مهم خبرونه
چین په شانګهای کې د ودانیو د قرنطینولو بهیر پیل کړ

د چین د شانګهای چارواکو له کرونا ویروس سره د مبارزې لپاره د استوګنو له ودانیو بهرلوړې کټارې درولې، چې نه یوازې یې د دغه ښار د ۲۵ میلیون وګړيو اندېښنې راپورته کړي، بلکې خلک په کورونو کې هم پاتې کیدو ته اړ شوي دي.
د آسټرالیا د AAP خبري آژانس د څرګندونو له مخې؛ د شنبې پر ورځ په ټولنیزو رسنیو کې د سپینو جامو د لرونکيو کارګرانو داسې انځورونه خپاره شول، چې بلاکونو ته ورغلې لارې او سړکونه پر څه نا څه دوه مټره کټارو بندوي.
دغه راز په ډاګه شوې، چې د چارواکو دې وېروونکې پرېکړې د ستوګنو د اوسیدونکیو پوښتنې، غوښتنې او اندېښنې راپورته کړي دي.
د ټولنیزو رسنیو یوه کاروونکي پوښتلي؛ آیا دا د اور خطر ندی؟
یو بل څرګنده کړې: دا د کټارو دننه خلکو حقوقي ژوندانه ته سپکاوی دی؛ ځکه، چې خلک د کورنیو څارویو په څېر په فلزي خنډونو او کټارو کې بند پاتې کیږي.
د شانګهای حکومت په دې اړه له څرګندونو ډډه کړې ده.
ډېري خنډونه د داسې ودانیو مخې ته جوړ شوي، چې په کې لږ تر لږه یو کس د کرونا ویروس لپاره مثبته آزموینه کړې، چې په پایله کې یې نور اوسیدونکي د خپلو کورونو له پریښودو منع شوي دي.
شانګهای د چین ترټولو لوی ښار او خورا مهم اقتصادي مرکز دی، چې د دغه هېواد په کچه پر کرونا ویروس د اخته کسانو ترټولو لوی راپور ترې ورکړ شوی او ور سره د مبارزې بهیر روان ساتل شوی دی.
دغه قرنطیني حالت د ودانیو ډېرو اوسیدونکیو ته، چې له درې اوونیو ډېر وخت یې د خنډونو تر شا تېر کړی؛ د خواړو او طبي پاملرنې ته د لاسرسي له ستونزو او همدارنګه د عایداتو له لاسه وتلو، د کورنیو بېلېدو، د قرنطین مرکزونو شرایطو او انلاین هڅو د سانسور کولو ورته ناهیلۍ رامنځته کړې دي.
په شانګهای کې ۱۹۶۵۷ نوې نښې نښانې ثبت شوي، چې د یوې ورځې د مخکیي شمېر ۲۰۵۳۴ پر پرتله ۱۴۰۱ پېښې له ۲۷۳۶ څخه راټیټې شوې دي.
دا په داسې حال کې ده، چې بیجینګ ۲۲ نوې پېښې ثبت کړې دي.
مهم خبرونه
د واګنر ډلې قومندان د الوتکې د راغورځېدو په پېښه کې مړ شو

د واګنر خصوصي پوځ قومندان پرګوزین ځانګړې الوتکه مسکو ته نږدې راوغوځېده.
د تاس خبري آژانس د خبر له مخې، د چارشنبې پر ماښام د واګنر د قومندان پریګوزین ځانګړې الوتکه مسکو ته نږدې راغورځېدلې، چې له کبله یې ۱۰ کسان ووژل شول.
د زاپوریزیا د سیمهییزې ادارې غړي ولادیمیر روګوف ویلي، چې پریګوزین ته نږدې خلکو د هغه او د واګنر ګروپ بنسټ ایښودونکي دیمیتري اوتکین مړینه تائید کړې ده.
د روسیې د ملکي هوايي چلند ادارې څرګنده کړې، چې د واګنر د خصوصي پوځي ډلې قومندان پریګوزین د خپلې ځانګړې الوتکې د مسافرو په لیست کې و، چې د مسکو په شمال کې راوغورځېده.
د ریبار پوځي اوبپاڼې راپور ورکړی، چې د مسکو په شمال کې د راغورځېدلې الوتکې د مسافرینو په منځ کې د واګنر د قومندانانو د شتون په اړه معلومات اوس هم تائید شوي نهدي.
روسي اوبپاڼې ريدووکا څرګنده کړې، چې ښايي پرګوزين په الوتکه کې د مسافر په توګه خپل نوم ثبت کړی وي او يوازې د امنيتي دلايلو له مخې په بله الوتکه کې سپور شوی وي.
د روسیې د بېړنیو حالاتو وزارت ویلي، چې د مسکو په شمال کې د راغورځېدلې الوتکې د ۸ کسانو سپرلیو مړي موندل شوي دي.
ځینو روسي رسنیو راپور ورکړی، چې یوګیني پریګوزین ممکن په دوهییمه الوتکه کې وي، چې په مسکو کې راکښته شوه.
په انترنیت کې د خپرو شویو ویدیوګانو له مخې د پریګوزین اړوند د ایمبرایر الوتکه د تور ولایت د خوتیلوو پوځي هوایي ډګر په ۱۵ کیلو مترۍ کې رالوېدلې ده.
ویل کېږي، چې په دې الوتکه کې درې کسان عمله او اووه مسافر سپاره ول.
دا په داسې حال کې ده، چې بي بي سي د واګنر د قومندان د مړ کېدو ادعا کړې ده.
سیمه ییز خبرونه
د پاکستان پخوانی لومړی وزیر عمران خان ونیول شو

