تازه خبرونه
چین له ډبرو سکرو څخه د برښنا د تولید لپاره پانګونه کوي

د چینايي پانګوالو یوې ډلې د شنبې پر ورځ له ولسمشر محمد اشرف غني سره په هېواد کې له ډبرو سکرو څخه د برښنا د تولید پر شونتیاوو خبرې وکړې.
ولسمشرۍ څرګنده کړې، چې ولسمشراشرف غني له کورنیو او بهرنیو پانګوالو څخه د حکومت د ملاتړ په لړ کې نن ماسپښین د چینایي پانګوالو له یوې ډلې سره، چې له ډبرو سکرو څخه د برښنا انرژۍ د تولید په برخه کې پانګونې ته لیواله دي؛ وکتل.
د ولسمشرۍ ماڼۍ د څرګندونو له مخې؛ دغه ډله په پام کې لري، چې د انرژۍ تولیدونکې پروژې لپاره میلیونونه ډالره پانګونه تر سره کړي.
په دې کتنه کې د یادې ډلې مسوولینو ویلي؛ غواړي د کابو ۴۰۰ میلیون ډالرو پر پانګونې د ډبرو سکرو له کارونې ۳۰۰ میګاواټه برښنا تولید کړي.
په خبرپاڼه کې راغلي: په دې ناسته کې ولسمشر غني د طبیعي سرچینو ظرفیتونه او همدارنګه په افغانستان کې د انرژۍ پر سکتور د پانګونې فرصتونه وړاندې کړل.
په خبرپاڼه کې یادونه شوې، چې غني د افغانستان د پانګونې آسانتیا څانګې ته لارښوونه کړې، چې د افغانستان له برښنا شرکت سره په همغږي کې دې ډلې ته د پانګونې فرصتونه آسانه او پایلې یې ولسمشرۍ ته وړاندې کړي.
په افغانستان کې انرژي دمګړۍ له اوبو چمتو کیږي؛ ګازي، بادي او لمریزه برښنا یې نورې سرچینې ګڼل کیږي.
د افغانستان برښنا شرکت د څرګندونو له مخې، د افغانستان نږدې ۳۵ سلنه وګړي برښنا ته لاسرسی لري.
اوسمهال افغانستان له اوبو، ګاز او لمریزو سرچینو څه نا څه ۶۰۰ میګاواټه برښنا تولیدوي.
د یادونې ده، چې له ۶۷۰ میګاواټ ډېره برښنا له ګاونډ ایران، ازبکستان، تاجکستان او ترکمنستان څخه واردیږي. دا په داسې حال کې ده، چې افغانستان لږ تر لږه ۴۵۰۰ میګاواټه برښنا ته اړتیا لري.
تازه خبرونه
د اسلامي امارت پلاوی جاپان ته روان شو
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.

تمه کېده، چې د افغانستان اسلامي امارت (IEA) د لوړ پوړو چارواکو یو پلاوی د یکشنبې پر ورځ ټوکیو ته ورسیږي. دا واک ته ترلاسه کولو راهیسې جاپان ته د لومړي سفر په توګه دی.
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.
دا سفر د تېر کال د ساساکاوا سولې بنسټ د اجرائیوي رییس او په افغانستان کې د ملګرو ملتونو د مرستندویه ماموریت (UNAMA) د پخواني مشر تادامیچي یاماموتو لخوا د بلنې په ځواب کې ترسره کیږي.
راپورونه وايي، چې پلاوی به احتمالاً د نورو بشري مرستو غوښتنه وکړي او ممکن د جاپان او افغانستان ترمنځ د اړیکو په اړه د جاپان له حکومتي چارواکو سره هم خبرې وکړي.
جاپان په افغانستان کې ډیپلوماټیک فعالیتونه روان ساتلي او د ملګرو ملتونو له لارې یې د طبي تاسیساتو ملاتړ کړی دی.
د اقتصاد وزارت مرستیال عبداللطیف نظري وايي، چې نن (یکشنبه د سلواغې اتهویشتمه) د اسلامي امارت د لوړ پوړي پلاوي سره جاپان ته روان شو.
هغه په ایکس پاڼه کې لیکلي: “مونږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړيتوب لپاره له نړۍ سره د درناوي وړ تعامل غواړو.”
د یادونې ده، چې نظري د دې سفر په اړه نور جزئیات ندي ورکړي.
تازه خبرونه
د کډوالو چارو وزارت په بلوچستان کې له کورونو څخه د افغان کډوالو شړل وغندل
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.

