Connect with us

لوبی

ارجنټاین د نړیوال جام نیمه پایلوبې ته لار وموندله او برازیل پاتې شو

خپور شوی

د

(Last Updated On: ليندۍ ۱۹, ۱۴۰۱)

په قطر نړیوال جام سیالیو کې ارجنتاین بریالی شو، د لوبې په دوه یم پړاو کې هالیند ته هم ماتې ورکړي او نیمه پایلوبې ته لار ومومي؛ خو برازیل له کروشیا ماتې وخوړله او په دې توګه دواړه لوبډلې د لوبې له ډګره ووتل.

د ارجنتاین او هالینډ ترمنځ لوبه د نړیوال جام د غوراوي پړاو یوه له حساسو او په زړه پورې لوبو څخه وه، چې دا لوبه د عادي او اضافي وخت په پای کې ۲-۲ مساوي شوه؛ خو ارجنتاین خپل سیال ته په پینالتي کې د یو ګول پر توپیر ماتې ورکړه.

له دې بریا سره د ارجنتاین لوبډلې د نړیوال جام نیمه پایلوبې ته لار پیدا کړه او د سې شنبې پر ورځ به له کرواسي یا کرویشیا سره مخ شي.

د ارجنتاین لوبډلمشر لیونل میسي ویلي: ارجنتاین د نړۍ له ۴ غوره لوبډلو یوه لوبډله ده؛ مونږ پوهیږو، چې څنګه هره لوبه له لیوالتیا ډکه ترسره کړو.

هغه زیاته کړې: مونږ ډېر خوښ یوو او باید اضافي وخت ته نه وای تللي؛ خو په پای کې مونږ بریالي شوو او دا حیرانوونکې ده.

د کرواسي یا کرویشیا لوبډله بیا هم برازیل ته له ماتې ورکولو سره د نړیوال جام نیمه پایلوبې ته ورسیده. دا لوبه په نورمال وخت کې له کوم ګول پرته پای ته ورسېده؛ خو د اضافي وخت په ۱۰۶مه دقیقه کې نیمار او پیتکوویچ  لس دقیقې وروسته یو – یو ګول ترسره کړ؛ خو په پینالتي کې بیا کروشیا لوبډله بریالۍ شوه، چې برازیل ته ۴ د دوه پر وړاندې ماتې ورکړي او د پېنځم ځل نړیوال جام اتلولۍ ته لار ومومي.

د کرویشیا ساتونکي بورنا سوسا وویل: مونږ پوهیږو، چې که لوبه پینالتي ته لاړه شي؛ ښه لوبه به ترسره کړو. دومینیک لیواکوویچ) څو ځله ښودلې، چې هغه یو ښه ګول کیپر دی.

په راتلونکې دوه تېرو سیالیو کې به نن (شنبه) مراکش له پرتګال او انګلستان به له فرانسې سره مخ شي.

لوبی

راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو

Published

on

(Last Updated On: کب ۲۴, ۱۴۰۲)

د افغانستان کرکټ بورډ د ایرلینډ پر وړاندې د شل اوریزو نړیوالو سیالیو لپاره د کرکټ ملي لوبډلې د ۱۵ لوبغاړو نوملړ اعلان کړ.

په دغه اعلان شوي نوملړ کې راشد خان ارمان د ملي لوبډلې د لوبډلمشر په توګه راغلی دی.

نوموړی د ملا د درد له کبله له اوږده ځنډ وروسته لوبدلې ته راستون شوی دی.  

د افغانستان او ایرلینډ کرکټ لوبدلې به له نړیوالو یو ورځنیو او ټیسټ لوبو وروسته د مارچ پر پېنځلسمه، اووه‌لسمه اواتلسمه د متحده عربي اماراتو په شارجه لوبغالي کې سره ولوبیږي.

د افغانستان د لوبغاړو نوملړ:

راشد خان ارمان (لوبډلمشر)، ابراهیم ځدراڼ، رحمان الله ګربز، صدیق اتل، اعجاز احمدزی، اسحاق رحیمي، محمد نبي، ننګیال خروټی، عظمت الله عمرزی، نور احمد، مجیب الرحمن، وغادار مومند، فرید ملک، نوین الحق او فضل الحق فاروقي.

