Connect with us

تازه خبرونه

یونیسف د افغانستان ښوونکیو ته د معاش ورکولو ژمنه وکړه

خپور شوی

د

له هغې وروست، چې نړیوالې ټولنې له اسلامي امارت سره خپلې مرستې ودرولې؛  اوس د یونیسف یا له ماشومانو څخه د ملاتړ ادارې ژمنه کړې، چې د افغانستان ښوونکیو ته په مستقیم ډول معاشونه ورکړي.

په افغانستان کې د یونیسف مشرې ژنټ وګلار په یوه برېښنالیک کې رویټرز ته څرګنده کړې؛ یونیسف یو داسې سیسټم په کارولی، چې ښوونکیو ته د اوسنیو څانګو له لارې پرته له پیسو لیږدولو ښوونکیو ته د تنخاوو ورکړه شونې کړي.

دغه راز ویل شوي؛ د معاشونو د چمتو کولو لپاره به د ټولو دولتي ښوونکیو نوم ليکنه پيل شي.

ویګلار زیاته کړې: په افغانستان کې د نجونو د زدکړې د ملاتړ تر ټولو ښه لاره له  ښوونځیو او ښوونکیو ملاتړ دی. یونیسف له ټولو مرستندویانو غوښتي، چې له زدکړو څخه د افغان ماشومانو د بې برخې کېدو مخه ونیسي.

له هغې وروسته، چې د اګست پر ۱۵ په افغانستان کې اسلامي امارت واک ته ورسېد؛ عامه خدماتونه په ځانګړې توګه د روغتیا او پوهنې په برخو کې د نړیوالې ټولنې د مرستو د درېدو له کبله یو نوي ناورین ته وردننه شول.

ډېري بهرنیو دولتونو افغانستان ته د مرستو لیږل بند کړل؛ خو کرار کرار یې د بشردوستانه مرستو د ټولنو له لارې خپلې ټکنۍ مرستې چمتو کړې. بشردوستانه مرستې عموماً په بیړنیو توکو پورې محدودې وي لکه غنم او کمبل.

په افغانستان کې ځینو ښوونکیو ان کارکوونکیو ته د تېر حکومت د وروستیو میاشتو معاشونه ټکني ورکړ شوي او ورسره د افغانستان د مرکزي بانک میلیاردونه ډالر بودیجه د امریکا پر مشرۍ په بهر کې کنګل شوې ده.

نړیواله ټولنه د نجونو پر زدکړو د بندیزونو د وضعیت په اړه اندېښمنه شوه او د افغانستان په اکثرو ولایتونو کې لیسې د نجونو پر مخ تړلې دي. په داسې حال کې، چې هلکانو د خپلو زدکړو بهیر روان ساتلی دی.

د اسلامي امارت یوه چارواکي په روانه اوونۍ کې رویټرز ته ویلي: نجونې په یو شمېر ولایتونو کې ، چې ورته زمینه برابره ده ښوونځي ته ځي او په نورو ولایتونو کې به هم نجونې ښوونځيو ته د تلو اجازه ولري.

د پوهنې په وزارت کې د بهرنۍ بودیجې د پروګرام مشر وحیدالله هاشمي ویلي؛ مونږ په ځانګړي توګه له یونیسف او ځینو نورو نړیوالو موسسو سره کار کوو، چې یوې ښې حل لارې ته ورسیږو. مونږ هره ورځ په دې اړه غونډه لرو.

هغه زیاته کړې: مونږ ستونزه لرو؛ ځکه، چې په ښه مالي حالت کې نه یو. مونږ له نړیوالې ټولنې او نړیوالو بنسټونو څخه په دې اړه د بېړنیو مرستو غوښتنه کوو.

د افغانستان مالیې وزارت هم خبر ورکړی، چې ډېر ژر به د پېنځه وزارتونو معاشونه ورکړي، چې د پوهنې وزارت هم په کې شامل دی.

یونيسف د خپلې طرحې د پلي کولو ژمنه په داسې حال کې په ډاګه کړې، چې نړيوالې ټولنې اسلامي امارت  د پيسو پر لېږد بنديز لګولی دی.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!