د کډوالو چارو وزارت د یکشنبې د ورځې (د سلواغې اتهویشتمه ) د خپرې شوې خبرپاڼې له مخې؛ دې وزارت د پاکستان په بلوچستان ایالت کې له خپلو کورونو څخه د افغان کډوالو جبري ایستل وغندل.
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.
په خبرپاڼه کې زیاته شوې، چې د پاکستانيو پولیسو لخوا په شړل شویو کسانو کې ۶۵ ماشومان او ۳۰ افغان میرمنې دي، چې د کندهار ولایت د سپین بولدک له سرحدي لارې افغانستان ته راوشړل شول.
د پاکستان حکومت په تېرو دوه کلونو کې پرلهپسې دا ډول هڅې کړې دي، چې د ګاوږنډیتوب له ټولو اصولو او نړیوالو اسلامي قوانینو پر خلاف دي او ذا چاره یې روانه ساتلې ده.
په خبرپاڼه کې ټینګار شوی، چې د کډوالو او راستنېدونکو چارو وزارت دا ډول کړنې غندي او له نړیوالو بنسټونو یې غوښتي، چې په هغه هېواد کې له افغان کډوالو سره خپلې مرستې او همکاري روانه وساتي، چې له عزت سره خپل هېواد ته راستانه شي.
تازه خبرونه
پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي
جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.

د خیبر پښتونخوا د وزیر اعلی سلاکار وکیل محمد علي سیف ویلي، چې ولایتي حکومت به د خبرو اترو لپاره دوه پلاوي افغانستان ته واستوي.
جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.
وروستۍ برخه به بېلابېل اړخونه ولري او بحث به د اقتصادي اړیکو پر پیاوړتیا راڅرخي.
دا په داسې حال کې ده، چې په پاکستان کې د ترهګریزو بریدونو کچه لوړه شوې او اسلامآباد یې پړه په افغانستان کې پر ډلو اچوي.
د ترهګرۍ مسله د پاکستان لپاره یوه مهمه ستونزه ده؛ له افغانستان څخه یې غوښتي، چې په خپله خاوره کې تحریک طالبان پاکستان (TTP) ته د ورته ډلو لخوا د دې خاورې د کارولو مخه ونیسي.
اسلامي امارت تل د پاکستان دا ادعاوې رد کړي او ویلي یې دي، چې هیڅ فرد یا ډلې ته به اجازه ورنکړي، چې بل هېواد ته ګواښ رامنځته کړي.
جیو ټلویزیون راپور ورکړی، چې د خیبر پښتونخوا امنیتي وضعیت ته پر پاملرنه د کرمې په اړوند سیمه کې د څو میاشتینیو ناکراریو په ګډون د خیبر پښتونخوا اعلی وزیر ګنډاپور د ۲۰۲۴ کال په سپټمبر کې له افغانستان سره د مستقیمو خبرو اترو وړاندیز وکړ، چې په ناکراره سرحدي سیمو کې د تلپاتې سولې لپاره د ترهګرۍ اندېښنو ته لاسرسی رامنځته شي.
اعلی وزیر د روانې میاشتې په پیل کې خپل دریځ بیا تکرار کړ او ویې ویل، چې د خیبر پښتونخوا حکومت به ګاونډ هېواد ته یوه جرګه واستوي.
-
لوبی4 days ago
د افغانستان کرکټ ملي لوبډله سبا (جمعه) له پاکستان سره مخ کیږي
-
نړۍ4 days ago
د امریکا یوه پوځي الوتکه د سانډیاګو په ساحل کې راوغوځېده.
-
لوبی5 days ago
د ۲۰۲۵ آریانا سنوکر د اتلولۍ جام د دوهیمې ورځې پایلې
-
تازه خبرونه4 days ago
په کابل کې د کور او ښارجوړونې وزارت مخې ته چاودنه رامنځته شوې
-
تازه خبرونه5 days ago
اسلامي امارت په افغانستان کې د داعش د شتون په اړه د پاکستان ادعا رد کړه
-
تازه خبرونه4 days ago
د ملګرو ملتونو امنیت شورا د کندوز ځانمرګی برید وغانده
-
تازه خبرونه1 day ago
امریکا او روسیه د اوکراین د جګړې په اړه په سعودي عربستان کې د خبرو پیلول غواړي
-
تازه خبرونه18 hours ago
د کډوالو چارو وزارت په بلوچستان کې له کورونو څخه د افغان کډوالو شړل وغندل