د پاکستان پولیسو د شنبې پر ورځ یو ځل بیا د اپوزیسیون مشر او پخوانی لومړی وزیر عمران خان په لاهور ښار کې له خپله کوره نیولی دی.
د اسوشیتید پرس د څرګندونو له مخې؛ د شنبې پر سهار محکمې عمران خان د شتمنیو د پټولو په قضیه کې مجرم وګاڼه او د بند سزا یې ورته صادره کړه، چې کیدی شي د هغه سیاسي فعالیتونه ودروي. د عمران خان له محکومولو وروسته د اسلامآباد محکمې د هغه د نیولو حکم صادر کړ او د لاهور پولیسو له ځنډ پرته له خپل کوره ونیوه او د پاکستان پلازمېنې ته یې ولېږداوه.
دا واک ته د راستنېدو لپاره د عمران خان پرهڅو یو نوی ګوزار دی.
په پارلمان کې د ۲۰۲۰ کال د اپریل د میاشتې د عدم اعتماد د رایې او ګوښه کېدو وروسته له ۱۵۰ څخه ډېرو قانوني قضیو په ګډون د می د میاشتې د خونړیو لاریونونو پرمهال د فساد، تروریزم او تاوتریخوالي ته د هڅولو له تورونو سره مخ شو. په دغو لاریونونو کې د عمران خان پلویانو په ټول هېواد کې پر دولتي او پوځي تاسیساتو بریدونه کړي دي.
تازه خبرونه
پر ستونزو د خبرو لپاره له هېواده وتلي خلک دې راستانه شئ – طاهر زهیر

د پخواني حکومت والي او د کابینې غړی طاهر زهیر، چې په دې وروستیو کې له شاوخوا دوه کلن وسلهوال مخالفت وروسته له اسلامي امارت سره یوځای شوی، جګړه د افغانستان د ستونزو حل لار نهګڼي او د خبرو له لارې د شته ستونزو پر حل ټینګار کوي.
هغه له چارواکو، مشرانو او نورو سیاسي څېرو غواړي چې هېواد ته راستانه شي او د هېواد په آبادۍ او پرمختګ کې ونډه واخلي.
نوموړي په سمنګان ولایت کې یوې غونډې ته د وینا پر مهال له اسلامي امارت وغوښتل، چې په هېواد کې د یووالي بنسټونه پیاوړي کړي او ټولو قومونه ته د نظام په جوړښت کې ونډه ورکړي.
طاهر زهیر وايي، چې په هېواد کې جګړه د ستونزو حل لار نهده. هغه خلک، چې غواړي د افغانستان ستونزه د جګړې له لارې حل کړې؛ هېواد ته دې راستانه شي او د خبرو اترو لار دې خپله کړي.
د سمنګان ولایت سیمه ییز چارواکي او مشران له ټولو هغو کسانو او مشرانو څخه چې له هېواده وتلي دي غواړي چې خپل وطن ته راستانه شي او د هېواد په پرمختګ کې ونډه واخلي.
د سمنګان والي عبدالاحد فضلي ويلي: زموږ د هغو افغان وروڼو لپاره، چې بهر ته تللي او یا هم هغه وروڼه، چې غرونو ته پورته شوي؛ ډېر خواشینی یم. له دوی ټولو څخه زمونږ غوښتنه دا ده، چې د افغانستان د اسلامي امارت مشر ټول ولس ته عفو کړې؛ نو خپل وطن او هېواد ته راشئ، تاسې ټول مو وروڼه یاست.
د سمنګان امنیه قومندان احمدالله بدر ویلي: زما پیغام د اسلامي امارت ټولو مخالفانو ته دا دی، چې د افغانستان اسلامي امارت د رهبرۍ د عمومي عفوې له فرمان څخه ګټه پورته کړي؛ له اسلامي امارت سره یو ځای شي او له خپل توان او قوت څخه کار واخلي او د اسلامي امارت د پياوړتيا په لار کې له مونږ سره ټول بوخت شي.
د دې ولایت د استخباراتو رییس محمد هاشم شفیق ویلي: ټولو هغو کسانو ته، چې بهر ته تللي؛ د اسلامي امارت غېږ ورته خلاصه ده، خپل هېواد خدمت ته دې راستانه شي.
طاهرزهیر ويلي، چې غواړي د یوه عادي وګړي په توګه خپل ژوند روان وساتي او په نظام کې د کار کولو نیت نهلري؛ خو اسلامي امارته دې د باور فضا رامنځته کړي، چې ټول سیاسي او ټولنیز شخصیتونه هېواد ته راستانه شي.
-
روغتيا3 days ago
له خوګ څخه انسان ته د زړه دوهیم پیوند ترسره شو
-
نړۍ3 days ago
د اوکراین زیلینسکي دې د پولندیانو سپکاوی نهکوي – د پولند لومړی وزیر
-
تازه خبرونه3 days ago
د افغانانو د حقونو ساتونکي دې متحد شي – رینا امیري
-
روغتيا1 day ago
په ټول افغانستان کې د ګوزڼ واکسین کمپاین پیل شو
-
تازه خبرونه2 days ago
د چین په اسیایي لوبو کې ۸۴ افغان لوبغاړي ګډون کوي
-
لوبی1 day ago
چين د اسيايي لوبو په لومړۍ ورځ د سرو زرو مډالونه وګټل
-
لوبی2 days ago
د ۲۰۲۳ کرکت نړیوال جام نغدي جایزې ځانګړې شوې
-
تازه خبرونه3 days ago
په کابل هوايي ډګر کې د افغانستان، ازبکستان او عربي متحده اماراتو کډه ناست ترسره شوه