تازه خبرونه
اسلامي امارت د نجونو د زدهکړو د مخنیوي په اړه د نظر اختلاف لري – ریچارډ بینیټ
د افغانستان لپاره د ملګرو ملتونو د بشري حقونو راپور ورکوونکي ریچارډ بینیټ پرون (یکشنبه د لیندۍ ۱۹) د دوحې په غونډه کې ویلي، چې د افغانستان اسلامي امارت یو او واحد لیدلوری لري؛ خو د ښځو د زدهکړو په برخه کې وېشل شوی دی.
د نوموړي د څرګندونو له مخې؛ د اسلامي امارت د لوړو زدهکړو پخوانی وزیر د ښځو له زدهکړو د ملاتړ پر تور له دندې ګوښه شو.
ریچارډ بینیټ د ګوښه شوي چارواکي نوم وانهخیست؛ خو له دې مخکې د لوړو زدهکړو په وزارت کې ندامحمد ندیم او عبدالباقي حقاني چارسمبالي وه.
عبدالباقي حقاني د ١٤٠٠ لمریز لېږدیز کال د وږي پر ٢١ ويلي وه، چې نجونې د زدهکړې حق لري؛ خو بايد بېل شي او په غيرمختلط ټولګيو کې زدهکړې وکړي.
بینیټ د یکشنبې پر ورځ د دوحې په غونډه کې خبرې کړي، چې یوه موضوع یې د افغان نجونو زدهکړې وې.
نوموړي په همدې غونډه کې د اسلامي امارت د یاد اختلاف په اړه څرګنده کړې: د طالبانو (اسلامي امارت) یووالی د دوی د ځواکمنۍ ښکارندویي کوي؛ ځکه دوی یووالی بنسټیز ګڼي، خو د زدهکړې په برخه کې دوی یاد یووالی نهلري. مونږ دا توپیر د دوی په ځینو څرګندونو کې لیدلی دی.
نوموړي د لوړو زدهکړو له پخواني وزير سره خپلې ليدنې ته په نغوته (اشاره ) کې څرګند کړی؛ دې چارواکي په پوهنتون کې د نجونو لپاره په بېلو او جلا ټولګيو کې د زدهکړو د زمينې په اړه خبرې کولې.
بینیټ ویلي؛ مونږ د ښځو او نجونو د زدهکړې په اړه پراخې تخنیکي خبرې کړي؛ هغه نهدي ویلي، چې نجونې باید پوهنتون ته لاړې نهشي. هغه ویل، چې څنګه نجونو او میرمنو ته په جلا ځای کې زدهکړه ورکړ شي.
د ملګرو ملتونو د بشري حقونو د راپور ورکوونکي د څرګندونو له مخې؛ د اسلامي امارت دغه وزير څو مياشتې وروسته له خپلې دندې لرې شو.
بینیټ ویلي: شونې ده دلیل یې داوي، چې کندهار؛ د زدهکړو په اړه، د هغه نظر ډېر پراخ او پرمختللی وموند.
دغه راز د افغانستان د ښځو چارو او بشري حقونو لپاره د امریکا ځانګړې استازې هم په دې ناسته کې ویلي، چې د ښځو په اړه د اسلامي امارت سیاستونه دیني او اقتصادي بنسټ نهلري.
د افغانستان د ښځو چارو او بشري حقونو لپاره د امریکا ځانګړې استازې رینا امیري د ښځو د تعلیم، کار، سفر او سیاسي ګډون په حق کې پر لګول شویو محدودیتونو د نیوکې ترڅنګ وايي؛ دغه محدودیتونه هیڅ اقتصادي بنسټ نهلري او د ملګرو ملتونو د ارزونې له مخې په افغانستان کې د ښځو د بېکارۍ له کبله یو میلیارد ډالر عاید کم شوي او د ښځو د کار او زدهکړو بندیز پر کورنیو ویجاړونکي اغېز کړی دی.
په افغانستان کې د ښځو او بشري حقونو لپاره د امریکا ځانګړې استازې رینا امیري وايي: زه فکر نه کوم، چې دا اقتصادي بنسټ لري، البته، چې نهیې لري؛ ځکه مونږ او ملګرو ملتونو ارزیابي کړې، چې افغانستان له یو میلیارد ډالرو ډېر عاید له لاسه ورکړی او دا په حقیقت کې افغانستان ویجاړوي.
میرمن رینا امیري له دې خبرې سره پر ټینګار، چې د ښځو پر زدهکړو او کار بندیز دیني بنسټ هم نهلري ویلي؛ د نړۍ ۵۷ هېوادونو د اسلامي ټولنې په غونډه کې ویلي، چې د ښځو پر زدهکړو او کار بندیز له اسلامي لارښوونو سره په ټکر کې دی.
هغې ويلي: زه فکر نه کوم، چې دا له مذهب سره کوم تړاو لري. زه له دې مخکې په جده کې د ښځو د اسلامي همکارۍ ټولنې په کنفرانس کې وم، چې ۵۷ هېوادونو په کې ګډون کړی و او څرګنده شوه، چې دا د اسلام د سپېڅلي دین خلاف دی او دا سیاست دی.
اسلامي امارت وايي، چې د ښځو حقوق او بشري حقوق د شریعت په چوکاټ کې خوندي دي او په داخلي چارو کې بهرنۍ لاسوهنې ته اجازه نهورکوي.
په دې غونډه کې، چې د ګډې راتلونکې د جوړولو تر سرلیک لاندې په دوحه کې جوړه شوې وه، افغان مدني فعالانو په افغانستان کې د بشري حقونو په ځانګړي توګه د ښځو او نجونو د وضعیت په اړه خبرې وکړې او د افغان نجونو او ښځو د تعلیم پر اهمیت یې ټینګار وکړ.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
تازه خبرونه
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي
د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.
د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.
محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.
نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.
هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.
ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
په هر حال پر رفح برید شونی دی – نتانیاهو
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه