Connect with us

نړۍ

په کوټه کې چاودنې ۱۴ پاکستانیو پولیسو ته مرګ و ژوبله اړولې

خپور شوی

 په

(Last Updated On: زمری ۱۸, ۱۴۰۰)

د پاکستان پولیسو رسنیو ته څرګنده کړې، چې تېر ماښام د کوټې ښار د سرینا هوټل مخې ته بمي چاودنه رامنځته شوې ده.

پولیسو ویلي؛ په دې پېښه کې څلور پاکستاني سرتېري وژل شوي او لس نور ټپیان دي. رسنیو په ډاګه کړې؛ د دې چاودنې له کبله څلور ملکیان هم ټپیان شوي دي.

ویل کېږي، چې چاودېدونکي توکي په یوه موټرسایکل کې ځای پر ځای شوي وه.

دغه راز  څرګنده شوې، چې د چاودنې پر مهال په هوټل کې د عمران خان د حکومت مخالف بلاول بوټو هم و.

هغه په یوه ټویټ کې دغه برید غندلی او د پاکستان پر حکومت یې غږ کړی، چې د ترهګرو له پالنې لاس واخلي.

د ده په وینا دا چاودنې هغه ترهګر ترسره کوي، چې پاکستانی حکومت یې روزي او پالي.

دا پیښه په داسې حال کې رامنځته کیږي، چې د محرم نمانځلو لپاره امنیتي تدابیر سخت شوي او د پاکستان امنیتي ځواکونه د هرې پېښې په لټه کې دي.

په کوټه کې سرچینو رسنیو ته ویلي، چې د یو شمېر ټپیانو روغتیایي حالت د اندېښنی وړ دی او د وژل شویو کسانو شمېر د لوړېدو په حال کې دی.

تر اوسه کومې ډلې د چاودنې مسوولیت ندی منلی.

نړۍ

په ماریوپول کې لږ تر لږه ۷۰۰ اوکرایني جنګیالي تسلیم شوي – روسیه

خپور شوی

په

توسط

(Last Updated On: غویی ۲۹, ۱۴۰۱)

مسکو په داسې حال کې، چې امریکا په کیف کې خپل سفارت بیا پرانیستی؛ په ډاګه کوي، چې له تېرو څلیریشت ګړیو راپدیخوا د ماریوپول په پولادو کارځي کې نږدې ۷۰۰  اوکرایني جنګیالي تسلیم شوي دي.

د روسیې دفاع وزارت ویلي، چې د نورو ۶۹۴ اوکرایني پوځیانو تسلیمېدل په دې معنا دي، چې د پولادو په دې کاځي کې ټولټال ۹۵۹ کسانو خپلې وسلې پر ځمکه ایښې دي.

د اوکراین دفاع وزارت ويلي، چې تر اوسه یوازې ۲۵۰ اوکراینیان له یاد کارځي وتلي دي.

دغه وزارت تر اوسه د روسیې د دفاع وزارت د څرګندونو په اړه څه ندي ویلي.

د روس پلوه بېلتون غوښتونکیو مشر، چې سیمه کنټرولوي وویل، په پولادو کارځي کې دننه اصلي قومندانان اوس هم تسلیم شوي ندي او له کارځي راوتلي ندي.

دا څرګنده نده، چې څومره سرتېري د ماریوپول په پولادو کارځي کې پاتې دي؛ خو د اوکراین پوځ ویلي: د هغو کسانو د ایستلو هڅې روانې دي، چې اوس هم دننه پاتې دي.

له بلې خوا د اوکراین یوه لوړپوړي پوځي چارواکي ویلي؛ هغه هیله لري، چې له ماریوپول څخه ایستل شوي اوکرایني ځواکونه له روسي بندیانو سره تبادله کړي، خو د روسیې یوه وکیل د “انصاف” غوښتنه وکړه.

د رویټرز د څرګندونو له مخې؛ دا په داسې حال کې ده، چې فنلنډ او سویډن په رسمي توګه له ناټو سره د یوځای کیدو غوښتنه کړې، چې له همدې کبله د روسیې ولسمشر ولادیمیر پوتین د روان کال د فبرورۍ پر ۲۴ پر اوکراین خپل پوځي عملیات ځانګړي نومولي دي.

Continue Reading

نړۍ

د روسیې او اوکراین د سولې خبرې د ناندریو ښکار شوې

خپور شوی

په

توسط

(Last Updated On: غویی ۲۸, ۱۴۰۱)

رویټرز راپور ورکړی، چې د روسیې او اوکراین ترمنځ د سولې خبرې د خپلمنځيو تورونو له کبله وځنډېدې؛ خو مسکو یې په ټپه درېدلې بولي.

روسیه اوکراین د جګړې پر اوږدولو او لویدیځ د حکومت پیاوړي کولو تورنوي.

