تازه خبرونه
په کابل کې یو کس له ۶ کړۍ نښلېدونکیو ماینونو سره ونیول شو
د افغانستان اسلامي امارت د ملي دفاع وزارت د دوشنبې پر ورځ په کابل کې یو تن له شپږ نښلېدونکیو یا مقناطیسي ماینونو سره نیولی دی.
د ملي دفاع وزارت څرګنده کړې؛ دغه کس د ۳۱۳ مرکزي قول اردو د کشف مدیریت ځواکونو له لوري د یو کشفي راپور پر بنسټ د کابل د دهمزنګ په اړوند سیمه کې له شپږ ۶ کړۍ نښلېدونکیو ماینونو او دوه تومانچو سره ونیول شو.
دوی ویلي، دا کس به له څېړنو وروسته اړوند څانګو ته وسپارل شي.