تازه خبرونه
په کابل کې د داعش پر ضد د امنیتي ځواکونو عملیات تر سره شول
د کورنیو چارو وزارت ویاند عبدالمتین قانع ویلي، چې دا عملیات مرجان استوګنځيو ته نږدې او د کابل نړیوال هوايي ډګر ته نږدې د قصبې د سیمې د “مخدره توکو په ښارګوټي” کې ترسره شول.
د افغانستان اسلامي امارت امنیتي ځواکونو د دوشنبې پر شپه (د غبرګولي نولسمه) د کابل د پېنځلسمې ناحیه د قصبې په اړوند سیمه کې د داعش ډلې پر ضد عملیات ترسره کړل.
د کورنیو چارو وزارت ویاند عبدالمتین قانع ویلي، چې دا عملیات مرجان استوګنځيو ته نږدې او د کابل نړیوال هوايي ډګر ته نږدې د قصبې د سیمې د “مخدره توکو په ښارګوټي” کې ترسره شول.
په دې عملیاتو کې د امنیتي ځواکونو او داعش عناصرو ترمنځ سخته نښته شوې، چې څو ساعته یې دوام وکړ.
په هر حال قانع د تلفاتو یا د نښتې د وروستیو پایلو په اړه جزئیات ندي ورکړي.
اسلامي امارت تل ویلي، چې په افغانستان کې د داعش ډلې عملیاتي وړتیاوې د پام وړ کمزورې شوې دي.
مخکې له دې امارتي چارواکو هم ځینې بهرنۍ کړۍ د داعش پر راپورته شوي ګواښ تورنې کړې دي.
دا عملیات په داسې وخت کې ترسره کیږي، چې د ملګرو ملتونو وروستي راپور د روان کال د جنورۍ له میاشتې راپدېخوا د داعش په بریدونو کې د کمښت راپور ورکړی و.
تمه ده، چې چارواکي به د پېښې په اړه د څېړنو په بهیر کې نور معلومات خپاره کړي.