تازه خبرونه
په کابل کې د پوځي روغتون مخې ته زورورو چاودنو ښار ولړزاوه

د کورنیو چارو وزارت ویاند قاري سعید خوستي د سې شنبې پر ورځ د سردار محمد داوود خان پوځي روغتون مخې ته د چاودنې رامنځته کېدل تائید کړي.
قاري خوستي په دې اړه نور جزئيات ورنه کړل؛ خو عيني شاهدانو ویلي، چې په ۴ چاودنو کې يو ۱۵ کسان وژل شوي او ۳۴ ټپيان دي.
چاودنه د کابل پر وخت نن له غرمې وروسته ۱:۳۰ رامنځته شوې ده.
عیني شاهدانو ویلي، له چاودنې وروسته بریدګر د روغتون ودانۍ ته ننوتل او د ډزو غږونه واورېدل شول.
د راپورونو له مخې، یوه بریدګر د دروازې مخې ته ځان چولی او نورو ته یې مخه خلاصه کړې ده.
د کابل ایمرجنسي روغتون څرګنده کړې، چې د پېښې له ځایه ۹ ټپیان ورلېږدول شوي دي.
تر اوسه کومې ډلې د دغه برید مسوولیت ندی منلی.
دا درېیم ځل دی، چې دغه مرکز په نښه کیږي.
د ۲۰۱۱ زېږدیز کال په مې میاشت کې د روغتون مخې ته یو زورور بم وچاودید، چې ۶ کسان یې ووژل او ۲۶ نور یې ټپیان کړل، د ۲۰۱۷ کال په مارچ میاشت کې هم د یوې وسلوالې ډلې لخوا برید وشو، چې ځینو یې د روغتون سپینې جامې اغوستې وې. هغه مهال د وژل شویو کسانو شمېر له ۱۰۰ ډېر و او لسګونه نور هم ټپیان ول. د اسلامي دولت خراسانۍ څانګې (داعش) د پېښې پړه منلې وه.
کمپاین- مرستې ته سترګې پر لاره!
د خپلو نغدي مرستو لپاره لاندې اوبپاڼې ته ورشئ.
آریانا نیوز او آریانا نړیوالې ټلویزیوني شبکې؛ د بیات بنیاد له دې نوښته، چې په افغانستان کې اړمنو کورنیو ته د خوراکي توکو د برابرولو لپاره بسپنې راټولوي، هر اړخیز ملاتړ کوي.
مونږ د بیات بنیاد د رسمي رسنیز همکار په توګه له تاسې د مرستې غوښتنه کوو، چې دا بنسټ وکولی شي په دې سخت وخت کې د افغان اړمنو کورنیو ته خواړه چمتو کړي.
که له کومې ستونزې سره مخ شوئ پر لاندې برښنا لیک اړیکې ونیسئ:
تازه خبرونه
اسلامي امارت د ثور اتمه د مجاهدینو د بریا او د کمونستانو د ماتې کلیزه ونمانځله
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.

مجاهدينو ۳۳ کاله مخکې د پخواني شوروي تر ملاتړ لاندې حکومت راوپرځاوه؛ خو د اسلامي امارت د چارواکو د څرګندونو له مخې، په هېواد کې واک ته د ځينو مشرانو لېولتیا د کورنيو جګړو لامل شوه او اسلامي نظام رامنځته نشو.
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.
د وسلوال پوځ لوی درستیز فصیح الدین فطرت وايي؛ د یو شمېر جهادي مشرانو واک او تسلط د دې لامل شو، چې هېواد په کورنۍ جګړه کې ښکېل او د اسلامي نظام د جوړېدو مخه ونیول شي.
لوې درتسیز وايي، که څوک د افغانستان د بیا اشغال فکر وکړي؛ نو افغان ولس به زر کاله نور هم جګړه وکړي، چې د چا مستعمره نشي.
فصیح الدین فطرت همدا راز زیاته کړې؛ که څوک له هېواده د تښتېدلو کسانو پر کارولو د افغانستان د اشغال په فکر کې وي؛ نو افغان ولس د نورو زر کلونو لپاره د استعمار پر وړاندې مبارزې ته چمتو دی.
د سرحدونو، قومونو او قبایلو وزارت چارسمبالي(سرپرست) نورالله نوری ويلي؛ افغانستان به ډېر ژر په سیاسي، اقتصادي او امنیتي برخو کې له نورو هېوادونو سره برابر شي.
دغه راز د اطلاعاتو او فرهنګ وزارت چارسمبالي خیرالله خیرخواه د اسلامي امارت له مسوولینو غوښتي، چې له واکغوښتنې تېر شي؛ ځکه د زیات نفوذ هڅه د خلکو ترمنځ د نفاق لامل کیږي.
ویل کیږي، چې د تېرو څلور لسيزو ناورین، چې له کبله يې ميليونونه خلک کډوال شوي او نن په هېوادونو او په ځانګړي توګه ایران او پاکستان کې له سختو شرايطو سره مخ دي. د وسلوال ځواک لوى درستيز د دغو کډوالو پر باعزته راستنېدو ټينګار کوي او وایي، چې د کډوالو سپکاوى ورته د زغم وړ ندى.
تازه خبرونه
د افغانستان لرې پرتو سیمو ته د ډبلیوافپي هوايي مرستې د خنډېدو په حال کې دي
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.

