Connect with us

تازه خبرونه

په کندهار کې څه نا څه ۲۰۰ پوستې وسلوالو طالبانو ته سپارل شوي- سیګار

خپور شوی

د

(Last Updated On: )

د افغانستان لپاره د امریکا د بیارغونې ځانګړې پلټونکې ادارې یا سیګار څرګنده کړې؛ د ۲۰۲۰ کال په ډسمبر میاشت کې ۲۰۵ میوند قول اردو د کندهارولایت له ۲۰۰ ډېرې امنیتي پوستې وسلوالو طالبانو ته سپارلي دي.

د سیګار په راپور کې راغلي: پرېکنده ملاتړ ماموریت ځواکونو د یو جوړ شوي پلان د پلي کولو لپاره یو شمېر زیانمنېدونکې پوستې ویجاړې نه کړې او طالبانو ته وسپارل شوې.

د دغه راپورپر بنسټ حکومت په ۲۰۱۹ کې په منځني توګه له ۱۰۰۰ ډېرې پوستې له ۱۰ څخه تر ۲۰

سرتېرو پرلرلو شتون درلود، چې ورو ورو یې شمېر کمېده او مراکزو ته ندې ترې لوی مرکزون جوړ شول.

 د کندهار د ولایتي چارواکو د څرګندونو له مخې؛ له اکتوبر راپدیخوا افغان او طالب ځواکونه په دې ولایت کې سره ښکېل شول، چې په پایله کې یې د پوستو له پریښودو  او شاتګ سره ترې وسلې او مهمات هم پاتې شوي دي.

دغه راز راپور په ډاګه کړې، چې د امنیتی او دفاعی ځواکونو ترمنځ د همغږۍ او همکارۍ نشتوالی، په ۲۰۵ میوند قول اردو کې د سرتېرو کموالی او د کندهار له اوسیدونکیو سره د دغو سرتېرو ناسم چلند هم د قول اردو د پوستو په له لاسه ورکولو کې بې اغېزې نه دي.

راپور څرګنده کړې، چې دمګړۍ په ټول هېواد کې له ۶۰۰۰ لږ پوستې شته دي.

دا په داسې حال کې ده، چې ولسمشر تېره میاشت کندهار ولایت ته د امنیتي حالاتو د څېړلو لپاره د یو پلاوي پر مشرۍ سفر کړی و او بیا یې وروسته د دې ولایت والي له دندې ګوښه او پر ځای یې نوی والي وګوماره.

تازه خبرونه

د روسیې سترې محکمې د اسلامي امارت نوم د منع شویو ډلو له نوملړه لرې کړ

د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

Published

on

(Last Updated On: )

د روسیې سترې محکمې په هېواد کې له ۲۰۰۳ کال  راپدېخوا د اسلامي امارت پر فعالیتونو بندیز لګولی و، چې اوس یې نوم د ممنوعه ډلو له نوملړ څخه وویست.

د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

د نوموړي د څرګندونو له مخې، دا پرېکړه سمدلاسه نافذه ده.

د روسیې د ممنوعه ډلو له نوملړ څخه د اسلامي امارت د لرې کولو غوښتنه تېره میاشت د دې هېواد د لوی څارنوال لخوا وړاندې شوه.

د اسلامي امارت ویاند ذبیح الله مجاهد مخکې د روسیې دولتي خبري سرچینې تاس ته ویلي وه، چې دا اقدام به د دواړو هېوادونو ترمنځ د اړیکو په پیاوړتیا کې مرسته وکړي او “زمونږ په نظر خورا ارزښتناک دی.”

له دې مخکې د تېر کال په می میاشت کې د روسیې بهرنیو چارو او عدلیې وزارتونو ولسمشر پوتین ته د منع شویو ډلو له نوملړ څخه د اسلامي امارت د لرې کولو په اړه د وړاندیزونو یو نوملړ وړاندې کړی و. دیادونې دهو چې اسلامي امارت د روسیې له دې پرېکړې هرکلی کړی او څرګندوي، چې دا کار به د اړیکو په پیاوړتیا کې رغنده رول ولوبوي.

Continue Reading

تازه خبرونه

د قطر د دولت وزیر له امیر خان متقي سره ټیلیفوني خبرې وکړې

Published

on

(Last Updated On: )

په بهرنیو چارو کې د دولت وزیر محمد بن عبدالعزیز الخلیفي د افغانستان د بهرنیو چارو وزارت له چارسمبالي امیر خان متقي سره ټیلیفوني خبرې وکړې.

د بهرنیو چارو وزارت د عامه اړیکو رییس ضیا احمد تکل په یوه رسنیزه خبرپاڼه کې لیکلي، چې په دې ټیلیفوني خبرو کې د ډیپلوماټیکو اړیکو د ودې، د دواړو هېوادونو ترمنځ د همکارۍ د پراختیا او دوحې ته د امیرخان متقي د راتلونکي سفر په اړه هم خبرې شوې  دي.

Continue Reading

تازه خبرونه

د افغانستان او پاکستان استازو په اسلام آباد کې پر سوداګرۍ خبرې وکړې

په اسلام‌آباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

Published

on

(Last Updated On: )

د صنعت او سوداګرۍ وزارت چارسمبالي(سرپرست) نورالدین عزیزي له خپل پاکستاني سیال سره وکتل او دواړو خواوو د سوداګرۍ، ټرانزیټي همکارۍ، شته ننګونو، ممکنه حل لارو او د دواړو هېوادونو لپاره د نورو مهمو مسایلو په اړه خبرې وکړې.

په اسلام‌آباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

د صنعت او سوداګرۍ وزارت دا هم ویلي، چې په دې ناسته کې د افغانستان او پاکستان ترمنځ د ورورګلوۍ او دوستۍ، متقابلو ګټو او د تاریخي او اوږدمهاله سوداګریزو اړیکو پر ټینګار د اپټا تړون د غځولو، د ټرانزیټ اسانتیاوو او د توکو د قاچاق مخنیوي، پاکستان ته د افغانستان د ډبرو سکرو صادراتو، د تورخم بندر د ۲۴ ساعته فعالیت، د غلام خان بندر له لارې دوه اړخیزه سوداګري، د دواړو حکومتونو د خاورې له لارې د بار وړونکو موټرو د لېږد، بانکي تضمین او د بندرونو د تنظیم لپاره د جامع میکانیزم د تنظیم په اړه بحثونه او خبرې وشوې.

Continue Reading
Advertisement

Trending

Copyright © 2025 Ariana News. All rights reserved!