تازه خبرونه
کابل د مسکو د وسلو او تجهیزاتو، پېرودلو ته لیواله دی

په روسیه کې د افغانستان سفیر سید طیب جواد ویلي، کابل له مسکو څخه د وسلو پېروېدلو ته لیواله او چمتو دی.
هغه ټاس خبري آژانس ته ویلي؛ مونږ هیله من یو، چې روسیه به د روسیې د شته تجهیزاتو په ځانګړي توګه د چورلکو رغولو او ترمیمولو ته پام راواړوي.
هغه دا هم ویلي؛ په روسیه کې د کورنیو چارو وزارت امنیتي کدرونه هم تر روزنې لاندې دي.
ټاس په ډاګه کړې، چې سید طیب جواد زیاته کړې؛ تمه ده، چې په روسیه کې د افغانستان پیلوټانو او میخانیکي انجینرانو هم د زدکړې زمینه برابره شي.
سربېره پردې جواد ټاس خبري سرچینې ته ویلي؛ افغانستان چمتو دی، چې د روسیې کرونا ضد سپوتنیک واکسین وپېري او پلي کولو ته یې زمینه برابره کړي.
جواد ویلي، چې په دې اړه د افغانستان لپاره د روسیې د ولسمشر ځانګړي استازي ضمیر کابلوف له څرګندونو پنځه میاشتې تېرې شوي؛ خو د سپوتنیک واکسینو د احتمالي سپارلو په اړه کوم پرمختګ لیدل شوی ندی.
هغه وایي: مونږ غوښتنه کړې، خو پدې اړه کوم حرکت ونه لیدل شو. په داسې حال کې، چې مونږ د هند یا نورو سیمو او هېوادونو په څیر د دوه یمې یا درېیمې څپې په اړه اندېښمن یو او پوهیږو، چې سپوتنیک واکسین اغېزمن دی؛ نو که دوی یې مونږ ته چمتو کړي، مونږ به یې واخلو او پلی کړو.
تازه خبرونه
د افغانستان له زلزله ځپلیو سیمو سره دې مرستې ډېرې شي

په افغانستان کې د ملګرو ملتونو د استازي مرستیال د یکشنبې پر ورځ له هغې وروسته، چې د تېرې اوونۍ له زلزله ځپلیو سیمو لیدنه وکړه؛ د دې هېواد لپاره یې د نورو نړیوالو مرستو غوښتنه وکړه.
د افغانستان لپاره د ملګرو ملتونو د سرمنشي د ځانګړي استازي مرستیال او د بشري مرستو همغږي کوونکي رامیز الاکبروف ویلي: پروني سفر ما ته د افغانستان د خلکو له کړاوه ډک ژوند او د سترو ناخوالو پر وړاندې د هغو ځواکمن هوډ یو ځل بیا تائید کړ.
ملګرو ملتونو او ملګرو یې د افغانستان لپاره د بشردوستانه پروګرام په چوکاټ کې د ناورین د ځوابولو لپاره سږنۍ درې میاشتنۍ بېړنۍ غوښتنه رامنځته کړې ده.
په پکتیکا او خوست ولایتونو کې نږدې ۳۶۲ زره خلکو ته د بشردوستانه مرستو له رسولو موخه داده، چې اغېزمنو خلکو ته د مرستو کچه پراخه او ګړندۍ شي.
نوموړي زیاته کړې؛ سره له دې، چې بسپنه ورکوونکیو په تېرو لس ستونزمنو میاشتو کې له افغانستان سره له سخاوته ډکې مرستې کړي؛ خو زه له نړیوالې ټولنې غواړم له هغو خلکو سره، چې له یو بل بېړني حالت سره مخ دي؛ خپلې د ژغورنې ژمنې دوامداره او ملاتړ ترې وکړي.
د شنبې پر ورځ الاکبروف د ملګرو ملتونو د نورو ادارو له استازیو سره یو ځای د پکتیکا ولایت ګیان ولسوالۍ د میر صاحب او خان الدین کلیو ته سفر وکړ، چې یوه له هغو سیمو څخه ده، چې خلک یې د تېرې اوونۍ ۶ اعشاریه یوې درجې زلزلې له کبله زیانمن شوي دي.