د خوړو نړیوال پروګرام (WFP) د افغانستان لرې پرتو سیمو ته د الوتنو پر مټ د مرستو رسولو د ځنډېدو له احتمال خبر ورکړی دی.
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.
د دې بنسټ د څرګندونو له مخې؛ په ۲۰۲۵ کال کې د مرستو رسولو د الوتنو لپاره نږدې ۱۰ میلیون ډالرو بېړنۍ بدجې ته اړتیا ده.
تېره اوونۍ د خوړو نړیوال پروګرام اعلان کړی و، چې د روان کال تر پایه پورې هېواد ته د راستنېدونکو افغان کډوالو د ملاتړ لپاره ۲۵ میلیون ډالرو بېړنۍ مرستې ته اړتیا لري.
ډبلیوافپي افغانستان ته د امریکا د بشري مرستو له ځنډولو وروسته د بدجې له کمښت څخه شکایت کوي.
تازه خبرونه
یوناما د راستانه شویو کډوالو په ښارګوټو کې له اوبو رسولو ډاډ څرګند کړ
د کلیو د بیارغونې او پراختیا وزارت د خبرپاڼې له مخې؛ د افغانستان لپاره د ملګروملتونو د عمومي منشي ځانګړې استازې مېرمن روزا اوتونبایوا او مل پلاوي ویلي، چې دوی به افغانستان ته د بېرته راستانه شویو کډوالو لپاره د پاکو اوبو رسولو، روغتیا ساتنې او په نورو برخو کې نه یوازې خپلې مرستې ورسوو، بلکې د مرستو پر دوام یې هم ټینګار وکړ.

په افغانستان کې د یوناما مشرې او مل پلاوي نن دوشنبه( د غویی اتمه) د کلیو د بیارغونې او پراختیا وزارت له چارسمبالي سره په لیدنه کې ویلي؛ مونږ به ډېر ژر د بېرته راستانه شویو کډوالو په ښارګوټي کې د پاکو اوبو رسولو شبکو د جوړولو کارونه پیل کړو.
د کلیو د بیارغونې او پراختیا وزارت د خبرپاڼې له مخې؛ د افغانستان لپاره د ملګروملتونو د عمومي منشي ځانګړې استازې مېرمن روزا اوتونبایوا او مل پلاوي ویلي، چې دوی به افغانستان ته د بېرته راستانه شویو کډوالو لپاره د پاکو اوبو رسولو، روغتیا ساتنې او په نورو برخو کې نه یوازې خپلې مرستې ورسوو، بلکې د مرستو پر دوام یې هم ټینګار وکړ.
د کلیو د بیارغونې او پراختیا وزارت چارسمبالي محمد یونس آخوندزاده پلاوي ته د ښه راغلاست ترڅنګ څرګنده کړې؛ مونږ د یوناما دفتر له دوامدارو همکاريو ستاینه کوو، چې په سختو حالاتو کې یې خپلې مرستې رسولي او جاري ساتلې دي.
محمد یونس آخوندزاده زیاته کړې، چې تاسې باید د بشري مرستو ترڅنګ بنسټیزو او عام المنفعه پروژو ته هم پاملرنه وکړئ او خپل کارونه له وزارت سره پر همغږۍ ترسره کړئ، چې هم مسوولیت سم ادا شي او هم ټولو هېوادوالو ته د متوازن انکشاف له مخې کار وشي.
-
لوبی5 days ago
د افغانستان الف کرکټ لوبډلې د سریلانکا پر وړاندې ماتې وخوړه
-
سوداگري4 days ago
د پاکستان او ازبکستان استازو پر افغان – ټرانس پروژې خبرې وکړې
-
سوداگري2 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
تازه خبرونه4 days ago
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
-
تازه خبرونه4 days ago
طارق علي بخیت د افغانستان په اړه له جاپاني چارواکو سره وکتل
-
ساینس او ټیکنالوژي4 days ago
چین او روسیه ممکن په سپوږمۍ کې د اټومي انرژۍ بټۍ جوړه کړي
-
تازه خبرونه1 day ago
د غبرګولي پر اوومه د ۱۴۰۴ کال د کانکور ازموینه اخیستل کیږي
-
سوداگري19 hours ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي