۳ بجې به په ټول هېواد کې د سپورټ مینه‌وال د آریانا سنوکر اتلولۍ د زړه‌راکښونکو لوبو د پیل لیدونکي وي. دا لوبې به د آریانا راډیو او ټلویزیون (ATN) له لارې پر ژوندۍ او قانوني بڼه خپره شي.

داځل د سپورټ او سپورټي ټولنې د ودې او پراختیا لپاره ATN ژمنه کړې، چې دا سیالۍ به په کابل کې ترسره شي. دا ټورنمنټ د افغانستان د بلیارډ او سنوکر فډراسیون پر همکارۍ د ATN لخوا په پام کې نیول شوی دی.

د هېواد شپاړس غوره سنوکر لوبغاړي به په دې یو اوونیز ټورنمنټ کې د اتلولۍ لپاره سیالي وکړي.

ګروپي پړاو سې‌شنبه او چارشنبه هره ورځ پر ۴ لوبو ترسره کیږي. ټول لوبغاړي به بیا حذفي پړاو ته ولاړ شي، چې د روانې اوونۍ د پنجشنبې او جمعې په ورځو کې ترسره کیږي.

د کوارټر فاینل لوبې د شنبې پر ورځ د سلواغې پر اووه‌ویشتمه / د فبرورۍ پر پېنځلسمه او نیمه پایلوبه د یکشنبې پر ورځ ترسره کېږي. د اونۍ پای به له فاینل سره پای ته ورسیږي، چې د دوشنبې پهرورځ د سلواغې نهه‌ویشتمه / د فبروري اووه‌لسمه ټاکل شوې ده.

د لوبو ګډونوال څوک دي؟

د هغو لوبغاړو تر منځ، چې باید ورته پاملرنه وشي؛ صالح محمدي دی، چې په ۵۳ کلنۍ کې د هېواد لومړی مقام لري.

د ښي لاس دا لوبغاړی له ۱۹۹۰ ز. کال راپدېخوا په سیالیو کې لوبه کوي او له ۵۰ څخه په ډېرو نړیوالو ټورنمنټونو کې یې ګډون کړی دی.

یو بل د درانده وزن لرونکی ۳۵ کلن ښي‌لاسی نوید نادري دی، چې په هېواد کې دوه‌یم مقام لري.

په هېواد کې د درېیم مقام لرونکی علي احمد دی، چې هغه هم لوبې ته ولاو دی او د سې‌شنبې پر ورځ به په درېیمه لوبه کې ولوبیږي. دی هم د ښي‌لاس لوبغاړی دی.

د ټورنمنټ بڼه

په ګروپي پړاو کې لوبغاړي به په اووه چوکاټونو کې سیالي وکړي. ناک آوټ پړاو او کوارټر فاینل دواړه به نهه چوکاټونه وي. نیمه پایلوبه به ۱۱ چوکاټونه او وروستۍ لوبه به ۱۳ هغه وي.

لوبغاړي او د لوبې جوړښت

ATN به دا پروګرام پر ژوندۍ او ځانګړي بڼه د سې‌شنبې دسلواغې درړیشتمه / د فبرورۍ یوولسمه او چارشنبه د سلواغې څلیریشتمه / د فبرورۍ دولسمه د ماسپښین پر ۳ بجو پیل کړي.

لومړۍ لوبه: سې شنبه – م. صالح محمدي د ساحل ابراهیمي پر وړاندې. لوبه د ماسپښین له ۳ بجو وروسته پیل کیږي.

دوه‌یمه لوبه: سې‌شنبه – م. اقبال حساس د نوید نادري پر وړاندې. لوبه د مازدیګر پر ۴:۲۵ پیل کیږي.

درېیمه لوبه: سې‌شنبه – علي احمد د صدیق محمدي پر وړاندې. سیالي د ماښام پر ۵:۳۵ پیل کیږي.

څلورمه لوبه: سې‌شنبه – م. رییس هوتک د علي سخي پر وړاندې. خپرونه پر ۶:۵۰ پیل کیږي

پېنځمه لوبه: چارشنبه – زلمی سلام‌خېل د اسماعیل محمدي پر وړاندې. سیالي د ماسپښین پ ۳ بجو پیل کیږي.

شپږمه لوبه: چارشنبه – اجمل یوسفزی د حسیب‌الله سلطاني پر وړاندې. سیالي پر ۴:۲۵ پیل کیږي.

اوومه لوبه: چارشنبه – محمد میر نورزی د ابراهیم محمدي پر وړاندې. سیالي د ماښام پر ۵:۳۵ پیل کیږي.

اتمه لوبه: چارشنبه – نادر خان روحاني د م. عثمان محمدي پر وړاندې. سیالي د ماښام پر ۶:۵۰ پیل کیږي.

مینه‌وال دې د شته غوراویو د لیدلو لپاره لاندې لښتيی‌لیک(جدول) وګورئ.

په ټول هېواد کې د ې د سنوکر مینه‌وال د دغو زړه‌راکشونکو لوبو په اړه د وروستیو خبرتیاوو لپاره د آریانا ټلویزیون( ATN) او آریانا نیوز(ATNN ) ټولنیزې پاڼې وګوري.

Continue Reading
Advertisement

Trending

Copyright © 2024 Ariana News. All rights reserved!