د افغانستان په پکتیکا او خوست ولایتونو کې د تېرې اوونۍ زلزلې له کبله له ۱۰۰۰ ډېر کسان مړه شوي او له ۲۰۰۰ ډېر نور ټپیان دي.
د ملګرو ملتونو د معلوماتو له مخې؛ یوازې په ګیان ولسوالۍ کې ۲۳۵ تنه مړه شوي او ۶۰۰ نور ټپیان دي.
زلزله ځپلیو سیمو ته د ملګرو ملتونو د پلاوي ورتګ او له اوسیدونکی سره یې لیدنه ښیي، چې ډېریو یې د کورنۍ غړي او ملګري له لاسه ورکړي. د یتیمانو او له کورنیو د بې برخې خلکو کورونه اوس د استوګنې وړ ندي.
الاکبروف زیاته کړې: پر خوراکي مرستو، بېړنيو سرپناوو، لارو کوڅو او سړکونو رغونې سربېره دغه خلک پاکو اوبو د لښتیو بیا رغونې او د کولرا د مخنیوي لپاره د هڅو چمتووالي ته اړتیا لري.
دا په داسې حال کې ده، چې ملګري ملتونو ویلي؛ له داسې انتقالي ملاتړ پرته به په ځبل شویو سیمو کې ښځې، نرینه او ماشومان له کړاو او زغم سره مخ وي.
تازه خبرونه
د افغانستان په لویدیځ ولایتونو کې د ګوزڼ واکسین کمپاین پیل شو

د افغانستان په لویدیځه حوزه کې د واکسین د وېش مسوولینو ويلي؛ تمه ده، چې د دې حوزې په څلورو ولایتونو کې له یو میلیون ډېر ماشومان واکسین شي.
په هرات ښار کې نجونې د پولیو واکسین د پروګرام پلي کولو مسوولیت لري؛ دوی کور پر کور ګرځي، چې له پېنځه کلنۍ ټیټ عمره ماشومانو ته دوه څاڅکي واکسین ورکړي.
د هرات عامې روغتیا ریاست ويلي؛ هڅه کوي، چې هیڅ ماشوم د واکسین له دوه څاڅکو بې برخې پاتې نشي.
د هېواد په لویديځه حوزه کې د واکسيناسيون د پروګرام مسوول وحيد رحماني ویلي: ټاکل شوې، چې د پوليو واکسين د کمپاين په بهير کې د لویديځې حوزې يو ميليون او سل زره ماشومان، چې عمرونه يې له پېنځه کلونو لږ دي واکسين شي؛ خو له نېکه مرغه، چې په هرات کې به ترې پرته له خنډ او ځنډه ٧٢٠ زره واکسين شي.
واکسیناتوره فنا نظامي وایي؛ زه شخصاً او زمونږ ټوله ډله په رښتینې توګه کار کوو، چې ګوزڼ ویروس له منځه یوسو.
د دې کمپاین یوه بله رضاکاره یګانه نبیزاده وایي: زمونږ هیله دا ده، چې ګوزڼ ویروس له افغانستان څخه ورک شي؛ ځکه، نو مونږ ډېر خوشحاله یو، چې هر کور ته ځو او واکسین کوو.
ویل کیږي، چې د دوشنبې پر ورځ به په غور، بادغیس او فراه ولایتونو کې د ګوزڼ واکسین کمپاین پیل شي.
د هرات د عامې روغتیا ریاست وايي، چې له تېرو دوه کلونو راپدیخوا د هېواد په لویدیځ کې د پولیو کومه پېښه نده ثبت شوې.
د هرات د عامې روغتیا مرستیال محمد آصف کبیر زیاته کړې: مونږ له واکسین پاتې شوې سيمې نلرو او د واکسين په هر پروګرام کې د پلان له مخې ټولې سيمې څېړل کېږي او که کومه سيمه پاتې شوه؛ سمدستي تر پوښښ لاندې راځي.
د بادغیس د عامې روغتیا مشر محمد آصف قانت ویلي: په دې کمپاین کې زمونږ موخه دا ده، چې شاوخوا ۱۸۴ زره ۴۸۹ ماشومان واکسین کړو او هڅه کوو، چې ټول ماشومان واکسین شي.
په تېر پړاو کې مو د هرات ۷۲۸ زره ماشومان واکسین کړي وه.
په روان پړاو کې شاوخوا ۵۰۰۰ رضاکاران د ګوزڼ واکسین د پروګرام د پلي کولو مسوولیت پر غاړه لري.
تازه خبرونه
چین له افغان زلزله ځپلیو سره د څه باندې ۷ میلیون ډالرو مرسته کوي

په خوست او پکتیکا ولایتونو کې له زلزلې او ویجاړیو پېنځه ورځې تېرې شوې؛ خو د دغو ولایتونو زیانمن شوي خلک د مرستو په وېش کې د روڼتیا له نشتوالي انډېښمن شوي دي.
د پکتیکا او خوست د اړوند سیمو زلزله ځپليو زرګونه خلکو خپل کورونه او مالونه له لاسه ورکړي او تر شنه آسمان لاندې او یا په وېشل شویو خیمو کې ژوند کوي.
چارلي ډاګاتا امریکایي خبریال او شنونکي څرګنده کړې؛ د امريکا د ډېرو مرستندويه ادارو په ګډون ډېرې نړيوالې مرستندويه ټولنې د طالبانو( اسلامي امارت) له حاکمیت او حکومت وروسته له افغانستان څخه ووتل. سربېره پر دې د طالبانو پر وړاندې بنديزونه هم شته، نو افغانستان ته رادننه کېدونکې پیسې له نږدې څارل کېږي، چې حکومت ته ونه رسیږي؛ خو په افغانستان کې د دې لپاره، چې په راتلونکي کې دا ډول غمیزه تکرار نشي، پر بېخبناوو پانګونه ورته ډېره اړینه ده.
که څه هم د سیمې ګڼو هېوادونو زلزله ځپلیو ته لسګونه ټنه خوراکي توکي، درمل او د سرپناه لومړني وسایل ورکړي؛ خو زیانمن شوي خلک وايي، چې تر دې دمه دوی ته رسېدلي مرستې بسنه نکوي او حکومت اړ دی، چې آسانتیاوې برابرې او دوی ته نوره مرسته چمتو کړي.
چین په خوست او پکتیکا ولایتونو کې د زلزله ځپلیو د اړتیاوو د پوره کولو لپاره د څه باندې اووه میلیون ډالرو مرستې اعلان وکړ.
همدارنګه هره ورځ د سیمې او نړۍ له هېوادونو مرستې د کابل او خوست هوايي ډګرونو ته رارسیږي او پر زیانمنو شویو کسانو وېشل کېږي.
د تېرې چارشنبې له زلزلې څخه پاتې زیان او ویجاړۍ خورا پراخې دي؛ د نړيوالو موسسو لخوا د خپرو شويو معلوماتو له مخې، د خوست او پکتيکا په پېنځه ولسواليو کې شاوخوا درې زره کورونه ويجاړ شوي دي.
دا په داسې حال کې ده، چې له زلزله ځپلیو سره د مرستې لپاره نن د قطر خوراکي توکي، درمل او د جامو توکي نن افغانستان ته راورسېدل.
خو د وروستۍ زلزلې ځپلي خلک له دې مرستو راضي نه دي او له نړیوالې ټولنې او اسلامي امارت څخه د لا زیاتو مرستو غوښتنه کوي.
-
تازه خبرونه4 days ago
د پکتیکا د عامې روغتیا مشر له زلزله ځپلو سره د بېړنۍ مرستې غوښتنه وکړه
-
تازه خبرونه3 days ago
د پکتیکا او خوست ولایتونو زلزله ځپلي د بیات بنیاد له مرستو برخمن شول
-
نړۍ4 days ago
د پاکستان مرکزي بانک په تېلو کې د سپما لپاره خپلو کارکوونکیو ته له کوره د کار کولو سپارښتنه وکړه
-
تازه خبرونه5 days ago
په تېرو لس میاشتو کې له ۲۵۰ زره ډېر افغانان پاکستان ته کډوال شوي
-
تازه خبرونه2 days ago
د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي
-
تازه خبرونه4 days ago
بیات بنیاد د افغان زلزله ځپلو لپاره د مرستې بېړنۍ نړیواله غوښتنه پیل کړه
-
تازه خبرونه2 days ago
هند په کابل کې خپلې سفارتي چارې بیا پیل کړې
-
تازه خبرونه2 days ago
تایوان د افغانستان له زلزله ځپلیو سره یو میلیون ډالري مرسته اعلان کړه