تازه خبرونه
اسلامي امارت د ښځو او نرینه وو لپاره پارکونو ته د ننوتلو مهالوېش جوړ کړ
د امر بالمعروف او نهی عن المنکر وزارت ویلي، چې نرینه او ښځینه کولی شي په بېلابېلو ورځو کې تفریحي پارکونو ته ولاړ شي.
د دغه وزارت د څرګندونو له مخې؛ ښځو ته په اوونۍ کې درې ورځې او نرینه وو ته په اوونۍ کې څلور ورځې اجازه ورکړ شوې، چې د کابل ښار پارکونو او تفریحي سیمو ته تګ راتګ وکړي.
دغه وزارت وايي، له دې ورځو وروسته د کابل ښار ټولو پارکونو ته د ښځو او نارینهوو د ننوتلو بهیر بېل شوی دی؛ یکشنبه، دوشنبه او سې شنبه د ښځو او چارشنبه، پنجشنبه، جمعه او شنبه د نررینه وو لپاره ځانګړې شوې دي.
په دې سپارښتنه کې راغلي، چې ښځې باید پارکونو او نورو تفریحي سیمو لکه پغمان دره، شکردره، استالف او نورو تفریحي سیمو ته د تګ پر مهال شرعي حجاب واغوندي.