تازه خبرونه
په هند کې د یوه افغان زدهکوونکي مړی وموندل شو
د ټایمز آف انډیا د څرګندونو له مخې، ۳۴ کلن بینالله ضیاء، چې په ایم ایس پوهنتون کې د ودانیزې انجنیرۍ په برخه کې یې د دوکټورا زدهکړې کولې؛ د وډوډارا ښار د فاتحګنج سیمې د یوه استوګنځي په یوه اپارتمان کې اوسېده.
هندي رسنیو راپور ورکړ، چې د شنبې پر شپه ناوخته د هند په ګجرات ایالت کې د یوه افغان زدهکوونکي مړی په خپله خونه کې وموندل شو.
د ټایمز آف انډیا د څرګندونو له مخې، ۳۴ کلن بینالله ضیاء، چې په ایم ایس پوهنتون کې د ودانیزې انجنیرۍ په برخه کې یې د دوکټورا زدهکړې کولې؛ د وډوډارا ښار د فاتحګنج سیمې د یوه استوګنځي په یوه اپارتمان کې اوسېده.
هندي پولیسو ویلي، چې جسد یې د عدلي طب کتنې ته لېږل شوی دی.
چارواکو د ځانوژنې احتمال رد کړی؛ خو انګېزه یې اوس هم څرګنده شوې نده.
پولیسو زیاته کړې، چې دوی د ضیاء ګرځند هم د نښو د ترلاسه کولو لپاره تر کتنې لاندې نیولی دی.
د ضیاء ملګرو ویلي، چې دوی د شنبې پر ورځ د هغه د اپارتمان دروازه وټکوله؛ خو هیڅ ځواب یې ترلاسه نکړ. کله، چې پولیسو دروازه پرانیسته؛ مړی یې په خونه کې وموندل شو.
ځایی چارواکو ویلي، چې د مړینې د دقیق لامل په اړه څېړنې روانې دي او وروستۍ پایلې به یې د قانوني پړاوونو له بشپړېدا وروسته وړاندې شي.