Connect with us

ساینس او ​​ټیکنالوژي

یو فلزي ربات کولی شي پر بڼه بدلولو ځان نرم او د تېښتې لار خپله کړي

Published

 on

(Last Updated On: سلواغه ۱۱, ۱۴۰۱)

پوهانو څرګنده کړې؛ یو کوچنی فلزي ربات کولی شي پر بڼه بدلولو په سختو ځایونو کې هم خپلې دندې بشپړې کړي او حتی له پنجرې تیښته وکړي.

د ساینسي څېړنو له مخې؛ ساینس پوهانو د روباتیک په برخه کې پرمختګ کړی او د داسې ربات پر جوړولو بریالي شوي، چې کولی شي ځان نرم کړي او د فلزې پنجرې په ګډون ځان له هر سخت چاپېریاله بریالی وباسي.

سمندري خیار یا بحري بادرنګ ته له ورته حیواناتو الهام اخیستل شوي دا کوچني رباتونه هم ځان نرموي او هم سختولی شي. له همدې کبله دوی د دې وړتیا لري، چې په بېلابېلو برښنایي او طبي څانګو کې یو لړ عملي خدمات چمتو کړي او پر هغو رباتونو غلبه ومومي، چې یو یا جامد حالت لري.

دا رباتونه کولی په سختو لارو کې حرکت وکړي. ان د اړتیا وړ توکي د انسان معدې ته وړاندې او له فلزي پنجرو څخه د تېښتې پروخت ځان نرم او مایع کړي.

د چین د هانګ‌کانګ پوهنتون انجنیر چینګ‌فینګ پان وايي: په رباتونو کې د مایع او جامد حالتونو ترمنځ د بدلون وړتیا د دوی هڅې نورې هم زیاتوي.

د دغه ربات په جوړولو کې څېړونکیو غیر زهرجن موادو ته اړتیا درلوده، چې وکولی شي په اسانۍ سره د خونې په حرارت کې د نرم او سخت حالت ترمنځ هم بدلون ومومي. دوی ګالیم ته مخه کړه، چې دا یو نرم فلز دی او د ۲۹ اعشاریه ۷۶ سانتي ګراد درجې لرونکی دی. دا درجه د انسان د بدن د حرارت له درجه یوازې یو څو درجې ټیټه ده. ان تاسې کولی شئ ګالیم یوازې په خپل لاس کې له نیولو سره ویلې کړئ.

څېړونکي هیله لري، چې دا ربات به د درملو په رسولو کې وکارول شي؛ خو تر اوسه په بشپړه توګه څېړل شوی ندی.

کارپوهانو ویلي؛ په راتلونکي کې باید نورې څېړنې هم ترسره شي او وښودل شي، چې دا رباتونه په طبي برخه کې څنګه کارول کیدی شي.

ساینس او ​​ټیکنالوژي

فیسبوک خپل ۱۰ زره کارکوونکي له دندې لرې کوي

Published

on

(Last Updated On: کب ۲۵, ۱۴۰۱)

فیسبوک، د میتا د یوې برخې په توګه؛ سې شنبې پر ورځ د خپلو ۱۰ زره  کارمندانو د لرې کولو اعلان وکړ؛ ځکه، چې له ژور اقتصادي بحران سره مخ دی.

د تکنالوژۍ تر ټولو ستر شرکت فیسبوک څلور میاشتې مخکې هم خپل ۱۱ زره کارکوونکي له دندو ګوښه کړي وه.

د میتا شرکت اجرائیه مشر مارک زاکربرګ ويلي، د دندو ختمول مو د یوه کال د ګټورو هڅو یوه برخه ده؛ خو سخت کار دی.

نوموړي د خپل شرکت کارکوونکیو ته ویلي، د لس زره کارکوونکیو د دندې پای ته رسولو تر څنګ به په شرکت کې پر شته پېنځه سوه دندو نوي کسان ونه‌ګومارل شي.

د یادونې ده، چې د ۲۰۲۲ ز. کال په اوږدو کې دې شرکت ۲۳ میلیادر دالر ګټه کړې؛ خو ویل کیږي، چې د همدې کال تر دسمبره یې هر کال په عایداتو کې څلور سلنه کموالی راغلی دی.

Continue Reading

ساینس او ​​ټیکنالوژي

تویتر له تاوتریخوالي ډکو اندونو سره د مقابلې لپاره خپل مقررات نور هم سخت کړل

Published

on

(Last Updated On: کب ۱۱, ۱۴۰۱)

تویتر په دې وروستیو کې د خپرېدونکیو اندونو د مینځپانګې لپاره خپل مقررات بدل کړي او اوس کارونکي باید په دې ټولنیزه شبکه کې د مینځپانګې خپرولو پرمهال ډېر پام وکړي.

