سوداگري
یو اماراتي شرکت د سالنګ د دوهیم تونل او درملو یوې کارخونې جوړولو ته لېواله شو
د پانګونې «بینالوزارتي» کمیټې په غونډه کې د دې شرکت د پانګونې پر موضوع بحث وشو او له لېوالتیا یې هرکلی شوی دی.
د متحده عربي اماراتو HHM Global Industry Group شرکت په افغانستان کې د سالنګ دوهیم تونل او د درملو د تولیدي کارخونې جوړولو په برخو کې د پانګونې لېوالتیا ښودلې ده.
د پانګونې «بینالوزارتي» کمیټې په غونډه کې د دې شرکت د پانګونې پر موضوع بحث وشو او له لېوالتیا یې هرکلی شوی دی.
یادې کمیټې ویلي؛ اړوند وزارتونه او ادارې چمتو دي، چې په دې برخه کې له اماراتي شرکت سره لازمه همکاري وکړي.
له دې شرکت څخه وغوښتل شول، چې د سالنګ دوهیم تونل، د درملو تولیدي کارخونې د پانګونې ځانګړې طرحې چمتو او اړوند کمیټې ته وړاندې کړي.