Continue Reading

لوبی

د افغانستان کرکټ لوبډلې د یو ورځنیو سیالیو د لړۍ دوه‌یمه اتلولي هم خپله کړه

Published

on

(Last Updated On: کب ۲۳, ۱۴۰۲)

د افغانستان کرکټ ملي لوبډلې د یو ورځنیو سیالیو درېیمه او وروستۍ لوبه هم له ایرلنډ څخه د ۱۱۷ منډو پر توپیر وګټله او په عربي متحده اماراتو کې یې د یو ورځنیو نړیوالو سیالیو د لړۍ اتلولي خپله کړه.

په دې لوبه کې، چې تېره شبه ترسره شوه افغان لوبغاړی محمد نبي پر ۵ ویکټو د افغانستان غوره لوبغاړی شو او ننګیال خروټی هم په دې لوبه کې ښه ځلیدلی دی.

افغانستان لومړۍ یو ورځنۍ لوبه ګټلې او د دواړو لوبډلو ترمنځ دوه‌یمه لوبه د باران له کبله لغوه شوې وه؛ خو درېیمه لوبه یې هم د ځان پر ګټه راوڅرخوله.

که څه هم ایرلنډ د لوبې پچه ګټلې وه او لومړی یې توپ‌اچونه غوره کړه؛ خو افغان لوبغاړو په ۵۰ اورونو کې د ۹ لوبغاړو پر سوځېدو ایرلنډ ته د ۲۳۷ منډو هدف وټاکه.

په لومړۍ نیمايي کې حشمت الله شهیدي د ۶۹ منډو پر جوړولو د نورو افغان لوبغاړو پر پرتله ښه وځلید.

په دوه‌یم اور کې د ایرلنډ لوبډلې په ۳۵ اورونو کې خپل ټول لوبغاړي له لاسه ورکړل او تر ۱۱۹ زیاتې منډې یې جوړې نه کړی شوې.

محمد نبي، چې د دې سيالۍ غوره لوبغاړی وټاکل شو، پېنځه ايرلنډي لوبغاړي يې له سيالۍ لرې او ننګيال خروټي هم څلور مخالف لوبغاړي له منځه يوړل.

د یادونې ده، چې محمد نبي په لوبه کې ښه وځلید؛ خو په ټول لوبلړ کې رحمان الله ګربز د لوبې غوره لوبغاړی وټاکل شو.

Continue Reading

لوبی

راشد خان د ایرلینډ پر وړاندې په ۲۰ اوریز لوبلړ کې لوبه کوي

Published

on

(Last Updated On: کب ۲۲, ۱۴۰۲)

د افغانستان  کرکټ ستوری راشد خان، چې د تېر کال په نومبر میاشت کې د ملا پر درد اخته شوی و؛ اوس روغ شوی او د ایرلینډ پر وړاندې به په ۲۰ اوریز لوبلړ کې، چې د جمعې پر ورځ پیلیږي لوبه وکړي.

راشد خان د افغانستان کرکټ بورډ سره په خپله مرکه کې ویلي؛ دی به د هند په غوره لیګ کې هم برخه واخلي، چې ټاکل شوې د راتلونکې جمعې پر ورځ پیل شي.

هغه زیاته کړې: پلان مې دا دی، چې په راتلونکیو (د آیرلینډ پر وړاندې ۲۰ اوریزو لوبلړ ) سیالیو کې د هېواد استازیتوب وکړي او تمرینات یې روان دي او نن دوه‌یمه ورځ ده او له نیکه‌مرغه ښه ترسره شول. هیله من یم، چې راتلونکې ورځې به هم ښې وي او بیا کولی شم یو ځل بیا ملي کمیس واغوندم او د خپل هېواد لپاره ښه کار کول روان وساتم.

نوموړی په دې باور دی، چې د هند په غوره لیګ کې لوبېدل به له ده او نورو افغان لوبغاړو سره مرسته وکړي؛ په ۲۰ اوریز نړیوال جام کې، چې ټاکل شوې د جون په میاشت کې پیل شي ښه وځلېږي.

هغه زیاته کړې: ښه خبره دا ده، چې زمونږ ډېري لوبغاړي به د هند غوره لیګ کې ولوبیږي او دا به د نړیوال جام لپاره ښه چمتووالی وي او مونږ به له هغو کسانو سره هم اړیکه ونیسو، چې په دې لیګ کې به نه وي (د هند غوره لیګ ) ښه کار وکړو.

راشد خان پر وروستي ځل څلور میاشتې مخکې په ۵۰ اوریز کرکټ نړیوال جام کې له سویلي افریقا سره لوبېدلی و.

 

Continue Reading

Trending

Copyright © 2022 Ariana News. All rights reserved!