دا بدلونونه له تاوتریخوالي سره د مبارزې لپاره رامنځته شوي دي. که څه هم دا بدلون شرکت ته د ایلان ماسک له ورننوتلو راپدیخوا لومړی بندیز ندی؛ خو دا د پاملرنې وړ یو بدلون دی.

د تویتر د نویو پالیسیو له مخې؛ کاروونکي نور نشي کولی، نورو ته د زیان رسولو غوښتونکي شي یا دې ته ورته مواد ورته په ډاګه کړي.

په دې مقرراتو کې راغلي: په دې کې د بل د مړینې، ناروغۍ، حادثې، یا نورو فزیکي پېښو لپاره د امید څرګندول شامل دي، چې کیدی شي زیانمنې پایلې ولري.

دا په داسې حال کې ده، چې تویتر پخوا خلکو ته د فزیکي زیان رسولو هیله د خپلو مقرراتو خلاف نه ګڼله.

سربېره پردې اوس د دې ټولنیزې شبکې د نویو مقرراتو له مخې؛ د خلکو د ورځني، مدني یا سوداګریزو فعالیتونو بنسټونه ګواښل هم منع دي. په دې بندیز کې د ملکي خلکو کورونو یا پناه ځایونو ته ګواښونه هم شامل دي. کارونکي به نور ونشي کولی د ویدیو لوبو یا سپورت پېښو په اړه له تاوتریخوالي ډکې تبصرې وکړي.

تویتر ويلي، چې که تاسې له مقرراتو سرغړونه وکړئ؛ نو ستاسې حساب به وځنډول شي؛ خو  که سرغړونه جدي نه وي، ټولنیزه شبکه کولی شي ستاسې حساب ته د لاسرسي د بېرته ترلاسه کولو لپاره له تاسې څخه د اړوند مینځپانګې لرې کولو غوښتنه وکړي.

Continue Reading

ساینس او ​​ټیکنالوژي

سپینې ماڼۍ حکومتي څانګو ته د تیک تاک پرېښودو لپاره ۳۰ ورځنی ضرب الاجل ټاکلی

Published

on

(Last Updated On: کب ۹, ۱۴۰۱)

سپینې ماڼۍ د دوشنبې پر ورځ ( د کب ۸) حکومتي ادارو ته ۳۰ ورځې وخت ورکړ، چې د چین تیک تاک پروګرام له ټولو فدرالي څانګو او سیستمونو لرې کړي.

د رویترز د څرګندونو له مخې؛ د امریکا د مدیریت او بودیجې دفتر رییس شالاندا یانګ په یوه یادښت کې ادارو ته ویل شوي، چې ټولې فدرالي ادارې باید د امریکا معلوماتو خوندي ساتلو لپاره له خپلو تیلیفونونو او سیستمونو څخه تیک تاک لرې کړي.

دا بندیز، چې د تېر کال په وروستیو کې د کانګرس پر حکم صادر شو؛ کانادا، اروپایي اتحادیې، تایوان او د امریکا نیمایي هېوادونو ورته هڅې پیل کړې.

د تیک تاک مالک بایت دنس ویلي، چې دا اندېښنې د غلطو معلوماتو له کبله دي. هغه د امریکایانو د جاسوسۍ لپاره د دې برنامې کارول رد کړل. دا عمل د ټیک توک په ټولو امریکایی کاروونکیو اغېزه نه‌کوي( له ۱۰۰ میلیون څخه ډېر امریکایان، چې دا برنامه په شخصي یا شرکتي تیلیفونونو کې کاروي. تیک تاک د سپینې ماڼۍ پر یادښت تبصره نده کړې.

ډېرو دولتي ادارو د سپینې ماڼۍ، د دفاع وزارت، د کورنیو چارو وزارت او د بهرنیو چارو وزارت په ګډون د رایې ورکولو څخه مخکې په دولتي تیلیفونونو کې د تیک تاک کارول منع کړي دي.

د امریکا د استازیو جرګې د بهرنیو اړیکو کمیته ټاکل شوې، چې د هغه لایحې په اړه رای ورکړي، چې ولسمشر جو بایدن ته به واک ورکړي، چې د امریکا په ټولو تیلیفونونو کې د تیک تاک کارولو بندیز ولګوي.

د امریکا د مدني آزادیو اتحادیې اعلان کړی، چې د کانګرس لخوا د تیک تاک بندیز سره مخالفت کوي.

د سپینې ماڼۍ یادښت کې راغلي، چې د ۹۰ ورځو دننه ادارې باید د قراردادونو له لارې د معلوماتي تکنالوژۍ پلورونکیو لخوا د تیک تاک پر هر ډول کارونې بیاکتنه وکړي.

تېره اوونۍ د اروپایی اتحادیې دوه سترو پالیسۍ جوړوونکيو ادارو د انترنیت امنیت اندېښنو له کبله د کارمندانو تیلیفونونو کې د تیک تاک کارول منع کړل.

Continue Reading

Trending

Copyright © 2022 Ariana News. All rights reserved!