تازه خبرونه
اسلامآباد له خبرو ناکامولو وروسته د کابل له سخت غبرګون سره مخ شو
د دغو سرچینو د څرګندړونو له مخې؛ که پاکستان پر افغان خاوره بمبارډ وکړي، افغان ځواکونه به هم اسلام آباد پر نښه کړي.
سرچینې آریانا نیوز ته ويلي: له هغې وروسته، چې پاکستاني پلاوي په ترکیه کې له وروستیو خبرو اترو دډه وکړه او درې ورځنۍ خبرې اترې بې پایلې پاتې شوې؛ افغان حکومت پرېکړه کړې، چې که پاکستان پوځي بریدونه تکرار کړي؛ نو له متقابل غچ سره به مخ شي.
د دغو سرچینو د څرګندړونو له مخې؛ که پاکستان پر افغان خاوره بمبارډ وکړي، افغان ځواکونه به هم اسلام آباد پر نښه کړي.
سرچینې زیاته کړې؛ د خبرو په بهیر کې افغان لوری د خبرو غځولو ته ژمن و؛ خو پاکستاني پلاوي د غیر معقول او نه منلو وړ غوښتنو پر وړاندې کولو خبرې ګډې وډې کړې.
د پاکستاني پلاوي یوه جنجالي غوښتنه دا وه؛ افغان حکومت باید په پاکستان کې جنګ کوونکي وسلوال بېرته وروغواړي او کنټرول یې کړي. دا یو داسې وړاندیز دی، چې د افغان لوري رد کړ.
له دې سره همهاله د افغانستان کورنیو چارو وزارت ویاند عبدالمتین قانع له آریانا نیوز سره په یوه وروستۍ مرکه کې پاکستان ته داسې خبرداری ورکړ؛ که پاکستان پر افغانستان هوایي برید وکړي دوی به داسې ځواب ورکړي، چې پاکستان او نورو ته درس شي.
قانع زیاته کړې: سمه ده، چې مونږ اتم نلرو؛ خو که پاکستان برید وکړي، غچ به واخلي او که کابل پر نښه شي، اسلام آباد به مو راتلونکی هدف وي.
نوموړی وایي: «آیا ناټو اټومي وسله نهدرلوده؟! امریکا نهدرلوده؟! دوی شل کاله په افغانستان کې جګړه وکړه او ان د بمونو مور یې وکاروله. دا سمه ده، چې تاسې (پاکستان) اوس لږ یا ډېرې وسلې لرئ؛ خو تاسې باید هیر نکړئ، چې افغان ملت هیچا ته سر ندی ټیټ کړی.”
دا په داسې حال کې ده، چې د پاکستان له وروستیو هوایي بریدونو وروسته د دواړو خواوو ترمنځ تاوتریخوالی زیات شوی دی.
تازه خبرونه
له ۱۰۰ ډېرو افغان سوداګرو او پانګهوالو ازبکستان ته سفر وکړ
د افغانستان د سوداګرۍ او پانګونې خونې د معلوماتو له مخې؛ په دې درې ورځني سفر کې به د ازبکستان د سردریا ولایت له چارواکو سره لیدنې، د سوداګریزو شرکتونو ترمنځ ناستې او له تولیدي مرکزونو څخه لیدنې ترسره شي.
د افغانستان سوداګرۍ او پانګونې خونې رییس سید کریم هاشمي د دغې خونې د مشرتابه او له سل ډېرو افغان سوداګرو او پانګهوالو پر ګډون د یوه لوړپوړي پلاوي پر مشرۍ ازبکستان ته سفر کړی دی.
د افغانستان د سوداګرۍ او پانګونې خونې د معلوماتو له مخې؛ په دې درې ورځني سفر کې به د ازبکستان د سردریا ولایت له چارواکو سره لیدنې، د سوداګریزو شرکتونو ترمنځ ناستې او له تولیدي مرکزونو څخه لیدنې ترسره شي.
یادې خونې ویلي، چې د دې سفر موخه د دواړو هېوادونو ترمنځ د سوداګرۍ پراخول، د پانګونې هڅول او د اوږدمهالو اقتصادي همکاریو پیاوړي کول دي.
تازه خبرونه
د افغانستان پر وړاندې د ملګرو ملتونو بندیزونه نور اغېزمن نهدي – هند
په ملګرو ملتونو کې د هند دایمي استازي پرواټهنني هریش د امنیت شورا په وروستۍ غونډه کې ویلي؛ اوسني بندیزونه نور اړین اغېز نهلري او له نړیوالې ټولنې یې غوښتي، چې د افغانستان په اړه یو نوی او رښتینی چلند غوره کړي.
په ملګرو ملتونو کې د هند دایمي استازي ویلي، چې د افغانستان په سیاسي وضعیت کې له پراخو بدلونونو سره اوس هغه وخت رارسېدلی، چې نړیواله ټولنه د دې هېواد پر وړاندې د ملګرو ملتونو پر اوسنيو بندیزونو بیاکتنه وکړي.
په ملګرو ملتونو کې د هند دایمي استازي پرواټهنني هریش د امنیت شورا په وروستۍ غونډه کې ویلي؛ اوسني بندیزونه نور اړین اغېز نهلري او له نړیوالې ټولنې یې غوښتي، چې د افغانستان په اړه یو نوی او رښتینی چلند غوره کړي.
نوموړي ټینګار کړی، چې د افغانستان سیاسي وضعیت د پخوا پر پرتله د پام وړ بدلون کړی او د تنبیهي تګلارو دوام د شته ننګونو په اواري کې مرسته نهشي کولی.
