Connect with us

تازه خبرونه

په کندهار کې د اوبو د دوه بندونو د جوړېدو چارې پیل شوې

Published

 on

(Last Updated On: زمری ۱۵, ۱۴۰۱)

د چارواکو د څرګندونو له مخې؛ د کندهار ارغستان ولسوالۍ په اړوند سيمه کې د شنه نري او لوړې د اوبو د دوه بندونو د لومړنۍ سروې چارې پیل شوې.

په جوړېدو سره به ۲۴ ميليونه متر مکعبه اوبه را ټولې شي چې په دې سره به د دې ولايت په ډېرو ولسوالیو کې د وچکالې اغېزه کمه شي.

داوبو او انرژي وزارت چارواکو څرګنده کړې؛ د دې دوه بندونو له جوړېدو سره به په دې ولايت کې تر ډېره د وچکالۍ اغېز کم او دهر يوه بند له جوړېدو سره به پنځوس زره هکتاره زراعتي ځمکې خړوبه شي.

د اوبو او برښنا وزير مولوي عبدالطيف منصور ویلي: دا بند څه نا څه دولس ميليون مترمکعبه اوبه ذخيره کولي شي. د دې بند ارتفاع به له دېرش څخه تر پېنځه څلوېښت مترو پورې وي؛ نو کله یې، چې بشپړه سروې تر سره شي تخنيکي او انجنيري ټول جزئيات به یې بیا رسنیز  شي.

د ارغستان ولسوالۍ اوسيدونکي د دې بندونو له جوړېدو هرکلی کوي او څرګندوي، چې هيله ده دولت ژر تر ژره د دې بندونو د جوړېدو چارې پيل کړي .

د ارغستان اوسيدونکی حاجي نوراحمد وایي: دوی مونږ ته دلته بندونه تړي دا؛ خو زمونږ د خدمت لپاره راغلي دي. مونږ ډېر خوشحاله يوو؛ ان شاالله که الله پاک وغواړي دا اوبه، چې ډپ شي ټولو ته يي ګټه هم رسيږي.

د ارغستان یو بل اوسیدونکی نعمت الله څرګندوي؛ ډېر خوشحاله يوو، چې دا بند وتړل شي.له دې سره به ځمکې آبادې او جوړې شي. د بل ملک تګ ته اړتیا نه پیداکیږي؛ نو مونږ ډېر خوشحاله يو، چې دا کار وشي.

ویل کیږي، چې د دې دواړو بندونو د جوړېدو په چارو کې به اووه سوه کسانو ته د کار زمينه هم برابره شي .

تازه خبرونه

د بلخ ولایت په شولګره ولسوالۍ کې د ګرځندوی صنعت مخ پر وده روان دی

Published

on

(Last Updated On: زمری ۱۶, ۱۴۰۱)

د سیمه ییزو چارواکو د څرګندونو له مخې؛ په تېره یوه میاشت کې ۳۰ زره کورنیو سیلانیانو د بلخ ولایت له شولګرې ولسوالۍ لیدنه کړې ده.

په هېواد کې د امنیت له ټینګښت وروسته د بلخ ولایت دمه ځیو او تاریخي سیمو ته د سیلانیانو ورتګ ډېر شوی دی.

سیمه ییزو چارواکو په ډاګه کړې؛ د خواجه سکندر چینه د شولګرې ولسوالۍ له زړه راکښونکیو دمه ځیو څخه ده او ډېر خلک د سیل او چکر لپاره ورځي.

د بلخ ولایت اوسیدونکی محمد حسین خوښ دی، چې په دغه ولايت کې د ګرځندوى صنعت پراخه شوى دى.

د شولګرې ولسوالۍ امنيتي مسوولين هم خلکو ته ډاډ ورکوي، چې له کومې وېرې پرته اړوند دمه ځیو ته ورتلی شي.