د روسیې د بهرنیو چارو وزیر سرګي لاوروف ویلي، چې واشنګټن، لندن او بروکسل غواړي اوکراین د خپلو ستراتیژیکو ګټو لپاره وکاري.

لاوروف زیاته کړې؛ که خبرې کوونکي هڅه وکړي، چې په اوکراین کې د سولې راوستو پر ځای پر هغه څه تمرکز وکړي، چې لویدیځ یې سپارښتنه کړی؛ نو یقیناً کومه چټکه هوکړه به رامنځته نشي.

هغه زیاته کړې، چې دا کار به د خبرو پرمختګ ورو او له خنډ سره مخ کړي.

لاوروف وایي: مونږ تل وایو، چې خبرو ته چمتو یوو؛ خو اوس یې له درولو پرته بله چاره نلرو.

اوکراین او روسیه د ۲۰۲۲ زېږدیز کال د فبرورۍ له ۲۴ راپدیخوا له برید څو ورځې وروسته د سولې خبرې اترې پیل کړې؛ خو د راپورونو له مخې، په وروستیو اوونیو کې یې ترمنځ د پام وړ ناندرې راپورته شوې دي.

امریکا تمه لري، چې په روانه اوونۍ کې اوکراین ته د ۴۰ میلیارد ډالرو نظامي او اقتصادي مرستو ټولګه تصویب کړي.

د اوکرایین د ولسمشر سلاکار میخایل پودولیک تائید کړې، چې دا خبرې د اوس لپاره په ټپه درېدلي دي؛ ځکه، چې روسیه له خبرو ناهیلې شوې ده.

د اوکرایني رسنیو د څرګندونو له مخې؛ پودولیک ویلي، چې روسیه په نړۍ کې د اوسنیو بهیرونو په اړه د ښه تفاهم ښکارندويي نکوي او دا به پوره بدې اغېزې ولري.

د روانې جګړې په بهیر کې زرګونه کسان وژل شوي او میلیونونه بې ځایه شوي دي.

روسیه هم د لویدیځو هېوادونو تر سختو بندیزونو لاندې راغلې ده، چې د روسیې او ناټو ترمنځ د پراخې شخړې په اړه اندېښنې راپورته کوي.

شل کاله کېږي، چې لويديځ اوکراين ته د روسيې د ځپلو لپاره د تجهيزاتو برابرول پيل کړل؛ خو د اوکرایني چارواکو په خبره لویدیځو هېوادونو اوکراین له پوره پاملرنې غورځولی دی.

Continue Reading

نړۍ

په ناټو کې د سویډن او فنلنډ غړیتوب به د دوی وضعیت بدل نکړي – روسیه

خپور شوی

په

توسط

(Last Updated On: غویی ۲۷, ۱۴۰۱)

د روسیې د بهرنیو چارو وزیر سرګي لاوروف ویلي؛ که سویډن او فنلنډ د شمالي اتلانتیک د تړون له ټولنې یا ناټو سره یوځای شي، د دوی په وضعیت کې به لږ توپیر راشي.

د آر ټي شبکې د څرګندونو له مخې؛ سرګې لاوروف د سې شنبې پر ورځ نوي افق نومي کنفرانس ته ویلي؛ په داسې حال کې، چې سویډن او فنلینډ له ډېر وخت راپدیخوا د ناټو په پو ځي روزنه کې ګډون کوي، په پوځي اتحاد کې د دوی غړیتوب به د دوی وضعیت بدل نکړي.

د روسیې د بهرنیو چارو وزیر د کنفرانس ګډونوالو دا هم ویلي، چې هیڅ هېواد نشي کولی پر نورو له تکیه کولو سره خپل امنیت ټینګ کړي.

هغه د سویډن او فنلند د پرېکړې په اړه، چې له ناټو سره د یوځای کیدو په اړه زیاته کړې: ختیځ ته د ناټو پراخېدل به هیڅ ګټه ونلري؛ خو زمونږ امنیت ته زیان رسوي.

په داسې حال کې چې ناروې، ډنمارک او آیسلنډ په رسمي توګه د شمالي اتلانتیک تړون سازمان (ناټو) غړي دي، سویډن او فنلینډ د تاریخي او جیو پولیټیکل دلایلو له مخې په نظامي اتحاد کې شامل شوي ندي؛ سویډن او فنلنډ د سړې جګړې پر مهال بې طرفه دریځ خپل کړی و او د امریکا او شوروي له دریځونو سره یې له یو ځای کېدو ډډه کړې وه.

دغو هېوادونو له هغې وروسته، روسیې پر اوکراین برید وکړ او د احتمالي برید ګواښ یې احساس کړ؛ نو دوی پرېکړه وکړه، چې له ناټو سره یوځای شي.

Continue Reading

Trending

Copyright © 2022 Ariana News. All rights reserved!