د هند استازي همدارنګه د افغانستان په خاوره کې د پاکستان هوايي بریدونه غندلي او د ملګرو ملتونو د مرستندویه پلاوي(یوناما) د موندنو پر ډاډ ویلي، چې دغو بریدونو ملکي وګړو ته د پام وړ مرګ او ژوبله اړولې ده.
هریش په خپلو څرګندونو کې پاکستان تورن کړی، چې د افغانستان پر وړاندې یې سوداګریز او ټرانزیټي محدودیتونه لګولي دي او د سوداګرۍ د پراختیا او د افغانستان د اقتصادي وضعیت ښهوالي ته د زمینې برابرولو لپاره يې د دغو محدودیتونو د لرې کولو غوښتنه کړې ده.
تازه خبرونه
په فراه کې پر زر جریبه ځمکه ستر ټرانسپورټي تمځای جوړېږي
د ټرانسپورټ او هوايي چلند وزارت چارواکو ویلي، د دې پروژې له بشپړېدا سره به د مسافرو د تګ راتګ ستونزې راکمې، د باروړونکو موټرو لپاره به لازمې آسانتیاوې برابرې او د فراه ښار ټرافیکي ګڼه ګوڼه کمه شي.
د فراه ولایت په ختیځ کې پر زر جریبه ځمکې د مسافرو او باروړونکو موټرو لپاره د یوه ستر او معیاري تمځای د جوړولو چارې پیل شوې، چې د لومړي پړاو لګښت یې ۱۲۷ میلیون افغانۍ ښودل شوی دی.
د ټرانسپورټ او هوايي چلند وزارت چارواکو ویلي، د دې پروژې له بشپړېدا سره به د مسافرو د تګ راتګ ستونزې راکمې، د باروړونکو موټرو لپاره به لازمې آسانتیاوې برابرې او د فراه ښار ټرافیکي ګڼه ګوڼه کمه شي.
د چارواکو د څرګندونو له مخې، دا تمځای د تېلو زېرمه، مسافرخونه، دوکانونه، اداري ودانۍ، جومات او شنه سیمه هم لري.
د ټرانسپورټ او هوايي چلند وزارت مالي او اداري مرستیال حافظ صدیقالله عابد د پروژې د پرانیستې پر مهال ویلي، چې فراه د سیمهییزو لارو یو مهم مرکز دی او د دې تمځای جوړېدل به د ټرانسپورټي خدمتونو د ښهوالي او اقتصادي فعالیتونو د پیاوړتیا لپاره مهم رول ولوبوي.
چارواکي زیاتوي، چې دغه تمځای د فراه هوايي ډګر ختیځ لوري کرجي سیمې ته نږدې جوړېږي، چې ۳۰۰ جریبه ځمکه یې د مسافرو موټرو او ۷۰۰ جریبه یې د باروړونکو موټرو لپاره ځانګړې شوې ده.
له ۱۰۰ ډېرو افغان سوداګرو او پانګهوالو ازبکستان ته سفر وکړ
د افغانستان پر وړاندې د ملګرو ملتونو بندیزونه نور اغېزمن نهدي – هند
په فراه کې پر زر جریبه ځمکه ستر ټرانسپورټي تمځای جوړېږي
نړۍ او کورنیو لوریو د نورستان له سېلاب ځپلو سره ملاتړ او خواخوږي ښکاره کړه
پاکستان تل د افغانستان د بېثباته کولو هڅه کړې ـ فضلالرحمن
افغانستان په قطر کې د مرګوني چاودنې له قربانیانو سره خواخوږي وښوده
په کابل کې د قطر سفارت د افغانستان او نړیوالې ټولنې د اړیکو په اړه ناسته وکړه
هند افغان ځوانانو ته زر آنلاین تحصیلي بورسونه ځانګړي کړي
له دوه کلونو وروسته؛ سټارمر د استعفا اعلان وکړ
د افغانستان او هند تر منځ د سوداګرۍ د پراختیا لپاره د همکارۍ هوکړهلیک لاسلیک شو
تحول: د ایران او امریکا تر منځ د نښتو نهمه شپه
څار: پر افغانستان او سیمه د منځني ختیځ د کړکېچ اغېز
تحول: د ایران او امریکا تر منځ وروستي بدلونونه
څار: په هيواد کې د نفتي توکو د بیو لوړوالی
څار: پر سیمه د ایران او امریکا د جګړې اغېز
-
تازه خبرونه1 day agoد نورستان په پارون کې د مرګونو سېلابونو له کبله ۲۰ کسان مړه او له ۱۰۰ ډېر ورک دي
-
لوبی1 day agoپه کابل کې د افغانستان د غېږنیونې غوره لیګ لومړی پړاو پیل شو
-
سوداگري3 days agoد افغانستان ټرانزیټي سوداګري د پاکستان له لارې ټیټې تاریخي کچې ته رسېدلې
-
International Sports3 days agoانګلستان فرانسې ته پر ماتې ورکولو د نړیوال جام درېیم مقام خپل کړ
-
تازه خبرونه3 days agoد امریکايي ځواکونو بېړهنۍ وتنه عراق له امنیتي تشې سره مخ کولی شي
-
سیمه ییز خبرونه3 days agoامریکا پر ایران نوي بریدونه پیل کړل؛ د ایران په برید کې امریکایي پوځیانو ته مرګ او ژوبله اوښتې
-
سیمه ییز خبرونه19 hours agoخلیل الحیه د حماس نوی مشر شو
-
تازه خبرونه15 hours agoد نورستان په سېلابونو کې ۲۳ کسان مړه، ۸۰ ټپیان او نږدې ۱۰۰ نور نادرکه دي