تازه خبرونه
په کابل کې د دوحې بهیر د خصوصي سکټور درېیمه غونډه ترسره شوه
په دې غونډه کې د افغانستان اسلامي امارت استازو د بهرنیو چارو، مالیې، صنایعو او سوداګرۍ، اقتصاد، کار او ټولنیزو چارو وزارتونو او همدارنګه د افغانستان بانک استازو ګډون درلود.
په کابل کې د ملګرو ملتونو د مرستندویه ماموریت په کوربهتوب د دوحې پروسې د خصوصي سکټور د کاري ډلې درېیمه غونډه په حضوري او انلاین بڼه ترسره شوې.
په دې غونډه کې د افغانستان اسلامي امارت استازو د بهرنیو چارو، مالیې، صنایعو او سوداګرۍ، اقتصاد، کار او ټولنیزو چارو وزارتونو او همدارنګه د افغانستان بانک استازو ګډون درلود.
پر دې سربېره د یوناما، ملګرو ملتونو، نړیوالو او سیمهییزو بنسټونو، سفیرانو، ډیپلوماټانو او د خصوصي سکټور کارپوهانو هم ګډون کړی و.
غونډه په دوه برخو کې ترسره شوه؛ لومړۍ برخه پر ودې او ګډون راوڅرخېده او په دوهیمه برخه کې پر همغږۍ او رڼښت خبرې وشوې.
د افغانستان اسلامي امارت استازو د امارت له واکمنېدا وروسته لاسته راوړنې او پرمختګونه وړاندې کړل او ګډونوالو د اړوند هڅو د ستاینې تر څنګ د خصوصي سکټور د ملاتړ او همکاریو د پیاوړتیا پر اړتیا ټینګار وکړ.