د شولګرې ولسوالۍ امنيه قومندان مولوي محمد خان فاتح له خلکو غوښتي، چې د دې ولسوالۍ دمه ځیو او تفريحي ځايونو ته په ډاډه زره تګ راتګ وکړي؛ ځکه دوی د خلکو امنيت خوندي کړی دی.

د يادونې ده، چې په هېواد کې د وروستيو پرمختګونو او د نسبي امنيت له رامنځته کېدو سره په ډېرو برخو کې د ګرځندوى صنعت ښه شوی او مخ پر وده او پراختیا روان دی.

Continue Reading

تازه خبرونه

په تخار کې ۱۰۰۰ ډېر کسان د نس ناستي پر ناروغۍ اخته دي

Published

on

(Last Updated On: زمری ۱۶, ۱۴۰۱)

د تخار ولایت د عامې روغتیا ریاست نن یکشنبه د زمري پر ۱۶ څرګنده کړې؛ له تېرو درې ورځو راپدیخوا په تخار ولایت کې له زر ډېر کسان د نس ناستي پر ناروغۍ اخته شوي دي.

د یادې سرچینې د څرګندونو له مخې؛ سیمې ته ګرځند روغتیايي ډلې استول شوي دي.

په تخار ولایت کې د موسمي ناروغیو پراخې خپرېدا جدي اندېښنې راپارولي دي.

یوازې په تېرو درې ورځو کې د تخار ولایت په دوه ولسوالیو کې ۱۳۰۰ کسان د نس ناستي یا اسهال پر ناروغۍ اخته شوي دي.

د دې ولایت د عامې روغتیا مشر عبدالقهار احمدي ويلي، چې د ناروغانو د ژر تر ژره درملنې لپاره یې هڅې کړي او سیمې ته یې ګرځند روغتیایي ډلې استولي دي.

د ځاني زیان د مخنیوي لپاره په تخار کې د ادا بنسټ همغږي کوونکی احسان الله تلاش هم د دغې ناروغۍ د خپرېدو د مخنیوي لپاره کار پیل کړی دی.

د اشکمش ولسوالۍ اوسیدونکی محمد صفر وايي، چې د دغه ولایت په لریو پرتو سیمو کې روغتیايي مرکزونه نشته او له حکومته غوښتنه کوو، چې په دغو سیمو کې ګرځند روغتیايي مرکزونه جوړ کړي.

ویل کیږي، چې د حفظ الصحې نه مراعات، ګرمه هوا او د ناپاکو اوبو کارول د دې ناروغۍ د خپرېدو لاملونه بلل کېږي.

Continue Reading

تازه خبرونه

د وزير محمد اکبر خان او شيرپور تر منځ  د سړک جوړولو چارې پيل شوې

Published

on

(Last Updated On: زمری ۱۶, ۱۴۰۱)

کابل ښاروالۍ د کابل ښار د وزیر محمد اکبر خان له سیمې څخه تر شېرپور پورې د نښلوونکي سړک د جوړولو چارې پیل کړې.

د کابل ښاروالۍ د څرګندونو له مخې، دغه سړک د ٣٩١ مترو پر اوږدوالي او ٢٢،٥ مترو پر سور د کابل ښاروالۍ د کار، ساتنې او مراقبت رياست لخوا سږ کال د ١٥ ميليون افغانيو پر لګښت جوړوي، چې پلې لارې او څنډې هم په کې دي؛ جوړوي.

دغه نښلوونکی سړک د وزیر محمد اکبر خان پېنځلسم سړک د شیرپور له دوه یم سړک سره نښلوي.

د کابل ښاروالۍ د معلوماتو له مخې؛ د دغه سړک په اوږدو کې شپږ ملکیتونه تر استملاک لاندې دي، د نړولو او پاکولو چارې هم پيل شوې دي.

د دغه سړک له جوړېدو سره به د ترافیکو ګڼه ګوڼه ووېشل شي او د اړوند سیمو د چاپېریال ستونزې به هم ورسره اوارې شي.

Continue Reading

Trending

Copyright © 2022 Ariana News. All rights reserved!